EZEKELA 12:5 - Jinghpaw Common Language Bible 2009

⁵ Shanhte azi yu nga ma yang, na a nta na wang bunghku hpe htu waw nhtawm na a arai majaw hpe dai hku la shapraw u.

Jinghpaw Hanson Version Bible

⁵ shanhte a man e bunghku htu waw nna, arung arai ni hpe shapraw u.

EZEKELA 12:5 ပူးပေါင်းရင်းမြစ်များ

2 HKAWHKAM 25:4

mare bunghku ni hpe tawk waw pru wa ma ai. Babelon masha ni gaw dai mare hpe wang shinggrup da nga ma ti mung, share shagan ai hpyenla ni yawng gaw hkawhkam wa a sun makau na bunghku lahkawng a lapran na chyinghka lam hku shana e shanhte pru nhtawm Yawdan Kadit ang ang de hprawng pru mat wa ma ai.

YOBA 24:16

Lagu lagut ni gaw shana e nta kata de hpya shang ma ai; shanhte gaw shana e mahtang dai nhtoi hpe yen nga ma ai.

EZEKELA 12:4

Shani aten naw rai nga yang, bawng dung ai a matu, na a arung arai majaw hpe makai shajin da u, shaloi shanhte nang hpe mu lu na mara ai. Shanhte gaw nang hpe azi yu lu mu ga, nang nan bawng dung hkrum mat wa ai wa zawn shana de na aten e nang pru mat wa u.

EZEKELA 12:6

Shanhte nang hpe azi yu lu mu ga, na a arung arai majaw hpe na a lahpa ntsa e hpai mara nhtawm na a myi man htinggrum kau let htat ai nsin kata de hkawm sa wa su. Nang kade hkawm sa nga ai hpe nang n mu lu na ndai. Ya nang hpa galaw nga ai lam gaw Israela masha ni hpe sadi jaw ai kumla tai na ra ai,” ngu nna tsun ai.