EZEKELA 13:2 - Jinghpaw Common Language Bible 2009

² Shi gaw, “Si chye ai masha wa e, shanhte a myit ra hku htoi ai Israela a myihtoi ni hpe jahpoi kau u. Shanhte hpe dai Madu a ga madat mara na matu htawn tsun u,” ngu nna tsun wu ai.

EZEKELA 13:2 ပူးပေါင်းရင်းမြစ်များ

1 HKAWHKAM 22:19

Mihkaia gaw ning ngu nna matut tsun wu ai: “Dai Madu hpa tsun ai ga hpe ya madat u! Dai Madu gaw sumsing lamu na shi a tingnyang hta dung nga nna, shi a lamu kasa ni yawng mung shi a makau e tsap nga ma ai hpe ngai mu nngai.

ESAIA 1:10

Yerusalem e, na a mung du ni hte na a amyu masha ni gaw Sodom hte Gomora masha ni zawn rai ma ai. Dai Madu nang hpe tsun nga ai ga madat u. Anhte a Karai Kasang nang hpe sharin ya nga ai lam hpe madat mara nga u.

ESAIA 28:14

Ya chyawm gaw Yerusalem hta nga ai ndai amyu masha ni hpe up ai myit tsaw myit dap ai ningbaw ni e, dai Madu tsun nga ai ga hpe madat mu.

ESAIA 9:15

Asak kaba sai ni hte arawng lu ai masha ni gaw abaw rai nna, masu magaw ga sharin ya ai myihtoi ni chyawm gaw ningmai rai nga ai.

YEREMIA 23:2

Da ndai gaw dai Madu Israela a Karai Kasang shi a amyu masha ni hpe yu bau sin ang ai up hkang du ni hpe lakap nna tsun ai ga rai nga ai: “Nang gaw nye a amyu masha ni hpe n yu ndai; nang gaw shanhte hpe shabra kau ai hte shaden kau nit dai. Ya chyawm gaw nang galaw tawn sai n hkru ai amu ni a majaw, ngai nang hpe ari jaw na de ai.

YEREMIA 27:14

Shi hpe dingnyawm asum n hkam na matu tsun ai myihtoi ni a ga hpe hkum madat nga myit. Shanhte gaw nanhte hpe masu hkalem nga ma ai.

YEREMIA 27:18

Shanhte gaw teng teng myihtoi ni hte nye a mungga lu la ai ni rai yang gaw, Nawku Htingnu hte hkawhkam htingnu ni hta naw ngam nga ai sut gan ni hpe Babelon mung de n la wa lu na lam, Chyahtum Chyalai N-gun Rawng ai dai Madu ngai hpe shanhte hpyi nem mu ga,” ngu nna tsun ni ai.

YEREMIA 37:19

Babelon hkawhkam wa gaw nang hte na a mungdan hpe htim gasat na n rai, nga nna nang hpe tsun ai na a myihtoi ni hta hpa baw byin sani?

YEREMIA 5:31

myihtoi ni gaw masu magaw ga ni hta jan nna hpa mung n tsun ma ai; hkinjawng ni gaw myihtoi ni hkang da ai hte maren up hkang ma ai, nye a amyu masha ni hkum da ai lam hpa mung n nga nga ma ai. Rai ti mung, hpang jahtum e, ndai lam yawng byin wa ai shaloi shanhte hpa galaw na rai ma ta?,” ngu nna tsun ai.

YEREMIA 8:10

Dai re ai majaw, ngai gaw shanhte a yi hkauna ni hpe madu nnan ni a lata de jaw kau na we ai; shanhte a madu jan ni hpe mung kaga masha ni a lata de ap kau na we ai. Masha kaji kaba yawng hte gaw n ding n man ai hku gumhpraw tam shakut ma ai. Myihtoi ni hte hkinjawng ni pyi amyu masha ni hpe masu hkalem nga ma ai.

SHARUNG SHAYAWT 4:13

Rai ti mung, dai gaw mara n kap ai amyu masha ni a si hkrung si htan lam shabyin ai myihtoi ni a shut hpyit ai yubak ni hte hkinjawng ni a shut hpyit ai mara ni a majaw byin wa sai.

EZEKELA 13:1

Dai Madu gaw ngai hpe ga shaga nga ai.

EZEKELA 13:17

Dai Madu gaw, “Ya chyawm gaw, si chye ai masha wa e, na a amyu masha ni hta e shanhte a myit ra ai hku hkan nna myihtoi htoi ai num ni hpe yu yu u. Shanhte hpe ninghkap let daru u,

EZEKELA 13:3

Ndai gaw Tsaw Htum ai dai Madu tsun ai ga rai nga ai: “Ndai angawk angak re ai myihtoi ni gaw ari ahpri hkrum na mara ai! Shanhte gaw tinang a wenyi myit ra ai hku pau tsun ai hte shanhte a myit shingran ni hpe gyin shalat nga ma ai.

EZEKELA 16:35

Dai rai nna, Yerusalem e, nang gaw shawa num rai nga ndai! Dai Madu tsun nga ai ga na la u.

EZEKELA 22:25

Dai ningbaw ni gaw shabam nna ashan ni hpe amya sat kau ai hkanghkyi ni zawn rai ma ai. Shanhte gaw amyu masha ni hpe sat shamyit kau nhtawm gumhpraw hte sut gan mahkra hpe dang lu ai daram hta la ma ai, shanhte galaw ai masha sat amu ni a majaw, gaida law law shabyin shangun ma ai.

EZEKELA 22:28

Shakum hpe namhtun hpraw hte chya da ai masha ni zawn, myihtoi ni mung ndai yubak mara ni hpe magap da nga ma ai. Shanhte gaw n teng ai shingran ni hpe mu nna, masu ai myihtoi ga ni tsun ma ai. Dai Madu ngai nan shanhte hpe n tsun ti mung, Tsaw Htum ai dai Madu gaw ning nga nga ai nga nna shanhte tsun shabra ma ai.

EZEKELA 34:7

“Ya chyawm gaw, sagu rem ai ni e, dai Madu ngai nan nanhte hpe tsun nga ai ga madat mu.

EZEKELA 34:9

Dai re ai majaw, sagu rem ai ni e, nye a ga madat mara nga mu.

MIHKA 3:11

Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.

MIHKA 3:6

“Myihtoi ni e, nanhte a ahkyak ai nhtoi lai wa magang rai wa nga myit dai; jan gaw nanhte a ntsa e shang mat wa nga sai. Nanhte gaw nye a amyu masha ni hpe lam woi shadam myit dai majaw, nanhte hta myihtoi shingran galoi mung mu lu sana myit dai n rai; hpa lam hta rai tim, nanhte myihtoi ga tsun lu na myit dai n rai,” nga nna tsun ai.

ZEHPANI 3:4

Myihtoi ni gaw lit n la ai hte ga kaman sha tsun nhtawm gumle gumlau rai nga ma ai; hkinjawng ni mung, chyoi pra ai shara hpe awu asin di nna shanhte a akyu a matu Karai Kasang a hkang da ai tara hpe manai makai di ma ai.