EZEKELA 12:24 - Jinghpaw Common Language Bible 2009

²⁴ “Israela amyu masha ni a lapran e n teng n man ai shingran ni hte lam shadam ai myihtoi ga ni galoi mung nga sana n rai.

Jinghpaw Hanson Version Bible

²⁴ Kaning rai nme law, htawm hpang e Israela amyu hta kaman lila shingran hte, hkalau ai shaba wawt ai lam nga na n rai.

EZEKELA 12:24 ပူးပေါင်းရင်းမြစ်များ

1 HKAWHKAM 22:17

Mihkaia gaw, “Sagu rem wa n nga ai sagu ni zawn dai Israela hpyen luksuk ni kawng jinghkang hkan e bra ayai nga ma ai hpe ngai mu nngai. Dai Madu gaw, “Ndai masha ni ningbaw n lu ma ai; tinang nang a nta de ngwi ngwi pyaw pyaw hte wa kau shangun mu,’” ngu tsun wu ai, nga nna htan wu ai.

GA SHAGAWP 26:28

Masu magaw ga hte marai langai ngai hpe machyi shangun mayu ai rai yang, nang shi hpe n dawng nga sai re. Sawt ai ga gaw hten run ai hta lai nna, kaga hpa mung n shabyin lu nga ai.

SHARUNG SHAYAWT 2:14

Na a myihtoi ni gaw masu magaw ga htoi ai hta jan nna hpa mung nang hpe n tsun yu mu ai; Shanhte a hkaw tsun ai myihtoi ga gaw na a shut hpyit ai mara hpe n tsun shapraw, n madun dan ai hku nna, nang hpe masu hkalem kau nu ai. Nang gaw myit malai n lu ra nit dai nga nna, shanhte nang hpe myit sawn kau shangun mu ai.

EZEKELA 13:23

Dai rai nna, ya chyawm gaw nanhte a n teng n man ai shingran ni hte lam woi shadam ai myihtoi htoi ai ga ni gaw lai mat wa sai. Ngai gaw nye a amyu masha ni hpe nanhte madu la mayu ai hpung dagu kata kaw nna hkye mawai da ni ai. Dai re ai majaw ngai nan dai Madu rai nga nngai hpe nanhte chye lu na marin dai.”

EZEKELA 13:6

Shanhte mu ai myit shingran ni gaw n teng n man nga ai; shanhte a myihtoi ga ni mung masu magaw ga ni sha rai nga ai. Shanhte gaw nye a myihtoi ga ni hpe tsun nga ga ai nga nna tsun nga ma ti mung, shanhte hpe ngai shangun ai n rai. Ti mung, shanhte gaw shanhte htoi ai ga teng teng dik wa na hpe myit mada nga ma ai.

ROMA 16:18

Hpa majaw nga yang shing rai galaw ai ni gaw anhte a Madu Hkristu a amu hpe n gun n hpai ai ni, tinang a kan a matu shatsang ai ni rai ma ai. Shanhte gaw si si rai nga ai, hpa mara n kap ai masha ni a myit hpe shanhte a ga sau ga pyaw awlaw ai ga hte ahpyawp sha kau ma ai.

1 HTESALONI 2:5

Hpa majaw nga yang, nanhte atsawm sha chye nga myit dai hte maren, anhte gaw nanhte hpang de n teng n man ai hku asawng hkalem ai ga tsun shaga let, shing n rai nammak lawhpa ai lam hpe magap ai ga ni lang let sa ga ai n rai. Dai lam hta Karai Kasang nan sakse rai nga ai.