EZEKELA 11:23 - Jinghpaw Common Language Bible 2009

²³ Dai hpang, htoi tu kabrim ai gaw dai mare kaw nna pru mat wa nhtawm mare a sinpraw maga e nga ai bum de htawt sit mat wa ai.

Jinghpaw Hanson Version Bible

²³ Yehowa a hpung shingkang gaw, mare ka-ang na lung nna, mare sinpraw maga e nga ai bum ntsa e tsap nga ai.

EZEKELA 11:23 ပူးပေါင်းရင်းမြစ်များ

EZEKELA 1:28

dai yawng a ntsa e htoi tu ai nsam gaw n-goi latum a nsam ni rai nga ai. Dai gaw dai Madu a hpung shingkang dan hkung ai nsam hpe shapraw dan ai shi a htoi kabrim ai shara rai nga ai. Dai lam hpe ngai mu ai shaloi, ngai gaw ga ntsa e myi man dagup da nngai. Dai hpang nsen langai hpe ngai na nngai. Dai lam hpe ngai mu ai shaloi, ngai gaw ga ntsa e myi man dagup da nngai. Dai hpang ngai gaw nsen langai na nngai.

EZEKELA 10:18

Dai hpang, dai Madu a htoi tu ai hpung shingkang gaw Nawku Htingnu chyinghka lam kaw nna pru mat wa nhtawm hkrung kanu ni a ntsa e sit sa wa nga ai.

EZEKELA 10:4

Dai Madu a htoi tu ai hpung shingkang gaw hkrung kanu ni kaw na rawt lung wa nhtawm, Nawku Htingnu a chyinghka lam de sit sa wa nga ai. Dai shaloi, sumwi gaw Nawku Htingnu hpe ka-up da nga ai; wang gaw htoi tu ai hpung shingkang hte dan hkung nga ai.

EZEKELA 43:2

dai yang e, Israela a Karai Kasang a htoi tu ai hpung shingkang gaw sinpraw maga de nna pru wa ai hpe ngai mu nngai. Karai Kasang a nsen mung panglai hka wu kadu ai nsen hte bung nna ginding aga gaw kabrim ai nhtoi hte htoi tu nga ai.

EZEKELA 43:4

Dai htoi kabrim ai nhtoi gaw sinpraw chyinghka hku nna Nawku Htingnu kata de shang wa ai.

EZEKELA 8:4

Ngai gaw Hkebara hka nu makau e nga nga yang, ngai mu yu sai zawn re ai Israela a Karai Kasang a hpung shingkang hpe madun dan ai htoi tu kabrim ai nhtoi hpe ngai mu nngai.

EZEKELA 8:6

Karai Kasang gaw ngai hpe, “Si chye ai masha wa e, hpa byin nga ai hpe nang mu n ni? Ngai hpe nye a chyoi pra ai shara kaw na tsan hta tsan ai shara de shaden kau let, Israela ni ndai yang e galaw ai matsat shabat amu ni hpe yu yu u. Nang gaw ndai amu hta grau n tsawm n htap ai matsat shabat amu ni hpe pyi mu na rin dai,” ngu nna tsun wu ai.

EZEKELA 9:3

Dai hpang, Israela a Karai Kasang a htoi tu ai hpung shingkang gaw shanu nga ai singkaw tu ai hkrung kanu ni kaw na rawt lung wa nhtawm Nawku Htingnu a chyinghka lam de sit sa wa ai. Dai Madu gaw lachyit nba lawai ai wa hpe shaga let,

ZEHKARIA 14:4

Dai aten hta, shi gaw Yerusalem mare a sinpraw maga na Tsanlun Bum ntsa e tsap nga na ra ai. Shaloi Tsanlun Bum gaw sinpraw maga kaw nna sinna maga du hkra ka-ang brang ga wa ai hte grai kaba ai kadit langai tai mat na ra ai; dai bum ka-ang hkup gaw dingdung maga de, de a ka-ang hkup gaw dingda maga de htawt sit mat na ra ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.