EZEKELA 12:13 - Jinghpaw Common Language Bible 2009

¹³ Rai ti mung, ngai gaw nye a sumgawn hte shi hpe ka-up la nna dai hta shi hpe hkam la na nngai. Dai hpang, ngai gaw shi hpe Babelon mare de woi wa nna dai shara hpe shi n mu lu ai sha, si mat na ra ai.

Jinghpaw Hanson Version Bible

¹³ Ngai gaw nye a sumgawn hte shi hpe ka-up nna, nye a mahkam hta lu shangun na nngai: Hkalde a mung, Babelon mare de ngai shi hpe woi wa na nngai: dai mung hta e shi si timung, dai hpe mu lu na n rai.

EZEKELA 12:13 ပူးပေါင်းရင်းမြစ်များ

YOBA 18:10

Ga hta e mahkam up da nga ai; shanhte lai sa wa na lam hta mahkam hkam da nga ai.

YOBA 19:6

Ndai amu Karai Kasang galaw nu ai hpe nanhte n mu myit ni? Shi gaw ngai hpe rim na mahkam up da nga nu ai.

SHAKAWN KUNGDAWN 11:6

Shi gaw tara n lang ai ni a ntsa e, grung nga ai wan n-ga hte hkru nga ai kan wan ni hpe ru jahkrat dat nna, shi shanhte hpe kahtet kang ai nbung ni hte ari jaw mu ai.

SHAKAWN KUNGDAWN 66:11

Nang gaw anhte hpe mahkam de jahkrat kau nna; anhte a shingma ntsa hta, li ai lit hpe mara ya nit dai.

YEREMIA 24:8

“Yuda Hkawhkam Zedekia, shi hte rau nga ai mung masa ninghkrin ni hte ndai mung hta naw ngam nga ai Yerusalem mare masha ni hte Egutu mung de na sa htawt nga ai ni hpe dai Madu ngai nan n sha mai hkra, n kaja ai lakum si ni zawn shanhte yawng hte hpe ngai shatai kau na mawe ai.

YEREMIA 32:5

Zedekia gaw Babelon mung de woi la hkrum na ra ai, shi gaw dai mung hta ngai hte hkrum kanawn ai aten du hkra, dai shara hta shi naw nga nga na ra ai. Shi gaw Babelon mung masha ni hpe gasat ti mung, awng dang na ra ai n rai. Dai Madu ngai nan tsun ni ai,” nga ai.

YEREMIA 34:3

Nang gaw lawt lu na ra ai n rai; nang gaw rim hkrum ai hte shi a lata de ap kau ai hkrum na rai ndai. Nang gaw shi hpe myi man chyaw mu lu na ra ai, shi hte ga tsun lu na rai ndai. Nang gaw Babelon mung de sa wa na rai ndai.

YEREMIA 37:17

Dai hpang, kade n na yang, Hkawhkam Zedekia gaw ngai hpe shaw la na matu masha shangun dat wu ai; dai hkaw htingnu kata hta, “Dai Madu kaw nna mungga naw nga a ni?,” ngu nna ngai hpe alak mi san wu ai. Shing rai, ngai mung, “Nga ai,” dai gaw, “Nang Babelon hkawhkam wa a lata de ap kau ai hkrum na rai ndai,” ngu nna htan ai hte kahtap tsun ni ai.

YEREMIA 39:7

Dai hpang, shi gaw Zedekia a myi hpe achyaw baw kau ya nna, Babelon mung de woi mat wa na matu hpri sumri hte gyit sumroi da ma ai.

YEREMIA 50:24

Babelon e, nang gaw ngai hpe gasat gumlang nit dai; na a matu ngai hkam da ai mahkam hta lu nit dai, rai ti mung, dai amu hpe nang chye ai n rai.

SHARUNG SHAYAWT 1:13

“Shi gaw nye a hkum kata hkru na wan hpe ntsa kaw nna shangun dat wu ai. Shi gaw nye a matu mahkam hkam da nu ai hte ngai hpe ga de jahkrat da ni ai. Shi gaw ngai hpe kau da nu ai hte nhtum nni re ai nchyi nmu hta ngai hpe tawn da nu ai.

SHARUNG SHAYAWT 3:47

Anhte gaw ru yak tsin-yam tsindam hte hten byak lam hku lai mat wa saga ai; anhte gaw shoihpa shoirang hte hkrit gari ai hta shanu nga ga ai.

EZEKELA 1:3

Dai Babelon mung Hkebara hka nu hka kau e, Madu ngai hpe tsun ai ga na ai hte shi a daru magam n-gun atsam hpe ngai hkam sha ni ai.

EZEKELA 12:6

Shanhte nang hpe azi yu lu mu ga, na a arung arai majaw hpe na a lahpa ntsa e hpai mara nhtawm na a myi man htinggrum kau let htat ai nsin kata de hkawm sa wa su. Nang kade hkawm sa nga ai hpe nang n mu lu na ndai. Ya nang hpa galaw nga ai lam gaw Israela masha ni hpe sadi jaw ai kumla tai na ra ai,” ngu nna tsun ai.

EZEKELA 17:16

“Ngai gaw ahkrung nga ai Karai Kasang rai nga nngai, dai majaw dai Tsaw Htum ai Madu gaw, “Ndai hkawhkam wa gaw shi hpe hkawhkam tingnyang shadun da ai Babelon hkawhkam hte shaka da ai hte dagam da ai ga shaka hpe jahten kau nu ai majaw shi gaw Babelon mung e si mat na ra ai.

EZEKELA 17:20

Ngai gaw jaugawng wa lang ai mahkam sumgawn hpe hpyan tawn nna dai hta e, shi hpe lu shangun na nngai. Shi gaw ngai hta sadi n dung nga ai majaw, ngai shi hpe Babelon mung de woi wa nna dai mung e shi hpe ari jaw na nngai.

EZEKELA 32:3

Masha amyu baw law law ni zup hpawng nga ma yang, nye a sumgawn hte nang hpe ka-up la nna shanhte gaw dai hpe hkin-gau de karawt shapraw da mu ga.

HOSEA 7:12

Rai ti mung shanhte sa wa ai shaloi, ngai gaw sumgawn kahpyan nna ntsa malen u ni hpe zawn shanhte hpe rim la na we ai. Ngai gaw shanhte galaw ai n hkru ai amu a matu ari jaw na nngai.

LUKA 21:35

Hpa majaw nga yang, dai nhtoi gaw ga ntsa shara shagu hta nga nga ai masha ni yawng a ntsa e shing rai du na ra ai.