EZEKELA 13:5 - Jinghpaw Common Language Bible 2009

⁵ Dai Madu a nhtoi shani, hpyen majan du wa ai shaloi, shanhte gaw daw agrawp mat sai mare bunghku ni hpe n sin ma ai. Shanhte gaw mare bunghku ni hpe bai gaw gap da ma ai n rai, dai lam ni a majaw Israela gaw makawp maga hkrum lu na ra ai n rai.

Jinghpaw Hanson Version Bible

⁵ Yehowa a hpyen gasat ai nhtoi hta, Israela nta a bunghku ngang nga lu hkra, de a waw ai shara ni de nanhte n lung, dai hpe mung n kum shangut myit dai.

EZEKELA 13:5 ပူးပေါင်းရင်းမြစ်များ

YOBA 40:9

Nang gaw ngai zawn n-gun atsam rawng nga n ni? Na a nsen gaw mu ngoi ai nye a nsen zawn ja nga a ni?

SHAKAWN KUNGDAWN 106:23

Shi gaw shi a amyu masha ni hpe jahten kau na nga, Karai Kasang tsun wu ai shaloi, shi lata la ai shangun ma kaja Mawshe gaw shi a man e, rawt tsap nna, shanhte hpe n shamyit kau u ga, shi a masin kahtet ai hpe shakawp ya wu ai.

SHAKAWN KUNGDAWN 76:7

Rai ti mung, Madu e, nang hpe masha yawng hte wa, hkrit kamyin nga ma ai. Nang masin pawt ai shaloi kadai mung na a man e, n lu rawt tsap nga ma ai.

ESAIA 13:6

Nchyi nmu jahtau hkrap mu! Dai Madu a nhtoi ni wa nga sai, Chyahtum Chyalai N-gun rawng ai wa jahten sharun kau na nhtoi du wa ra ai.

ESAIA 13:9

Dai Madu a nhtoi du wa nga sai, dai nhtoi gaw pawt sindawng ai hte masin kahtet ai shi a gumshem ai nhtoi rai na rai nga ai. Ginding aga gaw nam mali tai mat nna yubak lu ai masha shagu jahten sharun kau hkrum na mara ai.

ESAIA 2:12

Dai shani e, Chyahtum Chyalai N-gun rawng ai dai Madu gaw daru magam n-gun rawng ai masha shagu hpe mung, gumrawng gumtawng nna rai dum ai masha shagu hte hpe mung shagrit kau na ra ai.

ESAIA 27:4

Ngai gaw sabyi sun hpe pawt sindawng nga sana n rai, Dai sun hta ju hpun ni hte tsing ni hkap daw nga ai rai yang, dai ni hpe ngai atsai awai nat kau na we ai.

ESAIA 34:8

Ndai aten gaw dai Madu Ziun hpe hkye mawai la ai hte de a gumlau hpyen ni hpe matai htang ai aten rai na ra ai.

ESAIA 58:12

Na a amyu masha ni gaw moi na hten run mat sai ni hpe bai de da na mara ai, moi moi na npawt nhpang ni a ntsa e bai gaw kahtap na ra ai. Nang gaw bunghku ni hpe bai gaw gap nna hten run mat sai dum nta ni hpe bai gram lajang da ai amyu masha ni zawn kajai gumhkawng na ra ai.

YEREMIA 15:1

Dai hpang dai Madu gaw ngai hpe, “Mawshe hte Samuela yan gaw ndai shara hta tsap nga nna, ngai hpe hpyi lajin nga ma yang pyi ngai gaw ndai amyu masha ni a ntsa e matsan dum ai myit hpa mung madun dan na n rai. Shanhte hpe shaden kau mu; shanhte hpe nye a man kaw nna shapraw kau dat mu.

YEREMIA 23:22

Shanhte gaw nye a makoi magap da ai myit mang lam ni hpe chye ya ma ai rai yang gaw, nye a amyu masha ni hpang de nye a mungga hkaw tsun na ma ai; shanhte hkawm sa ai n hkru ai asak hkrun lam ni hte shanhte galaw ai n shawp n kap ai amu ni hta na shanhte hpe shabai la lu na ma ai.

YEREMIA 27:18

Shanhte gaw teng teng myihtoi ni hte nye a mungga lu la ai ni rai yang gaw, Nawku Htingnu hte hkawhkam htingnu ni hta naw ngam nga ai sut gan ni hpe Babelon mung de n la wa lu na lam, Chyahtum Chyalai N-gun Rawng ai dai Madu ngai hpe shanhte hpyi nem mu ga,” ngu nna tsun ni ai.

EZEKELA 13:4

Israela amyu masha ni e, nanhte a myihtoi ni gaw hten run mat nna katsi katsang rai nga ai mare hta brak hkawm nga ai nam gwi ni zawn akyu n rawng nga ma ai.

EZEKELA 22:30

Nye a masin kahtet ai gaw dai mung hpe jahten kau na matu hkyen nga ai shaloi, ngai gaw bunghku gaw gap lu na masha langai ngai, daw agrawp mat sai bunghku shara ni hta tsap lu ai masha langai ngai hte mungdan hpe makawp maga lu ai masha langai ngai hpe tam yu nngai, rai ti mung ngai gaw kadai hpe mung n mu nngai.

EZEKELA 30:3

Dai shani gaw ni wa nga ai. Dai Madu amu galaw na ra ai shani ni wa ra ai. Dai shani gaw sumwi htat ai hte masha amyu baw ni a matu ru yak tsin-yam hkrum ai shani gaw ni nga sai.

EZEKELA 7:19

Dai Madu gaw shi a masin kahtet ai hpe ru bun dat ai shaloi, aja rai ti mung, gumhpraw rai ti mung, shanhte hpe n hkye la lu ai majaw, shanhte gaw aja gumhpraw ni hpe maza mala arai zawn nmaw lam hkan e kabai tawn na mara ai. Shanhte a ra sharawng ai hpe shadik ya na matu dai ni hpe lang lu ai n rai; dai hta n-ga, kan hpe jahpring ya lu ai n rai. Aja gumhpraw gaw shanhte hpe yubak lam de woi sa wa manu ai.

YOELA 1:15

Dai Madu a nhtoi gaw ni magang wa ra ai, dai nhtoi hta Chyahtum Chyalai N-gun rawng ai wa jahten shaza na ra ai. Dai shani e hkrit kajawng hpa pru wa na ra ai!

YOELA 2:1

Karai Kasang a chyoi pra ai kawng, Ziun hta e, pahtau dum mu; shadum ai nsen shapraw mu. Yuda amyu masha ni e, hkrit gari nga mu! Dai Madu a nhtoi gaw kade n na yang du wa na ra ai.

YOELA 2:31

Galu kaba re ai hte hkrit mai ai dai Madu a Nhtoi garai n du yang, ajan gaw nsin sin mat wa nna shata gaw sai zawn hkyeng mat na ra ai.

YOELA 3:14

Hkying hkying law nga ai masha wunawng wuwa gaw Tara Jeyang ai Kadit hta nga nga ma ai. Dai yang e, dai Madu a nhtoi kade n na yang du wa na ra ai.

MALAHKI 1:9

Ya chyawm gaw, hkinjawng ni e, Karai Kasang anhte hta mai kaja nga na matu hpyi shakut mu. Shi gaw nanhte a akyu hpyi ga hpe htan ya na n rai. Dai gaw nanhte a shut ai lam tai na ra ai.

MALAHKI 4:5

“Rai ti mung galu kaba ai hte hkrithpa re ai dai Madu a nhtoi garai n du yang, ngai nanhte hpang de myihtoi Elia hpe shangun dat na nngai.

1 HTESALONI 5:2

Hpa majaw nga yang, Madu bai du sa na nhtoi gaw, shana aten e sa ai lagut zawn du sa na ra ai hpe nanhte nan atsawm sha chye nga myit dai.

2 PETRU 3:10

Dai Madu a nhtoi chyawm gaw lagu lagut zawn du na ra ai; dai nhtoi hta e sumsing lamu gaw grai kyek kachyeng ai nsen ngoi nna mat mat wa na ra ai. Sumsing nhtoi hkum ni mung wan hkru nna hten bya mat na mara ai; ginding aga hte nga manga ni mung hkoi mat na mara ai.

SHINGRAN 16:14

Shanhte gaw lamik kumla ni hpe madun dan lu ai nat ni a numla ni rai nga ma ai. Dai nat masum gaw, jahtum chyalai n-gun atsam rawng ai Karai Kasang a nhtoi kaba ngu ai tara jeyang ai shani majan gasat na matu, mungkan ting na hkawhkam ni hpe jahpawng la na pru sa wa ma ai.

SHINGRAN 6:17

Shan a hkrithpa pawt bu ai nhtoi kaba nang e du ra ai rai nna, kadai wa mi dai hpe tsap shingdang da lu na rai nga a ni?,” nga ma ai.

1 SAMUELA 12:23

Nye a matu chyawm gaw, gaw nanhte a matu galoi mung n hpyi nem ya ai majaw dai Madu hpe ngai shut kau ang ni ai nga nna dai Madu hkum shadang mai nga ai. Shing rai na malai, mai kaja ai hte teng man ai lam hku hkan galaw na lam, ngai nanhte hpe sharin achyin ya na made ai.