EZEKELA 12:10 - Jinghpaw Common Language Bible 2009

¹⁰ Tsaw Htum ai dai Madu ngai nan shanhte hpe tsun nga ai ga, shanhte hpe htawn tsun u. Dai mungga gaw Yerusalem hpe up hkang nga ai mung du hte dai mare hta shanu nga ai amyu masha ni yawng a matu rai nga ai.

Jinghpaw Hanson Version Bible

¹⁰ Shanhte hpe ning ngu tsun u: Madu Yehowa ning nga ai, Ndai shingran gaw Yerusalem mare hpe up ai du hte, dai yang e shanu nga ai Israela dap ting hte seng nga ai.

EZEKELA 12:10 ပူးပေါင်းရင်းမြစ်များ

2 HKAWHKAM 9:25

Yehu gaw shi a hpyen du Bidka hpe, “Shi a hkum hpe la nna Nabot madu tawn ai sun e dai hpe sa kabai bang da su. An lahkawng Hkawhkam Yoram a kawa Ahab a hpang e gumra rau jawn nna hkan nang nga yang, dai Madu gaw ndai ga ni hte ning nga tsun nu ai hpe dum ga:

ESAIA 13:1

Ndai gaw Amot a kasha Esaia, Karai Kasang kaw na lu la ai Babelon hte seng ai mungga rai nga ai.

ESAIA 14:28

Ndai gaw Hkawhkam Ahaza si ai shaning hta pru wa ai mungga rai nga ai.

YEREMIA 21:7

Rai ti mung, nang hte na a mung du salang ni majan, hkuwa hte ana zinli kaw nna lawt lu ti mung, naw ngam nga ai nanhte hte ndai mare na amyu masha ni gaw Hkawhkam Nebuhkadneza hte nang hpe sat kau na matu ra sharawng nga ai na a gumlau hpyen ni a lata hta nanhte yawng hpe ngai ap kau na we ai. Nebuhkadneza mung nang hpe sat kau na ra ai. Shi gaw nanhte langai mi hpe mung ngam da na ra ai n rai, matsan yu dum na ra ai n rai, nanhte kadai hpe rai tim myit yu machyi na ra ai n rai. Dai Madu ngai nan tsun ni ai.”

YEREMIA 24:8

“Yuda Hkawhkam Zedekia, shi hte rau nga ai mung masa ninghkrin ni hte ndai mung hta naw ngam nga ai Yerusalem mare masha ni hte Egutu mung de na sa htawt nga ai ni hpe dai Madu ngai nan n sha mai hkra, n kaja ai lakum si ni zawn shanhte yawng hte hpe ngai shatai kau na mawe ai.

YEREMIA 38:18

Rai ti mung, nang lata sharawt n shang wa ai rai yang chyawm gaw ndai mare hpe Babelon masha ni a lata de ap kau nhtawm shanhte gaw dai mare hpe nat kau na mara ai. Nang gaw shanhte a lata kaw nna hprawng lawt lu na ra ai n rai,” ngu nna tsun ai ga hpe Hkawhkam Zedekia hpe tsun dan wu ai.

EZEKELA 12:3

“Ya chyawm gaw, si chye ai masha wa e, hprawng shingbyi hkawm ai wa gaw shana nsin garai n sin yang htawt hkawm na matu arai shajin ai zawn arung arai majaw hkyen makai shajin da u, shaloi masha shagu gaw nang pru mat wa nna kaga shara de sa mat wa ai hpe mu la mu ga. Dai sha n-ga, shing re ai lam hpe ndai gumlau chye ai masha ni mung nang hpe yu matsing lu mai yang matsing lu mu ga.

EZEKELA 21:30

“ ‘Nhtu hpe n-ga de bai bang tawn u! Ngai gaw nang hpe nang hpan da hkrum ai shara ngu ai nang shangai wa sai mungdan hta tara jeyang na nngai.

EZEKELA 7:27

Hkawhkam wa gaw sharung shayawt na ra ai; hkawhkam kasha ni gaw myit mada shara n nga ai hte mak mat na mara ai; amyu masha ni gaw hkrit gari mat na mara ai. Nang galaw lai wa sai amu yawng mayawng a matu ngai nang hpe ari jaw na nngai, shaloi nang gaw masha ni hpe tara daw dan ai zawn, ngai mung dai hte maren, nang hpe tara daw dan na nngai. Dai gaw dai Madu ngai nan rai nga nngai hpe madun dan na ra ai.”

MALAHKI 1:1

Ndai gaw Israela amyu masha ni hpe htawn tsun dan na matu, dai Madu Malahki hpe jaw ya ai mungga rai nga ai.