EZEKELA 13:14 - Jinghpaw Common Language Bible 2009

¹⁴ Ngai gaw shanhte namhtun hte chya da ai bunghku hpe agrawp daw kau ai hte adawt sharun kau nna de a npawt nhpang nlung ni hpe chyu sha ngam da na myit tawn nngai. Dai bunghku gaw ru hkrat wa nna nanhte yawng hpe gamyet sat na myit dai. Ngai nan dai Madu rai nga nngai hpe masha shagu chye lu na mara ai.

Jinghpaw Hanson Version Bible

¹⁴ Shing rai, namhtun chya ai bunghku hpe, ga du hkra ngai sharu kau nna, de a npawt nhpang ni dawng pru na ra ai; dai ru hkrat nna, nanhte kamyet si ai hkrum na myit dai: shaloi ngai Yehowa rai nga ai hpe, nanhte chye lu na marin dai.

EZEKELA 13:14 ပူးပေါင်းရင်းမြစ်များ

SHAKAWN KUNGDAWN 11:3

Arai yawng mayawng hkrat ga mat ai shaloi, mai kaja ai masha langai wa mi pyi lu galaw ai lam hpa mung n nga nga ai nga nna ngai hpe tsun ai nang gaw kade wa angawk nga n hka!

HPAJI NINGLI 3:3

sat kau ai aten hte shamai shatsai ai aten hpe mung, run kau ai aten hte gaw gap ai aten hpe mung, masat da ya nga ai.

ESAIA 28:17

Teng man rap ra ai gaw npawt nhpang a matu shadawn sumri tai na ra ai, ding man ai gaw de a joi si sumri rai na ra ai,” ngu nna tsun ai. Sin marang gaw nang manoi nga ai masu magaw ga mahkra hte hpe ye magawn mat wa nhtawm, mawru hka hpungla gaw nanhte a shim lum ai nga shara hpe agre jahten kau ya na ra ai.

ESAIA 30:13

Nanhte gaw mara kap nga myit dai. Nanhte gaw ga kaprang yu wa ai tsaw ai mare bunghku hte bung nga myit dai; nanhte gaw akajawng sha agrawp daw mat na marin dai.

YEREMIA 14:15

Dai Madu ngai gaw ndai mungdan hta majan hte kawsi hpang gara hpa mung hkrum hkra na ra ai n rai nga nna, ngai n shangun ti mung nye a amying gang let tsun ai ndai myihtoi ni hpe ngai galaw sa wa na amu, dai Madu ngai nan nang hpe tsun dan na nngai- Ngai gaw shanhte hpe majan hte kawsi hpang gara hkrum shangun ai hte sat kau na nngai.

YEREMIA 23:15

“Dai rai nna, ndai gaw Chyahtum Chyalai N-gun Rawng ai dai Madu ngai nan Yerusalem myihtoi ni hte seng nna tsun ai ga rai nga ai: Ngai gaw shanhte hpe hka ai hpun ru sha na matu hte gung rawng ai ntsin hpe lu shangun na matu jaw nngai; hpa majaw nga yang, shanhte gaw mungdan ting hta karai kata arawn alai ni hpe shachyam shabra dat manu ai.

YEREMIA 6:15

Shanhte galaw sai ndai matsat shabat amu ni a majaw shanhte kaya mat sani? N rai law, shanhte gaw dik hkra n chye kaya nga ma ai. Kaning rai kaya hkrum ai baw re pyi shanhte n chye ma ai. Dai rai nna, shanhte gaw kaga masha ni kataw ai zawn kataw mat na mara ai; ngai shanhte hpe ari jaw ai shaloi, dai gaw shanhte a matu jahtum rai na ra ai. Dai Madu ngai nan tsun ni ai,” nga nna tsun ai.

YEREMIA 8:12

Nye a amyu masha ni e, nang galaw ai matsat shabat amu ni a majaw, nang kaya nga n ni? N rai law, nang gaw dik hkra n chye kaya nga ndai; kaning rai kaya hkrum myi man sum rai na pyi, nang n chye nga ndai! Nang gaw kaga masha ni kataw ai zawn kataw mat na rai ndai; ngai nang hpe ari jaw ai shaloi dai gaw na a matu jahtum rai na ra ai. Dai Madu ngai nan tsun ni ai.

EZEKELA 13:15

Dai bunghku hte dai hta namhtun chya ai ni gaw nye a pawt sindawng ai n-gun hkam sha na mara ai. Shaloi ngai gaw bunghku hte dai hpe namhtun hte chya ai ni htum mat na masai ngu nna nanhte hpe tsun na nngai.

EZEKELA 13:21

Ngai gaw nanhte a baw magap ai du bat sumpan ni hpe gang je kau ya na nngai, nye a amyu masha ni gaw nanhte e hkyuk da ai hpung dagu kata kaw nna kalang lata lawt lu na mara ai. Dai shaloi, ngai nan dai Madu rai nga nngai hpe nanhte chye lu na rai myit dai.

EZEKELA 13:23

Dai rai nna, ya chyawm gaw nanhte a n teng n man ai shingran ni hte lam woi shadam ai myihtoi htoi ai ga ni gaw lai mat wa sai. Ngai gaw nye a amyu masha ni hpe nanhte madu la mayu ai hpung dagu kata kaw nna hkye mawai da ni ai. Dai re ai majaw ngai nan dai Madu rai nga nngai hpe nanhte chye lu na marin dai.”

EZEKELA 13:9

N teng n man ai myit shingran mu ai myihtoi ni hte lam woi shadam ai myihtoi ga tsun ai myihtoi nanhte hpe ngai ari jaw na nngai. Nye a amyu masha ni daw dan ai lam galaw na matu shinggyin wa ai shaloi, nanhte a amying ni dai Israela amyu jahpan hta lawm lu na ra ai n rai. Nanhte gaw Israela mungdan de galoi mung nhtang wa lu na myit dai n rai. Ngai gaw Tsaw Htum ai Dai Madu rai nga nngai hpe nanhte chye lu na rai myit dai.

EZEKELA 14:8

Ngai nang hpe ninghkap na nngai. Ngai nang hpe kasi shatai kau na nngai. Ngai gaw nang hpe nye a amyu masha ni a hpawng kaw nna shapraw kau na we ai; ngai gaw dai Madu rai nga nngai hpe nanhte chye lu na rai myit dai.

MIHKA 1:6

Dai rai nna dai Madu gaw, “Samari mare hpe asan sha jahten sharun sumpum tawn nna sabyi sun galaw ai shara shatai kau na nngai. Dai mare a nlung wut daw chyen ni hpe kadit de sharu kau nhtawm mare a npawt nhpang nlung ni hpe akrin sha shadawng da na nngai.

HABAKU 3:13

Nang gaw na a amyu masha ni hpe hkye la na matu mung, nang lata da sai hkawhkam wa hpe hkye la na matu mung pru sa wa nga ndai. Nang gaw n hkru ai ni a ningbaw wa hpe adup kadang kau nna shi a hpang hkan masha ni hpe tsep kawp shamyit kau nit dai.

LUKA 6:49

Rai ti mung, ga na la nna n hkan galaw ai chyawm gaw, npawt nhpang n gaw ai sha ga man hta wahpang gaw ai wa hte bung nga ai, hka hpungla ni dai nta hpe ahtu adawt nna kadawng daw mat ai, dai nta a hten run mat ai lam gaw hkrithpa kaba rai nga ai!”