EZEKELA 14:17 - Jinghpaw Common Language Bible 2009

¹⁷ “Shing n rai, ngai gaw dai mungdan a ntsa e hpyen majan baw dat nna masha hpe mung, yam nga ni hpe mung magawn jahten kau lu ai laknak ni hpe shangun dat na nngai,

Jinghpaw Hanson Version Bible

¹⁷ “Bai ngai gaw, dai mungdan ntsa e ri nhtu shangun nna, ‘Ntawng nhtu e, ndai mungdan hta masha hte yamnga n nga lu hkra, dai hpe shaza kau u,’ nga nna ngai tsun yang,

EZEKELA 14:17 ပူးပေါင်းရင်းမြစ်များ

YEREMIA 25:9

‘Ngai gaw dingdung maga de na amyu masha ni yawng hte hpe nye a shangun ma Babelon Hkawhkam Nebuhkadneza a matu shangun dat ya na nngai. Ngai gaw Yuda mung hte de a mung masha ni mahkra hte grup yin e nga ai amyu baw ni mahkra hpe mung, gasat kau na matu shanhte hpe woi sa wa na nngai. Shing rai ngai gaw ndai amyu masha ni hte makau grup yin na amyu baw ni hpe lung gasat kau ai hte dai shara ni gaw prat dingsa katsi katsang shara, hkrit hpa hte yu kajawng mat na zawn re ai shara shatai kau na nngai. Dai Madu ngai nan tsun ni ai.

YEREMIA 33:12

Chyahtum Chyalai N-gun Rawng ai dai Madu gaw, “Mare masha mung, yam nga ni mung n nga ai shingran sharat katsi ai zaibru jang zawn rai nga ai ndai lamu ga hta, sagu rem ai ni shanhte a sagu ni hpe rem lu na matu, tsit lali ai udat shara ni kalang mi bai nga wa na mara ai.

YEREMIA 47:6

Nang gaw, ‘Madu a nhtu e, Kade na hkra kahtam nga na kun? Na a nhtu nhku de bai shang wa u, dai hta azim rai nga u!,’ ngu nna jahtau u.

YEREMIA 47:7

Rai ti mung, dai amu hpe ngai galaw wa ai shaloi, dai gaw kaning rai sim lu na rai nga a ta? Ngai gaw Ashkelon hte hkin-gau ntsa hta nga ai masha ni hpe htim gasat na matu hkang da ni ai.”

EZEKELA 14:13

Shi gaw, “Si chye ai masha wa e, mungdan gaw shut hpyit yubak galaw nna, ngai hta sadi n dung ai rai yang, ngai gaw lata ladawn nna dai mungdan hpe jaw ai lusha hpe jahten sharun kau na nngai. Ngai gaw kawsi kyet ai hkuwa hpe shangun dat nna, masha hpe mung, yam nga ni hpe mung sat shagrawm kau na nngai.

EZEKELA 14:18

dai marai masum gaw dai yang e nga nga ma ti mung, Tsaw Htum ai Madu ngai nan ahkrung nga ai Karai Kasang rai nga nngai, dai majaw, shanhte gaw shanhte a kashu kasha ni hpe pyi mawai la lu na ma ai n rai, rai ti mung, shanhte a asak ni hpe chyu sha mawai la lu na ma ai.

EZEKELA 21:8

Dai Madu gaw ngai hpe,

EZEKELA 25:13

Ya chyawm gaw, Edom mung hpe ari jaw na matu mung, masha shagu hte dusat yam nga ni hpe sat kau na matu mung, ngai ndau na nngai. Ngai gaw dai mung hpe Teman mare kaw nna Dedan mare du hkra dai mung na shara hpe shingran katsi kau shangun na nngai; masha ni mung majan pa e sat kau ai hkrum na mara ai.

EZEKELA 29:8

Dai rai nna, ngai gaw nang hpe nhtu hte gasat na masha ni lu nngai hte maren, shanhte gaw na a masha ni hte yam nga ni hpe sat kau na mara ai, ngu nna Tsaw Htum ai Madu ngai nan nang hpe tsun nga nngai.

EZEKELA 33:2

Shi gaw, “Si chye ai masha wa e, ngai gaw mungdan langai mi de majan byin shangun dat ai shaloi, hpa byin wa na lam, na a amyu masha ni hpe htawn tsun u. Dai mungdan na amyu masha ni gaw shanhte kaw na marai langai mi hpe sin langa tai shangun na matu lata nga ma ai.

EZEKELA 5:12

Na a amyu masha ni htam masum kaw na htam mi gaw ndai mare kata hta machyi makaw hte kawsi kyet ai hta si htum mat na mara ai. Htam mi gaw mare shinggan de kahtam sat kau hkrum na mara ai; jahtum na htam mi gaw nbung bung ai de shapoi kau dat nna shanhte hpe nhtu hte hkan shachyut na nngai.

EZEKELA 5:17

Ngai gaw nanhte a kashu kasha ni hpe sat kau na matu kawsi hpang gara ai hte matse labye dusat ni hpe shangun dat na nngai; nang hpe jahten shaza na matu machyi makaw, kashun kashe du daw sai hkaw amu hte hpyen majan shapraw dat na nngai. Dai Madu ngai nan tsun ni ai.”

HOSEA 4:3

Dai rai nna lamu ga gaw hkun hkraw wa na ra ai, dai hta nga manga yawng si na ra ai. Dusat yam nga ni hte ntsa malen u ni yawng, hka na nga du hkra si na mara ai.

JAW JAU 26:25

Nye a ga shaka jahten kau myit dai majaw nanhte hpe ari jaw na matu nanhte a ntsa de majan shabyin dat na nngai; nanhte a mare ni hta shim lum na matu kahkyin rawng nga myit yang mung n mai tsi la lu ai ana ahkya nanhte hpang de ngai shangun dat na made ai. Nanhte gaw gumlau hpyen ni a lata de kanawng ap kau ai hkrum na rai myit dai.

ZEHPANI 1:3

shinggyim masha ni hte dusat yam nga ni yawng, ntsa malen u ni hte hka kata na nga ni hpe ngai jahten kau na we ai. Ngai gaw tara n lang ai ni a hkrat sum ai lam hpe shabyin dat na nngai. Ngai gaw shinggyim masha yawng mayawng hpe shamyit kau na we ai; asak hkrung nga ai ni kadai mung ngam nga lu na n rai, nga nna Madu ngai nan tsun ni ai.