Shawlumon gaw ngai hpe ningdang kau nna maigan karai ni rai nga ai Sidon karai num Astarte hpe mung, Moba karai Hkemosha hpe mung, Amon karai Molek hpe mung nawku wu ai majaw, ndai amu hpe ngai galaw na we ai. Shawlumon gaw shi a kawa Dawi galaw ai zawn nye a ga hpe n madat n mara ai hte shut hpyit ai amu galaw nhtawm nye a Tara ni hte hkang da ai ga ni hpe n hkan shatup nga nu ai.
EZEKELA 11:12 - Jinghpaw Common Language Bible 200912 Nanhte gaw nye a hkang da ai ga hte matsun maroi tara ni hpe n madat n mara ai sha, jahten kau nhtawm nanhte a grup yin na masha amyu baw ni a htung tara ni hpe shadik shatup myit dai shaloi, ngai nan dai Madu rai nga nngai hpe nanhte chye lu na rai myit dai. အခန်းကိုကြည့်ပါ။ |
EZEKELA 11:12
35 ပူးပေါင်းရင်းမြစ်များ
dai Madu shi a Karai Kasang n ra sharawng ai amu hpe galaw nhtawm Israela hkawhkam ni a kasi hkan dagraw nang nga wu ai. Shi gaw hpara sumla ni hpe wan nat hkungga nawng jau na matu shi a kasha hpe pyi nawng jau ya wu ai; Israela masha ni rawt lung wa yang, dai Madu gawt shapraw kau ai masha amyu ni a matsat shabat re ai lam hta hkan dagraw nang nga ma ai.
Israela masha ni gaw dai Madu shanhte a Karai Kasang a ga hpe n madat ma ai sha n-ga, shanhte hte tawn da sai ga shaka hpe mung jahten nga ma ai; dai Madu a shangun ma Mawshe a lata hku jaw ya ai tara ni yawng hpe gang kau nna n madat n mara n hkan galaw kau mu ai majaw Samari mare hkrat sum mat nga sai.
Rai ti mung Yuda amyu masha ni dai Madu a ga hpe n madat nga ma ai rai nna shi a amyu masha ni rawt lung wa yang, dai Madu gaw shanhte a mung kaw nna gawt shapraw kau dat ai masha amyu baw ni shut hpyit kau ai yubak ni hta grau kaba ai yubak hpe shut hpyit na matu Manashe gaw shanhte hpe lam woi shadam kau mu ai.
Nanhte gaw dai Madu a hkinjawng ni rai nga ai Arun a amyu matu ni hpe mung, Lewi masha ni hpe mung gau shapraw kau nhtawm, shanhte a shara hta maigan amyu baw ni galaw ai hte maren hkinjawng ni hpe dang da nga myit dai. Kadai mung usu langai shing n rai sagu sanit dun sa nhtawm shi nan sat nawng ya ai wa hpe nanhte a karai mying ai ni a hkinjawng tai lu nga ai.
Anhte a ji wa ni a prat kaw nna dai ni du hkra, na a amyu masha rai nga ai anhte ni yubak kaba galaw shut kau saga ai. Anhte shut kau ai yubak ni a majaw anhte mung, anhte a hkawhkam ni hte hkinjawng ni maigan hkawhkam ni a lata de hkrat mat nna, htau sat ai mung, hpya lu hpya sha ai hte bawng rim ai mung hkrum sha saga ai. Dai ni du hkra pyi, anhte mahkra myi man sum nga ga ai.
Dai Madu gaw shi a amyu masha ni hpe, “Lam numshe hkan e tsap nga nna yu yu mu. Lam dingsa ni hte kaja htum ai lam hpe san mu; shing rai dai lam hta hkawm sa mu, shaloi nang gaw myit masin sim sa ai hte nga lu na rai ndai,” ngu nna tsun ni ai. Rai ti mung, shanhte gaw, “N rai law, anhte n hkan na ga ai!,” ngu nna tsun ma ai.
“Rai ti mung, dai ban na masha ni mung ngai hpe gumlau ninghkap ma ai. Shanhte gaw nye a tara ni hpe jahten kau ma ai hte dai lam ni hpe hkan sa madat mara ai ni kadai hpe mung asak hkrung shangun lu ai nye a hkang da ai matsun maroi ga ni hpe n hkan ma ai. Shanhte gaw dai Bansa Nhtoi hpe awu asin di kau ma ai. Shanhte yawng hpe dai nam mali e jahtum kau na matu nye a sindawng kahtet ai a n-gun hkam sha lu mu ga, ngai shajin da ni ai.
Rai ti mung, Yerusalem gaw nye a hkang da ai ga hpe gumlau nna, kaga masha amyu baw ni hta grau nna n hkru n shawp nga ma ai hte shi a grup yin mungdan ni hta grau nna lale kau nga ai hpe madun dan nga nu ai. Yerusalem gaw nye a hkang da ai ga hpe n hkan hkraw ai hte nye a tara ni hpe shatup na matu ningdang kau nu ai.
Dai rai nna, shi gaw ngai hpe Nawku Htingnu wang kata de matut nna woi sa wa wu ai. Dai chyoi pra ai Nawku Htingnu a chyinghka lam makau na npan hte tawn hkungri lapran e masha hkun manga daram nga nga ma ai. Shanhte gaw chyoi pra ai Nawku Htingnu hpe shingdu dat kau nhtawm, sinpraw maga de gum dagup let, rawt lung wa nga ai ajan hpe nawku nga ma ai.
ကြော်ငြာတွေ