EZEKELA 11:2 - Jinghpaw Common Language Bible 2009

² Karai Kasang gaw ngai hpe, “Si chye ai masha wa e, ndai masha ni gaw ndai mare hta n hkru ai amu maw mawn nna n kaja ai lam hpaji jaw ma ai.

Jinghpaw Hanson Version Bible

² Shaloi shi gaw, “Masha kasha e, ndai ni gaw n kaja ai hku maw nna, ndai mare hta n hkru ai lam hpaji daw ai ni rai nga ma ai:

EZEKELA 11:2 ပူးပေါင်းရင်းမြစ်များ

ESHTA 8:3

Shaloi Eshta gaw hkawhkam wa hpe bai shaga na nga, shi a lagaw nhpang e gum dagup let hkrap nga wu ai. Yuda masha ni hpe hkap daw na nga, Agag amyu matu na Haman a n hkru ai maw mawn lam hpe jahkring kau na matu shi hpe hpyi nem wu ai.

SHAKAWN KUNGDAWN 36:4

Shanhte gaw yup ku ntsa e kaleng nga yang, n hkru ai mahkyen ni hpe galaw ma ai; shi galaw ai amu hpa mung n kaja nga ai, n hkru ai amu hpa hpe mung galoi mung ningdang kau nga ai n rai.

SHAKAWN KUNGDAWN 36:5

Madu e, na a dinggrin tsaw ra myit gaw sumsing lamu du hkra dep nga ai; na a sadi sahka mung lamu ni de du hkra maden jat nga ai.

SHAKAWN KUNGDAWN 52:2

Na a shinglet gaw dai kara rep nhkyi zawn kaga ni hpe jahten sharun na, maw mawn nga ndai. Nang gaw masu magaw ga hpe tut nawng e, gyin shalat ai wa rai nga ndai.

ESAIA 30:1

Dai Madu gaw ning nga tsun nu ai: “Yuda mung hpe up ai ni gaw dingnye hkrum ma ai, hpa majaw nga yang shanhte ngai hpe gumlau ma ai. Shanhte gaw ngai n hpajang lawm ai maw mawn lam ni hta hkan ma ai, nye a myit ra ai hte nhtan shai ai ga shaka ni hpe myit hkrum ta masat galaw let yubak kahtap kala galaw ma ai.

ESAIA 59:4

Nanhte tara rung de sa myit dai, rai ti mung nanhte a hpang maga de teng man rap ra ai tara n nga nga ai. Na a amu awng hkra nga, nang gaw masu magaw ga ni hta shamyet shanat nga ndai. Nang gaw masha kaga wa hpe machyi hkra shangun na matu, na a yaw shada lam ni hpe maw mawn nga ndai.

YEREMIA 18:18

Dai hpang, amyu masha ni gaw, “Anhte Yeremia hpe lam lama mi jawm galaw yu ga! Anhte hpe sharin shaga na matu hkinjawng ni, anhte hpe hpaji jaw la na matu hpaji rawng ai masha ni, hte Karai Kasang a mungga hkaw tsun na matu myihtoi ni tut nawng e nga nga na mara ai. Shi tsun ai ga hpe n madat ai sha, shi hpe mara jawm tam yu ga,” ngu nna tsun ma ai.

YEREMIA 5:5

Ngai gaw daru magam n-gun rawng ai amyu masha ni kaw sa nna shanhte hte ga shaga na nngai. Shanhte gaw shanhte a Karai Kasang hpa hpyi ai hpe mung, dai Madu shanhte hpe hpa galaw shangun mayu ai hpe mung kaja wa n chye ma ai. Rai ti mung, shanhte yawng gaw dai Madu a ahkang aya hpe shinggan kau nna shi a ga madat na matu ningdang kau ma ai.

EZEKELA 7:26

Tsin-yam tsindam gaw langai a hpang langai hkan nang nhtawm angwi ngwi sha yan pru wa ai n kaja ai shiga ni mung paw pru wa na ra ai. Myihtoi ni shanhte tau mu chye tawn ai lam ni hpe hpaw shaleng dan na matu nang hpyi lajin na ndai. Hkinjawng ni mung amyu masha ni hpe sharin achyin na lam hpa mung mu na mara ai n rai, salang ni mung hpaji n chye jaw na mara ai.

NAHUM 1:11

Ninewe e, nang kaw nna dai Madu hpe gumlau maw mawn na tara n lang ai hku hpaji daw ai masha langai paw pru nga sai.