EZEKELA 14:16 - Jinghpaw Common Language Bible 2009

¹⁶ marai masum hte gaw dai yang e nga nga ti mung Tsaw Htum ai dai Madu ngai nan ahkrung nga ai Karai Kasang rai nga nngai, dai majaw shanhte gaw shanhte a kashu kasha ni hpe pyi mawai la lu ai n rai. Shanhte gaw tinang a asak a matu chyu sha hkye la lu na ma ai. Dai mungdan gaw shingran sharat katsi ai shara tai mat na ra ai.

EZEKELA 14:16 ပူးပေါင်းရင်းမြစ်များ

NINGPAWT NINGHPANG 19:29

Rai ti mung Lawt shanu nga yu sai dai kadit na mare ni hpe Karai Kasang jahten kau ai majaw, Abraham hpe shi dum wu ai rai nna Lawt hpe shim ai shara de shalawt dat na ahkang jaw wu ai.

YOBA 22:20

N hkru ai ni madu ai arai yawng mayawng hten za mat sai; wan gaw hpa mung n ngam da hkra hkru kau nga sai.

EZEKELA 14:14

Noa, Danela (Daniela) hte Yoba mying ai marai masum gaw, dai yang e nga nga ma ti mung, shanhte a mai kaja ai amu hte chyu sha shanhte a asak hpe hkye la lu na ma ai,” ngu nna tsun ai. Tsaw Htum ai dai Madu tsun nu ai.

EZEKELA 14:18

dai marai masum gaw dai yang e nga nga ma ti mung, Tsaw Htum ai Madu ngai nan ahkrung nga ai Karai Kasang rai nga nngai, dai majaw, shanhte gaw shanhte a kashu kasha ni hpe pyi mawai la lu na ma ai n rai, rai ti mung, shanhte a asak ni hpe chyu sha mawai la lu na ma ai.

EZEKELA 14:20

dai shara hta Noa, Daniela hte Yoba ni nga nga tim pyi, Tsaw Htum ai dai Madu ngai nan ahkrung nga ai Karai Kasang rai nga nngai, dai majaw, shanhte gaw shanhte a kashu kasha ni hpe pyi mawai la lu na ma ai n rai. Shanhte galaw ai mai kaja ai amu hte chyu sha tinang a asak hpe hkye mawai la lu na ma ai.”

EZEKELA 18:20

Yubak galaw ai wa gaw si na ra ai. Kawa galaw ai yubak ni a majaw kasha hkam ra na n rai, kasha galaw ai yubak ni a majaw kawa hkam na ra ai n rai. Mai kaja ai masha wa gaw shi galaw ai mai kaja ai amu a majaw shagrau sha-a hkrum nna, n hkru ai masha wa gaw shi galaw ai n hkru ai amu a shabrai hpe hkam la na ra ai.

EZEKELA 33:11

Tsaw Htum ai dai Madu ngai gaw ahkrung nga ai Karai Kasang rai nga nngai, dai majaw yubak kap ai wa si mat wa na hpe yu kabu nga nngai n rai. Yubak galaw ai hpe kau da nna hkrung nga na hpe ngai yu sharawng nga nngai ngu shanhte hpe htawn tsun u. Israela e, nang galaw nga ai dai n hkru n shawp ai amu hpe kau da u. Nang hpa majaw si mayu nga n ta?

KASA 27:24

‘Pawlu e, hkum hkrit e! Hkawseng Kehta a man e nang tsap lu na rin dai; Karai Kasang gaw nang hpe matsan dum nga ai rai nna, nang hte rau ndai sanghpaw li hta jawn ai ni yawng a asak sum shangun na ra ai n rai,’ nga nna ngai hpe tsun sai.

HEBRE 11:7

Du na ra ai aten hta byin na ra ai garai n mu lu ai arai ni hte seng nna Karai Kasang sadi jaw ai hpe Noa na lu ai gaw shi a makam masham a majaw rai nga ai. Shi gaw Karai Kasang a ga hpe madat mara let sanghpaw li langai mi shachyaw nna shi hte shi a nta dinghku gaw hkye hkrang la ai hkrum manu ai. Shing re ai majaw, mungkan ga hpe shi jeyang nna Noa gaw makam masham hte seng ai ding hpring ai sali wunli hkam la nu ai.

YAKU 5:16

Nanhte shamai shatsai ai hkrum myit ga, nanhte a yubak mara ni hpe shada da shapraw dan nna, shada da a matu mara akyu hpyi ya nga mu. Ding hpring ai wa a akyu hpyi ai ga gaw shabyin lu ai atsam law law rawng nga ai.