EZEKELA 13:19 - Jinghpaw Common Language Bible 200919 Nanhte gaw nye a amyu masha ni a man e muk-yaw mam latup nkau mi hte muk hkyep loi mi lu la na matu ngai hpe n kaw n law di myit dai. Nanhte gaw n si ging ai amyu masha ni hpe sat kau myit dai; n jahkrung da ging ai amyu masha ni hpe jahkrung da nga myit dai. Nanhte gaw nye a amyu masha ni hpe masu magaw ga tsun nhtawm shanhte gaw nanhte tsun ai ga hpe kam nga ma ai,” ngu nna tsun wu ai. အခန်းကိုကြည့်ပါ။Jinghpaw Hanson Version Bible19 Masu ga madat mayu ai nye a amyu masha ni hpe nanhte masu kau nna, n si ging ai ni hpe sat kau, si ging ai ni hpe mahtang jahkrung da ai majaw, nanhte gaw muk-yaw mam latup mi hte muk n-gup mi a jaw e, nye a amyu masha ni a man e ngai hpe jahpoi kau myit dai.” အခန်းကိုကြည့်ပါ။ |
EZEKELA 13:19
23 ပူးပေါင်းရင်းမြစ်များ
Rai ti mung, shanhte hta grau sawng ai Yerusalem mare na myihtoi ni hpe ngai mu se ai: shanhte gaw num shaw la shaw amu shut hpyit nhtawm masu magaw ga ni tsun ma ai; shanhte gaw amyu masha ni hpe shut ai amu galaw na karum ya ma ai, shaloi, n hkru ai amu galaw nga ai hpe kadai mung jahkring da lu na ra ai n rai. Shanhte yawng gaw nye a man e n hkru ai Sodom hte Gomora mare masha ni zawn rai ma ai.
Ngai tsun ai ga hpe madat hkam la na matu lale ai amyu masha ni hpang de shanhte hte rau hkawm sa ai rai yang, lam shagu hta mai kaja wa na ra ai nga nna shanhte matut tsun ma ai. Dai zawn adu ja nga ai ni langai hte langai hpe tsin-yam tsindam hkra lu na ra ai n rai, nga nna shanhte hkaw tsun na mara ai,” ngu nna tsun wu ai.
Da ndai gaw Tsaw Htum ai dai Madu tsun ai mungga rai nga ai: “Asak hte si hkrung si htan hpe hkang lu na matu shakut shaja let galaw chyam yu na matu nanhte lang ai lata lahkawn hkaw wang hpe ngai n dawng nngai. Ngai gaw nanhte a lahpum ni hpe gang je kau nhtawm nanhte hkang na matu shakut chyam yu ai nye a amyu masha ni hpe shalawt dat na nngai.
Dai Tsaw Htum ai Madu gaw, “Israela amyu masha yawng hte e, nanhte pyaw pyaw rai nga mu! Shing rai matut nna nanhte a hpara sumla ni hpe daw jau mu! Rai ti mung nanhte a hpara sumla ni hpe kumhpa ni hte nawng jau ya ai hte nye a chyoi pra ai amying hpe jahpoi ai amu, ndai kalang a hpang jahkring kau nhtawm nye a ga hpe madat na rai myit dai, ngu nna ngai nanhte hpe sadi jaw nngai.
Hkinjawng ni mung nye a tara hpe run kau nna, chyoi pra ai arai hpe n gawn n sawn di ma ai. Shanhte gaw chyoi pra ai hte n chyoi n pra ai hpe n ginhka ma ai. Shanhte gaw san seng ai hte n san n seng ai baw ni a shai nga ai lam hpe n sharin ya nga ma ai; Bansa Nhtoi hpe mung hpa zawn n nawn nga ma ai. Dai lam ni a majaw, Israela amyu masha ni gaw ngai hpe hkrit hkungga nga ma ai n rai.
Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.
Chyahtum Chyalai N-gun rawng ai dai Madu gaw, “Nye a tawn hkungri ntsa e akyu n rawng ai wan n sa shachyi lu myit ga, nanhte hta na marai langai ngai Nawku Htingnu chyinghka ni hpe la kau wu ga, ngai ra sharawng nga nngai. Ngai nanhte hpe n ra nngai; nanhte ngai hpang de la sa ai shagu hkungga ni hpe ngai hkap la na n rai.
Lama rai nna, nang lu sha ai shahpa a majaw na a nhpu nnau wa a myit n pyaw hpa dingbai dingna byin shangun a yang gaw, nang gaw tsaw ra ai lam hta magam bungli galaw hkawm sa nga ndai n rai. Hkristu gaw shi a matu mara si hkam ya nu ai majaw nang sha ai lu sha lama ma a majaw dai wa hpe hkum sharun jahten et.
ကြော်ငြာတွေ