EZEKELA 14:13 - Jinghpaw Common Language Bible 2009

¹³ Shi gaw, “Si chye ai masha wa e, mungdan gaw shut hpyit yubak galaw nna, ngai hta sadi n dung ai rai yang, ngai gaw lata ladawn nna dai mungdan hpe jaw ai lusha hpe jahten sharun kau na nngai. Ngai gaw kawsi kyet ai hkuwa hpe shangun dat nna, masha hpe mung, yam nga ni hpe mung sat shagrawm kau na nngai.

EZEKELA 14:13 ပူးပေါင်းရင်းမြစ်များ

NINGPAWT NINGHPANG 6:7

Shi grai wa myit malai lu ai hte, “Ngai hpan da sai ndai shinggyim masha ni hpe mung, dusat yam nga hte ntsa malen u ni hpe mung atsai awai di kau na nngai; hpa majaw nga yang, dai ni hpe ngai hpan da ai majaw ngai myit yawn nga nngai,” ngu nna tsun wu ai.

EZRA 9:6

Ngai gaw, “O Karai Kasang e, anhte a yubak gaw baw lim hkra sumpum nga nna, dai ni gaw sumsing lamu du hkra dep nga ai majaw, na a man e nye a baw sharawt lu na ngai nau wa kaya nga nngai.

ESAIA 24:20

Ginding aga shi nan gaw chyaru nang ai wa zawn ndi nda rai nna, nbung laru kata na yihkyap kanga ai zawn, rai mat na ra ai. Mungkan ga gaw shi a shut hpyit ai yubak ni hta li nga ai; dai gaw kazut taw mat nna galoi mung bai rawt lu na ra ai n rai.

ESAIA 3:1

Chyahtum Chyalai N-gun rawng ai Madu e, Madu gaw ya jang Yerusalem hte Yuda mung na amyu masha ni a myit mahta shara hte shamyet shanat shara rai nga ai arung arai shagu hte masha hkum shagu hte hpe la kau na hkyen nga ai. Shi gaw shanhte a malu masha hte shanhte a lu hka ni hpe mung,

YEREMIA 32:43

Amyu masha ni gaw ndai mung hta masha rai ti mung, yam nga rai ti mung, n shanu lu ai katsi katsang re ai zaibru jang zawn tai mat nna Babelon masha ni a lata hta ap kau ai hkrum na ra ai nga nna tsun nga ma ai. Rai ti mung, ndai mungdan hta yi sun hkauna ni hpe kalang mi bai mari la lu na mara ai.

YEREMIA 36:29

Dai Madu gaw hkawhkam wa hpe tsun na matu ngai hpe ning nga nna hkang da wu ai: “Nang gaw ndai laika katsu nat kau nit dai, Babelon hkawhkam wa gaw ndai mung de du shang wa nna, mungdan hpe mung shamyit kau nga sai; dai mung na amyu masha ni hte yam nga ni hpe sat kau na ru ai nga nna shi hpa majaw ka da wu ta?, ngu nna nang Yeremia hpe san nit dai.

YEREMIA 52:6

Dai shaning a shata mali a nhtoi jahku ya ngu na shani hta, dai mare e hkuwa kaba wa ai majaw amyu masha ni sha na lusha hpa mung n nga nga sai.

YEREMIA 7:20

Shing rai Tsaw Htum ai dai Madu ngai nan ndai Nawku Htingnu ntsa e nye a masin kahtet kang ai hpe ru jaw dat na we ai. Masha hte yam nga ni a ntsa e mung, hpun ni hte nsi naisi ni a ntsa e du hkra pyi ru jaw na we ai. Nye a masin kahtet ai gaw agrung nga ai wan zawn rai nna kadai mung dai hpe krip kau lu na n rai.

SHARUNG SHAYAWT 1:20

“O Madu e, nye a tsin-yam tsindam hpe mung, nye a wenyi a ru yak makyin madut hpe mung mada yu u! Nye a myit masin gaw nye yubak ni a majaw yawn hkyen ai hte daw hten mat sali ai. Nmaw lam ni hkan masha sat amu nga nga ai; nhku kata e pyi si hkrung si htan gaw nga nga ai.

SHARUNG SHAYAWT 1:8

Shi a arawng sadang hkoi mat nu ai; shi gaw singgu krin rai nga ai hte n kaw n law di hkrum nga ai. Shi gaw madai sharung ai hte shi a myi man hpe kaya ai hte makoi magap da nga ai. Yerusalem gaw shi hkum hpe awu asin di nhtawm hkrit hpa yubak hte matsat shabat di kau wu ai.

EZEKELA 14:12

Dai Madu gaw ngai hpe ga shaga wu ai.

EZEKELA 14:17

“Shing n rai, ngai gaw dai mungdan a ntsa e hpyen majan baw dat nna masha hpe mung, yam nga ni hpe mung magawn jahten kau lu ai laknak ni hpe shangun dat na nngai,

EZEKELA 14:19

“Ngai gaw ndai mungdan a ntsa e ana zinli jahkrat dat nna nye a sindawng kahtet ai hta asak law law jasum kau nhtawm masha hpe mung, yam nga ni hpe mung sat kau ai rai yang,

EZEKELA 14:21

Ndai gaw Tsaw Htum ai dai Madu tsun ai mungga rai nga ai: “Ngai gaw Yerusalem mare ntsa e sawng dik ai ari mali ngu ai hpyen majan, kawsi kyet si ai hkuwa, matse labye dusat hte ana zinli ni hpe dat dat na nngai, dai gaw masha hpe mung, yam nga ni hpe mung jahtum kau na ra ai.

EZEKELA 15:8

Shanhte gaw ngai hta sadi n dung mat nga masai; ngai gaw dai mungdan hpe shingran sharat katsi ai shara shatai kau na nngai.” Tsaw Htum ai dai Madu tsun nu ai.

EZEKELA 20:27

Ya chyawm gaw, si chye ai masha wa e, Tsaw Htum ai dai Madu ngai nan gaw shanhte hpe kaning ngu tsun shadum nga ai lam, Israela amyu masha ni hpe htawn tsun u. Ndai gaw shanhte a kaji kawa ni n sadi sahka ai hku nna n sawn n sang di ai kaga lam rai nga ai.

EZEKELA 25:13

Ya chyawm gaw, Edom mung hpe ari jaw na matu mung, masha shagu hte dusat yam nga ni hpe sat kau na matu mung, ngai ndau na nngai. Ngai gaw dai mung hpe Teman mare kaw nna Dedan mare du hkra dai mung na shara hpe shingran katsi kau shangun na nngai; masha ni mung majan pa e sat kau ai hkrum na mara ai.

EZEKELA 4:16

Shi gaw, “Si chye ai masha wa e, Yerusalem a matu jaw ai muk hpe dawm kau ya na nngai. Dai mare hta nga ai amyu masha ni gaw shanhte sha ai lusha hte shanhte lu ai ntsin ni hpe shen nna shadang hte lu ma ai majaw myit ru myit kahpra na mara ai.

EZEKELA 5:16

Nang kawsi kyet u ga, nang hpe jaw ai lusha hpe shakyet kau ya na nngai. Nang hpe jahten kau na matu masen ai pala ni hpe dat dat ai zawn nang gaw hku hku hpang gara ai nchyi nmu ni hpe hkam sha na rai ndai.

EZEKELA 6:14

Rai sa, ngai gaw shanhte kaw du dep nang nna shanhte a mungdan hpe jahten kau na nngai. Ngai gaw dai mungdan hta Israela amyu masha ni gara shara hta mung n nga lu hkra, dingda maga de nga ai zaibru jang kaw nna dingdung maga Ribla mare du hkra shingran katsi ai shara shatai kau na nngai. Shaloi masha shagu hte gaw Ngai nan dai Madu rai nga nngai hpe chye na mara ai,” ngu nna tsun wu ai.

EZEKELA 9:9

Karai Kasang gaw, “Israela hte Yuda amyu masha ni gaw hkrit hpa yubak hte shut hpyit ai mara lu nga ma ai. Shanhte gaw mungdan ting hta sai kap amu shut hpyit kau manu ai hte Yerusalem mung ru hka amu ni hte hpring chyat nga sai. Dai Madu ngai nan shanhte a mungdan hpe kau da nna, shanhte hpe n mu lu sai, nga nna shanhte tsun shajang ma ai.

Daniela 9:5

“Anhte yubak galaw shut kau saga ai; anhte gaw n hkru ai ni she rai mat saga ai, anhte gaw shut hpyit ai amu galaw kau saga ai. Anhte galaw na matu nang hkang da ai ga ni hpe ningdang kau nna nang anhte hpe madun dan nit dai jaw ai lam kaw nna mung yit mat wa saga ai.

JAW JAU 26:26

Ngai gaw n nanhte hpe shadaw ai malu masha hpe dawm kau ya na nngai, shaloi numsha marai shi gaw wan mang langai hta sha shanhte a muk yawng kabaw ra na mara ai. Shanhte gaw dai hpe karan jaw na mara ai, nanhte gaw dai ni yawng sha kau ti mung, naw kawsi kyet na rai myit dai.