EZEKELA 13:13 - Jinghpaw Common Language Bible 2009

¹³ Ya chyawm gaw Tsaw Htum ai dai Madu ning nga nna tsun ai: “Nye a sindawng kahtet ai hta ndai bunghku hpe jahten sharun kau na matu ja la ai nbung laru, marang hte sin kaba ni hpe shangun dat na nngai.

Jinghpaw Hanson Version Bible

¹³ “Dai rai nna, Madu Yehowa ning nga ai: ‘Ngai pawt sindawng ai bungsha hte, dai bunghku hpe agrawp kau na nngai; ngai pawt bu ai majaw, marang htu lim nna, myit kahtet ai majaw, sin kaba hte jahtum kau na nngai.

EZEKELA 13:13 ပူးပေါင်းရင်းမြစ်များ

YOBA 38:22

Nang gaw ahkyen hte sin tawn da ai sut gawk ni de sa chyai yu nit ni?

YOBA 38:23

Ngai gaw dai ni hpe ru tsang hkrum ai aten ni a matu hte majan gasat ai nhtoi ni a matu jin jin kyem da nngai.

SHAKAWN KUNGDAWN 105:32

Shi gaw shanhte a mungdan hta marang a malai sin hte myi hprap wan dat dat wu ai.

SHAKAWN KUNGDAWN 107:25

Shi hkang dat ai shaloi, nbung laru ru wa nna; hka leng ni rawt kabrawng wa nga ai.

ESAIA 30:30

Dai Madu gaw shi a daru magam nsen hpe masha shagu hpe na la shangun nna, shi a masin kahtet ai n-gun hpe hkam sha shangun na ra ai. Dai shara hta wan hkru ai, marang kaba htu ai, sin marang hkrat ai, hte marang hka hpungtun ni hte hpring na ra ai.

YEREMIA 23:19

Shi a pawt sindawng ai gaw nbung laru rai nga nna dai sindawng kahtet ai bungsha gaw n hkru ai wa a baw ntsa e ahpawt na ra ai,

SHARUNG SHAYAWT 2:1

Dai Madu gaw shi a masin kahtet ai majaw, Ziun hpe nsin hte ka-up da nga wu ai. Shi gaw sumsing lamu a hkik hkam ai hpung shingkang hpe jahten sharun kau nu ai. Shi a masin kahtet ai shani e, shi gaw shi a Nawku Htingnu hpe pyi kabai kau nga ai.

SHARUNG SHAYAWT 2:3

Shi masin kahtet ai majaw, Israela a n-gun makru hpe agrawp daw kau nu ai; Shi gaw gumlau hpyen wa du sa wa ai shaloi anhte hpe karum la na matu ningdang kau nu ai. Shi gaw wan zawn anhte hpe n-yun bu ai hte arai yawng mayawng hpe shaza kau nu ai.

SHARUNG SHAYAWT 2:4

Shi gaw gumlau hpyen wa zawn anhte hpe shi a ndan pala ni hte shading da nga ai; Shi gaw anhte a kabu gara lam hte awng sharawng lam lu la ai masha ni yawng hpe sat kau nu ai. Wan zawn hkru nga ai shi a masin kahtet ai hpe ndai Yerusalem kata hta anhte hkam sha saga ai.

EZEKELA 1:4

Ngai sharawt mada yu ai shaloi, dingdung maga de na bung sa wa ai nbung laru hpe mu nngai. Htat ai sumwi kata kaw na gala ai myihprap wan gaw gala nga nna sumsing lamu grup grup hkan htoi gala ai hte myihprap wan gala ai shara mi hta magri mang zawn htoi tu kabrim ai arai lama mi mung nga nga ai.

EZEKELA 13:12

Dai bunghku gaw run hkrat mat na ra ai, shaloi dai namhtun chya da ai gaw kaning rai n kaja ang a ta?, nga nna masha shagu nanhte hpe san na mara ai.”

JAW JAU 26:28

nanhte hpe ngai pawt sindawng ai hte nhtan shai ai hku galaw nna shawng na hta grau sawng ai yubak ari htam sanit bai jaw na made ai.

YONA 1:4

Rai ti mung dai Madu gaw ja la ai nbung shangun dat ai rai nna dai nbung laru gaw grai ja ai majaw sanghpaw li gaw agrawp mat na daram hkrit tsang ra nga ai.

HAGI 2:17

Ngai gaw nanhte shakut nna hkai da ai hpa arai hpe rai tim jahten sharun kau na matu kahtet kang ai nbung hte sin marang ni hpe shangun dat ni ai. Rai ti mung, myit malai lu myit dai n rai.

SHINGRAN 11:19

Dai shaloi sumsing lamu hta e Karai Kasang a nawku htingnu hpaw malang wa nna, nawku htingnu kata na, shi a ga shaka hte seng ai sumpu hpe ngai mu nngai. Dai hpang myihprap gala ai, nsen kadu ai, mu ngoi ai, nnang nawn hte sin marang kaba byin wa ai.

SHINGRAN 16:21

Shaloi lamu de nna joi mali tsa daram li ai sin kaba gaw masha ni a ntsa e htu bun mu ai. Masha ni gaw, dai sin kaba htu bun ai ari zinli a majaw Karai Kasang hpe matsa shatan ma ai. Hpa majaw nga yang, dai ari gaw hkrithpa ari rai nga ai.

SHINGRAN 8:7

Ya, shawng na lamu kasa gaw shi a pahtau dum dat wu ai: Shaloi asai hte gayau ai sin hte wan ga ntsa de htu ru hkrat wa ai; dinghta ga htam masum hta na htam mi hkru mat wa ai; nam maling hpun ni mung, tsit lali ai tsingdu yawng hte mung, htam masum hta na htam mi hkru mat wa ai.