EZEKELA 13:7 - Jinghpaw Common Language Bible 2009

⁷ Ngai gaw shanhte hpe ning ngu tsun nngai: “Nang mu ai ndai shingran ni gaw n teng n man nga ai; nang htoi ai myihtoi ga ni mung masu magaw ga ni rai nga ai. Shanhte htoi ai myihtoi ga ni gaw nye a ga ni re ngu nna nanhte tsun ma ti mung, ngai nanhte hpe tsun ni ai n rai!”

Jinghpaw Hanson Version Bible

⁷ Ngai hkum nan ga n tsun timung, ‘Yehowa ning nga ai,’ nga nna tsun yang, nanhte gaw kaman lila shingran mu nna, masu ai lam shaba wawt ai, n rai myit ni?”

EZEKELA 13:7 ပူးပေါင်းရင်းမြစ်များ

NEHEMIA 6:12

Ngai gaw dai lam hpe myit sawn yu yang, Karai Kasang gaw Shemaia hpe tsun ai n rai; ngai hpe mahtang ndai sadi jaw na matu Tobia hte Sanbalat yan mahtang shi hpe mayun kumhpa jaw da nga ai majaw rai nga ai hpe ngai dum chye we ai.

ESAIA 30:10

Shanhte ni gaw myihtoi ni hpe atsin sha nga na matu tsun ma ai. Shanhte gaw, “Teng man ai amu anhte hpe hkum tsun dan mi. Anhte na mayu ai hpe sha tsun mu. Anhte a n teng n man ai ga ni hpe atsun na ga ai.

EZEKELA 13:6

Shanhte mu ai myit shingran ni gaw n teng n man nga ai; shanhte a myihtoi ga ni mung masu magaw ga ni sha rai nga ai. Shanhte gaw nye a myihtoi ga ni hpe tsun nga ga ai nga nna tsun nga ma ti mung, shanhte hpe ngai shangun ai n rai. Ti mung, shanhte gaw shanhte htoi ai ga teng teng dik wa na hpe myit mada nga ma ai.

EZEKELA 22:28

Shakum hpe namhtun hpraw hte chya da ai masha ni zawn, myihtoi ni mung ndai yubak mara ni hpe magap da nga ma ai. Shanhte gaw n teng ai shingran ni hpe mu nna, masu ai myihtoi ga ni tsun ma ai. Dai Madu ngai nan shanhte hpe n tsun ti mung, Tsaw Htum ai dai Madu gaw ning nga nga ai nga nna shanhte tsun shabra ma ai.

ZEHKARIA 10:2

Amyu masha ni chyawm gaw hpara sumla ni hte shaba wawt ai ni hte ga shaga ma ai; rai ti mung, shanhte lu la ai mahtai ni gaw masu magaw ga ni hte ga laban ni hkrai rai nga ai. Nkau mi mahtang yup mang htai ma ai; rai ti mung dai gaw nanhte hpe lam shadam kau nga ai; shanhte jaw ai shalan shabran ga mung kaman lila rai nga ai. Dai rai nna amyu masha ni gaw mat mat ai sagu ni zawn, lam dam nga ma ai. Shanhte gaw ningbaw n lu ma ai majaw ru yak tsin-yam tsindam hkrum nga ma ai.