EZEKELA 12:19 - Jinghpaw Common Language Bible 2009

¹⁹ Ndai gaw Tsaw Htum ai dai Madu shi nan Yerusalem mare masha ni hpe lakap nna shanhte a mungdan hta naw shanu nga ai ni hpe tsun ai mungga rai nga ai; dai hpe amyu baw ting hpe htawn tsun dan u; shanhte lusha sha ai shaloi gari na mara ai, shanhte ntsin lu ai shaloi hkrit gari ai hte ashun na mara ai. Shanhte a mungdan hta shanu nga ai masha shagu hte gaw hkang da ai tara hpe n hkan ma ai majaw shanhte a mungdan gaw katsi katsang akrin akraw shara tai mat na ra ai.

Jinghpaw Hanson Version Bible

¹⁹ mung masha ni hpe ning ngu u, ‘Madu Yehowa gaw Yerusalem mare hte Israela mungdan hta shanu nga ai ni hpe lakap nna ning nga ai: Shanhte gaw hkrit gari let, muk sha nna, mak mat let, ntsin lu na mara ai; dai mungdan gaw shingran katsi ai shara tai nna, mung masha ni a kashun kashe amu majaw, atsai awai shaza kau ai hkrum na ra ai.

EZEKELA 12:19 ပူးပေါင်းရင်းမြစ်များ

SHAKAWN KUNGDAWN 107:34

Dai mungdan hta shanu nga ai ni a tara n lang ai lam a majaw, shi gaw ga sau hpring ai shara ni hpe jum ga shatai kau ya nu ai.

SHAKAWN KUNGDAWN 24:1

Ndai mungkan hte dai hta nga ai arai yawng mayawng hte gaw Madu a rai nga ai; Aga hte de a ntsa e nga ai arai yawng mayawng mung shi a rai nga ai.

ESAIA 6:11

Ngai gaw, “Madu e, dai zawn re ai gaw kade daram na wa na rai ta?,” ngu nna san nngai. Shi gaw, “Mare ni hten run mat nna, kaman byin mat ai aten du hkra, dum nta ni katsi katsang tai mat nna lamu ga shi nan akrin akraw rai nna lamu ga hpe lahpawt lama di shakram da ai aten du hkra rai na rai nga ai,” ngu nna htan wu ai.

YEREMIA 10:22

Madat mu! Shiga du sai! Dingdung maga de nga ai amyu baw ni hta garu kabrawng ai nsen kaba pru nga ai; dai luksuk gaw Yuda mare ni hpe zaibru jang shatai kau nhtawm dai shara hta gwi ma-a ni shanu nga na mara ai,” ngu nna htan we ai.

YEREMIA 18:16

Shanhte gaw ndai mungdan hpe hkrit kajawng shara hte htani htana asawng asang shara shatai kau manu ai. Dai shara hku lai hkawm ai ni yawng mayawng hte gaw shanhte mu mada ai lam ni a majaw mau kajawng na mara ai; shanhte gaw mau mahka mat ai hte shanhte a baw ni hpe kanga na mara ai.

YEREMIA 25:11

Dai mungdan ting gaw shingran sharat katsi katsang tai mat wa nna yu kajawng mat na zawn re ai shara tai mat na ra ai, shing rai grup yin mungdan ni yawng gaw Babelon Hkawhkam wa hpe shaning sanit shi ning tup galaw daw jau na mara ai.

YEREMIA 32:28

Ngai gaw ndai mare hpe Babelon Hkawhkam Nebuhkadneza hte shi a hpyen luksuk ni hpe ap kau na we ai. Shanhte gaw dai mare hpe gasat kau ai hte,

YEREMIA 33:10

Dai Madu gaw, “Ndai shara gaw zaibru jang zawn rai mat nna, dai shara ni hta shanu nga na mare masha ni hte yam nga ni hpa mung n nga ai sha, shingran katsi ai shara tai mat nga sai nga nna amyu masha ni tsun nga ma ai. Dai byin ai lam gaw teng nga ai; Yuda mare ni hte Yerusalem mare lam ni gaw shingran sharat katsi nga ai hte mare masha ni mung, yam nga ni mung dai shara ni hkan shanu nga ai n rai. Rai ti mung, ndai shara ni hkan,

YEREMIA 33:12

Chyahtum Chyalai N-gun Rawng ai dai Madu gaw, “Mare masha mung, yam nga ni mung n nga ai shingran sharat katsi ai zaibru jang zawn rai nga ai ndai lamu ga hta, sagu rem ai ni shanhte a sagu ni hpe rem lu na matu, tsit lali ai udat shara ni kalang mi bai nga wa na mara ai.

YEREMIA 4:27

(Dai Madu gaw ginding aga ting katsi katsang shara tai mat na ra ai, rai ti mung shi gaw dai hpe tsep kawp jahten kau na ra ai n rai, nga nna tsun nu ai.)

YEREMIA 6:7

Hka htung gaw dai kaw na mu ai hka shapraw ya ai zawn, Yerusalem shi a n hkru ai amu hpe shapraw nga ai. Ngai gaw dai mare na kashun kashe du daw sai hkaw amu hte jahten shaza lam hpe na nngai; machyi makaw hte hkala nba lam yawng hpe mung ngai mu nngai.

EZEKELA 36:3

“Myihtoi htoi u, Tsaw Htum ai dai Madu ngai nan tsun ai mungga hpe tsun ndau u. Israela a bum ni hpe htingbu mungdan na amyu baw ni gasat nna lanep shatai kau ai shaloi, Israela hpe kadai mung mani asawng nga ma ai.

EZEKELA 4:16

Shi gaw, “Si chye ai masha wa e, Yerusalem a matu jaw ai muk hpe dawm kau ya na nngai. Dai mare hta nga ai amyu masha ni gaw shanhte sha ai lusha hte shanhte lu ai ntsin ni hpe shen nna shadang hte lu ma ai majaw myit ru myit kahpra na mara ai.

EZEKELA 6:14

Rai sa, ngai gaw shanhte kaw du dep nang nna shanhte a mungdan hpe jahten kau na nngai. Ngai gaw dai mungdan hta Israela amyu masha ni gara shara hta mung n nga lu hkra, dingda maga de nga ai zaibru jang kaw nna dingdung maga Ribla mare du hkra shingran katsi ai shara shatai kau na nngai. Shaloi masha shagu hte gaw Ngai nan dai Madu rai nga nngai hpe chye na mara ai,” ngu nna tsun wu ai.

EZEKELA 7:23

“Lam shagu kashuk kashak byin nga sai-mungdan gaw masha sat ai amu ni hte hpring nga nna mare ni mung kashun kashe du daw sai hkaw amu ni hte hpring chyat nga ai.

MIHKA 7:13

Rai ti mung dai mungkan ga hta nga ai ni a n hkru ai amu ni a majaw, mungkan ga gaw katsi katsang shara tai mat na ra ai.

ZEHKARIA 7:14

Shanhte hpe nbung laru e shapoi mat wa ai zawn maigan mungdan ni de ye kau nngai. Ndai ningru ningja ai mungdan gaw katsi katsang shara tai mat nna, kadai mung dai mung e nga nga na ma ai n rai.

1 KORINHTU 10:26

Hpa majaw nga yang, “Lamu ga hte hpawn, dai hta na nga manga hte gaw, dai Madu a hkrai rai nga ai,” nga nna Chyum Laika hta tsun nga ai.

1 KORINHTU 10:28

Rai ti mung, marai langai ngai, “Ndai gaw hpara ni hpe nawng jau ai hkungga shan rai nga ai,” nga nna nanhte hpe tsun dan myit yang gaw, dai wa a matu hte ung ang ai myit a matu tau yu nna dai hpe hkum sha mu.