EZEKELA 13:20 - Jinghpaw Common Language Bible 2009

²⁰ Da ndai gaw Tsaw Htum ai dai Madu tsun ai mungga rai nga ai: “Asak hte si hkrung si htan hpe hkang lu na matu shakut shaja let galaw chyam yu na matu nanhte lang ai lata lahkawn hkaw wang hpe ngai n dawng nngai. Ngai gaw nanhte a lahpum ni hpe gang je kau nhtawm nanhte hkang na matu shakut chyam yu ai nye a amyu masha ni hpe shalawt dat na nngai.

Jinghpaw Hanson Version Bible

²⁰ “Dai re ai majaw Madu Yehowa ning nga ai, ‘Yu mu, myit masin hpe u zawn rim la lu hkra, nanhte lang ai bunghkum ni hpe ngai n dawng nna, nanhte a machyang ndum na karawt la nhtawm, nanhte tam rim la ai myit masin ni hpe, dat dat na nngai.

EZEKELA 13:20 ပူးပေါင်းရင်းမြစ်များ

EZEKELA 13:18

Tsaw Htum ai dai Madu gaw shanhte hpe hpa tsun nga ai lam htawn tsun u: “Num nanhte gaw dingnye hkrum nga myit dai! Hpa majaw nga yang, nanhte gaw masha shagu a matu lata lahkawn hkaw wang ni hte shanhte a baw ntsa e magap na baw sumpan ni hpe chywi ya myit dai; shaloi shanhte gaw kaga masha ni a asak hkrun lam hta daru magam n-gun hkam la lu nga ma ai. Nanhte gaw nye a amyu masha ni a ntsa e asak hte si hkrung si htan hte seng ai hpung dagu madu la mayu myit dai, dai hpe nanhte a akyu a matu jai lang mayu nga myit dai.

EZEKELA 13:19

Nanhte gaw nye a amyu masha ni a man e muk-yaw mam latup nkau mi hte muk hkyep loi mi lu la na matu ngai hpe n kaw n law di myit dai. Nanhte gaw n si ging ai amyu masha ni hpe sat kau myit dai; n jahkrung da ging ai amyu masha ni hpe jahkrung da nga myit dai. Nanhte gaw nye a amyu masha ni hpe masu magaw ga tsun nhtawm shanhte gaw nanhte tsun ai ga hpe kam nga ma ai,” ngu nna tsun wu ai.

EZEKELA 13:21

Ngai gaw nanhte a baw magap ai du bat sumpan ni hpe gang je kau ya na nngai, nye a amyu masha ni gaw nanhte e hkyuk da ai hpung dagu kata kaw nna kalang lata lawt lu na mara ai. Dai shaloi, ngai nan dai Madu rai nga nngai hpe nanhte chye lu na rai myit dai.