EZEKELA 13:6 - Jinghpaw Common Language Bible 2009

⁶ Shanhte mu ai myit shingran ni gaw n teng n man nga ai; shanhte a myihtoi ga ni mung masu magaw ga ni sha rai nga ai. Shanhte gaw nye a myihtoi ga ni hpe tsun nga ga ai nga nna tsun nga ma ti mung, shanhte hpe ngai shangun ai n rai. Ti mung, shanhte gaw shanhte htoi ai ga teng teng dik wa na hpe myit mada nga ma ai.

Jinghpaw Hanson Version Bible

⁶ Yehowa shanhte hpe n shangun timung, ‘Yehowa ning nga ai,’ nga nna tsun ai ni gaw, kaman lila shingran mu nna, masu ai lam shaba wawt ai ni, rai nga ma ai; tinang a ga dik na ra ai, nga nna masha ni hpe myit mada shangun mu ai.

EZEKELA 13:6 ပူးပေါင်းရင်းမြစ်များ

1 HKAWHKAM 22:12

Kaga myihtoi ni yawng mung dai hte maren tsun ma ai. Shanhte gaw, “Ramot mare hpe lung gasat mu, dang la na ra ai; dai Madu mung nan hpe awng padang jaw ya na ra ai,” ngu nna tsun mu ai.

1 HKAWHKAM 22:15

Hkawhkam Ahab a man kaw shi pru wa jang, hkawhkam wa gaw shi hpe, “Mihkaia e, Hkawhkam Yehoshahpat hte ngai Ramot mare hpe sa gasat mai na, n mai na kun?,” ngu nna san wu ai. Mihkaia chyawm gaw, “Htim gasat su! Nang teng teng dang la lu na ndai. Dai Madu mung nang hpe awng padang jaw ya na ra ai,” ngu nna htan wu ai.

1 HKAWHKAM 22:27

Ngai shim lum ai hte bai nhtang wa ai aten du hkra, shi hpe htawng sharen da nna, muk hte hka jaw lu jaw sha na lam shanhte hpe tsun u,” ngu nna hkang dat wu ai.

1 HKAWHKAM 22:37

Shing rai Hkawhkam Ahab gaw si mat sai rai nna shi a moi mang hpe Samari mare de la wa nhtawm lup makoi da mu ai.

1 HKAWHKAM 22:6

Dai re ai majaw Ahab mung myihtoi mali tsa daram hpe shaga jahpawng tawn nhtawm shanhte hpe, “Ramot mare hpe ngai sa htim gasat ang na kun?,” ngu nna san yu wu ai. Shanhte mung, “Dai mare hpe htim gasat manu; dai Madu gaw nang hpe awng padang jaw na ra ai,” ngu nna htan mu ai.

GA SHAGAWP 14:15

Angawk ai masha wa gaw hpa hpe mung, shi kam nga ai; myit sam ai masha ni gaw shanhte htawt na lagaw lahkam ni hpe sadi maja nga ma ai.

YEREMIA 14:14

Rai ti mung, dai Madu gaw, “Dai myihtoi ni nye a mying hta masu magaw ga ni hpe tsun nga ma ai; ngai shanhte hpe shangun ai n rai, ngai gaw shanhte hpe hkang dat na hte tsun shaga na ga hkum ni a matu ahkang aya ap ya ai n rai. Shanhte tsun shaga ai shingran ga ni gaw ngai kaw na n rai; shanhte tau nna tsun ai shaba wawt ai lam ni gaw shanhte myit sawn la ai kaman lila amu ni rai ma ai.

YEREMIA 23:16

Chyahtum Chyalai N-gun Rawng ai dai Madu gaw Yerusalem amyu masha ni hpe, “Myihtoi ni hkaw tsun ai ga ni hpe hkum madat ya myit; shanhte gaw nang hpe shut ai myit mada shara ni hte jahpring ya nga ma ai. Shanhte gaw shanhte myit shingran mu ai lam hpe sha nang hpe tsun dan ma ai, ngai tsun sai mungga ni hpe tsun ma ai n rai.

YEREMIA 28:1

Dai shaning hta nan, Yuda Hkawhkam Zedekia hkaw dung hpang ai mali ning e shata manga hta, Gibeon mare na Azura a kasha myihtoi Hanania gaw Nawku Htingnu kata hta ngai hpe ga tsun wu ai. Shi gaw ngai hpe hkinjawng ni hte amyu masha ni a man e

YEREMIA 28:15

Dai hpang ngai gaw Hanania hpe ndai lam matut tsun ni ai, “Hanania e, madat u! Dai Madu gaw nang hpe shangun dat ai n rai; Nang gaw ndai amyu masha ni hpe masu ga tsun nna kam shangun nga ndai.

YEREMIA 28:2

Chyahtum Chyalai N-gun Rawng ai dai Madu Israela a Karai Kasang ning nga tsun sai lam tsun wu ai: “Ngai gaw Babelon hkawhkam wa a daru magam n-gun hpe shadaw kau ni ai.

YEREMIA 29:31

Babelon mung e bawng dung nga ai ni yawng hpang de Shemaia hte lakap nna ndai mungga hpe shagun dat na matu tsun ni ai: “Dai Madu ngai gaw Shemaia hte shi a aru arat ni mahkra hpe ari jaw na we ai. Ngai shi hpe n shangun ti mung, myihtoi wa zawn nanhte hpe shi htoi nu ai; shi gaw nanhte hpe masu hkalem ga ni hte kam shangun nu ai. Nanhte hta shi a aru arat ni pra na mu ai n rai. Shi gaw ngai hpe gumlau na matu shanhte hpe tsun mu ai majaw nye a amyu masha ni gaw ngai galaw na mai kaja ai amu ni hpe mu lu na matu shi hkrung nga lu na ra ai n rai. Dai Madu ngai nan tsun ni ai.”

YEREMIA 29:8

Nanhte kaw hkan nga nang ai myihtoi ni hte shanhte chyu sha du na ra ai aten a lam hpe lu tsun dan ai nga nna tsun ai kaga masha ni hku nna mi rai tim, nanhte hkum nan masu hkalem ai n hkrum myit ga, dai Madu Israela a Karai Kasang ngai nan nanhte hpe shadum jahprang sadi jaw nga nngai. Shanhte a yup mang ni hpe hkum kam myit.

YEREMIA 37:19

Babelon hkawhkam wa gaw nang hte na a mungdan hpe htim gasat na n rai, nga nna nang hpe tsun ai na a myihtoi ni hta hpa baw byin sani?

YEREMIA 5:31

myihtoi ni gaw masu magaw ga ni hta jan nna hpa mung n tsun ma ai; hkinjawng ni gaw myihtoi ni hkang da ai hte maren up hkang ma ai, nye a amyu masha ni hkum da ai lam hpa mung n nga nga ma ai. Rai ti mung, hpang jahtum e, ndai lam yawng byin wa ai shaloi shanhte hpa galaw na rai ma ta?,” ngu nna tsun ai.

SHARUNG SHAYAWT 2:14

Na a myihtoi ni gaw masu magaw ga htoi ai hta jan nna hpa mung nang hpe n tsun yu mu ai; Shanhte a hkaw tsun ai myihtoi ga gaw na a shut hpyit ai mara hpe n tsun shapraw, n madun dan ai hku nna, nang hpe masu hkalem kau nu ai. Nang gaw myit malai n lu ra nit dai nga nna, shanhte nang hpe myit sawn kau shangun mu ai.

EZEKELA 13:7

Ngai gaw shanhte hpe ning ngu tsun nngai: “Nang mu ai ndai shingran ni gaw n teng n man nga ai; nang htoi ai myihtoi ga ni mung masu magaw ga ni rai nga ai. Shanhte htoi ai myihtoi ga ni gaw nye a ga ni re ngu nna nanhte tsun ma ti mung, ngai nanhte hpe tsun ni ai n rai!”

EZEKELA 21:23

Yerusalem hta shanu nga ai amyu masha ni gaw shanhte galaw da lu sai jinghku ga shaka ni a majaw ndai tsun shadum ai ga ni hpe n kam ma ai. Rai ti mung, ndai zawn jau nna hkaw tsun tawn ai ga gaw shanhte galaw ai yubak ni hpe dum shangun ai hte shanhte rim la hkrum na mara ai lam ni hpe shadum jahprang ai lam rai nga ai.

EZEKELA 21:29

Nang mu ai shingran ni gaw n teng n man nga ai; nang tau tsun da ai shaba wawt ga ni gaw masu ai lam hkrai rai nga ai. Nang gaw n tara ai hte n hkru ai wa rai nga ndai; na a aten ngu ai jahtum na ari jaw ai na a nhtoi gaw du wa nga ai. Dai nhtu gaw na a du ntsa e mara taw nga sai.

EZEKELA 22:28

Shakum hpe namhtun hpraw hte chya da ai masha ni zawn, myihtoi ni mung ndai yubak mara ni hpe magap da nga ma ai. Shanhte gaw n teng ai shingran ni hpe mu nna, masu ai myihtoi ga ni tsun ma ai. Dai Madu ngai nan shanhte hpe n tsun ti mung, Tsaw Htum ai dai Madu gaw ning nga nga ai nga nna shanhte tsun shabra ma ai.

ZEHKARIA 10:2

Amyu masha ni chyawm gaw hpara sumla ni hte shaba wawt ai ni hte ga shaga ma ai; rai ti mung, shanhte lu la ai mahtai ni gaw masu magaw ga ni hte ga laban ni hkrai rai nga ai. Nkau mi mahtang yup mang htai ma ai; rai ti mung dai gaw nanhte hpe lam shadam kau nga ai; shanhte jaw ai shalan shabran ga mung kaman lila rai nga ai. Dai rai nna amyu masha ni gaw mat mat ai sagu ni zawn, lam dam nga ma ai. Shanhte gaw ningbaw n lu ma ai majaw ru yak tsin-yam tsindam hkrum nga ma ai.

MARKU 13:6

Masha law law wa nye a mying hte paw pru nna, ‘Ngai gaw dai wa rai nga nngai,” nga nna law law hpe hkalem ai hte lam shadam na mara ai.

2 HTESALONI 2:11

Dai re ai majaw, dai sawt ai lam hpe shanhte kam sham hkra Karai Kasang gaw dai shut ai lam a n-gun atsam shanhte hta amu galaw na matu shangun dat wu ai.

2 PETRU 2:18

Shanhte gaw shut hpyit lam dam mat ai masha hpawng kata na ningnan sha lawt pru magang wa ai ni hpe kaman lila grang ai ga tsun let hkum shan a myit kayut ai lam ni hte hkalum la nna lam woi shadam ma ai.