EZEKELA 13:9 - Jinghpaw Common Language Bible 2009

⁹ N teng n man ai myit shingran mu ai myihtoi ni hte lam woi shadam ai myihtoi ga tsun ai myihtoi nanhte hpe ngai ari jaw na nngai. Nye a amyu masha ni daw dan ai lam galaw na matu shinggyin wa ai shaloi, nanhte a amying ni dai Israela amyu jahpan hta lawm lu na ra ai n rai. Nanhte gaw Israela mungdan de galoi mung nhtang wa lu na myit dai n rai. Ngai gaw Tsaw Htum ai Dai Madu rai nga nngai hpe nanhte chye lu na rai myit dai.

Jinghpaw Hanson Version Bible

⁹ Kaman lila shingran mu nna, masu lam shaba wawt ai myihtoi ni hpe, nye a lata hkap gasat na ra ai; shanhte gaw nye amyu a salang hpawng hta lawm lu na, n rai, shanhte a amying hpe Israela amyu a jahpan hta ka shalawm lu na, n rai; Israela mungdan hta mung shang lu na, n rai; shing rai, ngai Madu Yehowa rai nga ai hpe, nanhte chye lu na marin dai.

EZEKELA 13:9 ပူးပေါင်းရင်းမြစ်များ

1 HKAWHKAM 13:18

Dai hpang Behtela mare na myihtoi dingla wa gaw shi hpe, “Ngai mung nang hte maren sha myihtoi langai mi rai nga nngai, dai Madu a hkang da ai ga hta, nang hpe ngai nta de woi wa nna hkalum la na lam lamu kasa ngai hpe tsun ai,” ngu nna tsun dan wu ai. Rai ti mung myihtoi dingla wa chyawm gaw masu tsun nga wu ai.

EZRA 2:59

Bai Tela Mela, Tela Harsha, Hkeruba, Adan hte Imera kahtawng ni kaw nna nhtang wa ai Delaia, Tobia hte Nekoda amyu lakung hte seng ai ni 652 hte rai nga ma tim, shanhte gaw Israela amyu matu ni rai nga ma ai hpe tup hkrak sakse n madun lu nga ai.

SHAKAWN KUNGDAWN 101:7

Masu magaw ai wa kadai mung, nye a hkawhkam wang hta shanu nga lu na n rai; sawt ai wa kadai mung nye a man e, grin nga lu na n rai.

SHAKAWN KUNGDAWN 69:28

Asak laika buk kaw na shanhte a amying ni hpe arut kau ya u ga; na a amyu masha ni a jahpan hta shanhte n lawm lu mu ga.

SHAKAWN KUNGDAWN 69:5

O Karai Kasang e, nye a yubak ni hpe nang kaw na makoi magap da lu nga ai n rai; ngai kade sha angawk lai wa sai hpe mung nang chye nga ndai.

SHAKAWN KUNGDAWN 87:6

Dai Madu gaw amyu masha ni a jahpan hpe ka tawn da na ra ai; shanhte ni hpe Yerusalem mare a mung chying sha hku shalawm da na ra ai.

SHAKAWN KUNGDAWN 95:11

Ngai pawt sindawng nga nngai hte, ‘Nanhte myit sim myit sa hte nga lu na matu, ngai lajang da ya ai mungdan de, galoi mung shang sha lu na ra ai n rai,’” ngu nna dagam shaka da nngai.

ESAIA 4:3

Naw ngam nga na matu Karai Kasang e lata da sai Yerusalem e ngam da hkrum sai masha shagu hte gaw chyoi pra ai ni ngu shaga hkrum na mara ai.

YEREMIA 14:15

Dai Madu ngai gaw ndai mungdan hta majan hte kawsi hpang gara hpa mung hkrum hkra na ra ai n rai nga nna, ngai n shangun ti mung nye a amying gang let tsun ai ndai myihtoi ni hpe ngai galaw sa wa na amu, dai Madu ngai nan nang hpe tsun dan na nngai- Ngai gaw shanhte hpe majan hte kawsi hpang gara hkrum shangun ai hte sat kau na nngai.

YEREMIA 17:13

Madu e, nang gaw Israela a myit mada shara rai nga ndai; nang hpe kau da ai ni yawng kaya kahpa hkrum na mara ai. Shanhte gaw asak hka hpawk ngu ai nang Madu hpe kau da nga masai majaw ga nhpu hta ka da ai amying ni zawn shanhte hkoi mat wa na mara ai.

YEREMIA 23:20

dai bungsha gaw shi galaw na matu myit shatawng da ai arai yawng mayawng hte hpe shi myit dik ai aten du hkra ahpawt nga nna, sim mat na ra ai n rai. Shi a amyu masha ni gaw du wa na aten ni hta dai lam hpe dan dan leng leng chye wa na mara ai,” ngu nna tsun ni ai.

YEREMIA 4:9

Dai Madu gaw, “Dai shani e, hkawhkam ni hte du salang ni gaw myit n-gun htum mat na mara ai; hkinjawng ni mak mat nna, myihtoi ni mau mahka mat na mara ai,” ngu nna tsun wu ai.

EZEKELA 11:10

shaloi nanhte gaw nanhte a mungdan kata e byin ai majan hta sat kau hkrum na marin dai. Ngai gaw dai Madu rai nga nngai hpe masha shagu chye lu na ra ai.

EZEKELA 12:20

Ya aten mare masha ni hte hpring nga ai mare ni hten run mat nna, mungdan gaw shingran katsi ai shara tai mat na ra ai. Shanhte gaw ngai nan dai Madu rai nga nngai hpe chye lu na mara ai,” ngu nna tsun wu ai.

EZEKELA 13:14

Ngai gaw shanhte namhtun hte chya da ai bunghku hpe agrawp daw kau ai hte adawt sharun kau nna de a npawt nhpang nlung ni hpe chyu sha ngam da na myit tawn nngai. Dai bunghku gaw ru hkrat wa nna nanhte yawng hpe gamyet sat na myit dai. Ngai nan dai Madu rai nga nngai hpe masha shagu chye lu na mara ai.

EZEKELA 13:23

Dai rai nna, ya chyawm gaw nanhte a n teng n man ai shingran ni hte lam woi shadam ai myihtoi htoi ai ga ni gaw lai mat wa sai. Ngai gaw nye a amyu masha ni hpe nanhte madu la mayu ai hpung dagu kata kaw nna hkye mawai da ni ai. Dai re ai majaw ngai nan dai Madu rai nga nngai hpe nanhte chye lu na marin dai.”

EZEKELA 20:38

Nanhte a lapran na gumlau ai ni hte yubak galaw ai ni hpe ngai tsan kau na nngai. Ngai gaw dai ni hpe shanhte shanu nga ai mungdan kaw nna shapraw kau na nngai, rai ti mung dai ni hpe Israela mungdan de ngai bai nhtang wa shangun na n rai. Shaloi nanhte gaw ngai nan dai Madu rai nga nngai ai hpe chye na mara ai.

Daniela 12:1

Lachyit nba hpun da ai dai lamu kasa gaw, “Dai aten hta, na a amyu masha ni hpe bau sin nga ai lamu kasa kaba Mihkaela dan pru wa na ra ai; shaloi masha amyu baw ni nga pra hpang wa ai aten kaw nna yak dik htum ai ru tsang hkrum aten du wa na ra ai. Dai aten du jang, Karai Kasang a jahpan laika hta mying rawng ai na a amyu masha ni yawng gaw hkye la ai hkrum na mara ai.

HOSEA 4:5

Nanhte gaw shani shana shut hpyit nga myit dai, myihtoi ni gaw nanhte hta grau nna kaja nga ai n rai. Ngai gaw nanhte a kanu Israela hpe jahten kau na nngai.

HOSEA 9:3

Israela amyu masha ni gaw dai Madu a mungdan hta naw shanu nga lu na mara ai n rai; rai ti mung Egutu mung de nhtang wa nna Asuri mung e hkum pat da ai lusha ni sha na mara ai.

MIHKA 3:5

Nye a amyu masha ni hpe masu hkalem ai myihtoi ni gaw shanhte hpe jaw ya ai ni hpe ngwi pyaw sim sa lam lu na ga sadi jaw ma ai, rai ti mung jaw ya ai lam n nga ai ni a matu gaw majan hte jahkrit shama hkrum nga ai. Dai zawn re ai myihtoi ni hpe dai Madu gaw,

MIHKA 3:6

“Myihtoi ni e, nanhte a ahkyak ai nhtoi lai wa magang rai wa nga myit dai; jan gaw nanhte a ntsa e shang mat wa nga sai. Nanhte gaw nye a amyu masha ni hpe lam woi shadam myit dai majaw, nanhte hta myihtoi shingran galoi mung mu lu sana myit dai n rai; hpa lam hta rai tim, nanhte myihtoi ga tsun lu na myit dai n rai,” nga nna tsun ai.

LUKA 10:20

Rai ti mung, nat ni nanhte a ga madat ai majaw, hkum kabu myit, nanhte a mying ni hpe sumsing lamu hta ka da sai majaw she, kabu nga mu,” ngu nna tsun mu ai.

HPILIPI 4:3

Nye a nrum ntau share manang hku nna mung dai num yan hpe karum la na hpe ngai ra sharawng nga nngai; hpa majaw nga yang dai Kabu Gara Shiga hkaw tsun ai lam hta ngai hte rau nhki nsang amu galaw shakut shaja lawm ma ai. Shing rai galaw lai wa ai ni hta Klemen hte Karai Kasang a asak jahpan laika hta tinang a mying lawm ai nye a shingdep shingtau kaga ni mung lawm ma ai.

HEBRE 12:23

Nanhte gaw Sumsing lamu na jahpan hta lawm ai kasha alat ni a kabu gara hpawng de nga ai hpawng de du nga manit dai. Masha amyu yawng hpe tara dara ai wa ngu ai Karai Kasang hpang de mung, jahkum shatsup hkrum sai ding hpring ai ni a wenyi ni hpang de mung, du nga manit dai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying ka da lawm sai mungkan masha nlang hte hta lai nna, mungkan ntsa e nga ai masha yawng gaw dai matse labye hpe nawku na mara ai.

SHINGRAN 19:20

Dai matse labye hte hpawn shi a man e lamik kumla ni hpe galaw dan ai myihtoi masu gaw bawng rim la ai hkrum wu ai. (Dai myihtoi masu gaw, matse labye a masat kumla ni madun dan ai hte masu hkalem ai wa rai nga ai.) Dai matse labye hte myihtoi masu lahkawng yan hkru nga ai wan nawng de chyahkrung jahkrat bang ai hkrum ma ai.

SHINGRAN 20:12

Si mat wa sai ni mung, kaji kaba n nga, tingnyang a man e tsap nga ma ai hpe ngai mu nngai. Laika ni hpe hpaw tawn nga ai. Asak laika ngu ai kaga Laika hpe mung hpaw tawn nga ai. Si mat wa sai ni gaw, shanhte galaw lai wa sai amu hte maren, laika ni hta ka da nga ai hta hkan nna tara daw dan ai hkrum ma ai.)

SHINGRAN 20:15

Asak laika hta amying n ka da lawm ai wa kadai mung, dai wan nawng hta jahkrat bang kau ai hkrum ma ai.