EZEKELA 11:10 - Jinghpaw Common Language Bible 2009

¹⁰ shaloi nanhte gaw nanhte a mungdan kata e byin ai majan hta sat kau hkrum na marin dai. Ngai gaw dai Madu rai nga nngai hpe masha shagu chye lu na ra ai.

Jinghpaw Hanson Version Bible

¹⁰ Nanhte ri nhtu hte kadawng si na myit dai; Israela lamu ga jarit e, ngai nanhte hpe dawdan nna, ngai Yehowa rai nga ai hpe, nanhte chye lu na marin dai.

EZEKELA 11:10 ပူးပေါင်းရင်းမြစ်များ

1 HKAWHKAM 8:65

Shawlumon hte Israela amyu masha ni yawng gaw Nawku Htingnu e sanit ya tup Sum Poi galaw ma ai. Dai yang e dingdung maga Hamat uhkan kaw nna dingda maga Egutu lamu ga jarit du hkra na amyu masha wunawng wuwa ni sa du shajang ma ai.

2 HKAWHKAM 14:25

Dai Madu Israela a Karai Kasang gaw shi a shangun ma, Gat Hehpera kaw na Amati a kasha myihtoi Yona hku nna jaw tawn da ai ga sadi hte maren, Israela ni madu da sai lamu ga rai nga ai dingdung maga Hamat uhkan kaw nna dingda maga Jum Nawng du hkra dam ai lamu ga yawng hpe shi bai gasat dawm la wu ai.

SHAKAWN KUNGDAWN 9:16

Dai Madu gaw shi a ding man ai tara dara lam ni hta shi hkum nan hpe shadan dan nu ai hte; tara n lang ai ni gaw shanhte galaw ai arawn alai hte maren, mahkam hta lu nga ma ai.

YEREMIA 39:6

Shi gaw Ribla mare e Zedekia a shadang sha ni hpe Zedekia yu nga yang, shi a man e sat kau ma ai; Yuda mung na du salang ni hpe mung sat kau ma ai.

YEREMIA 9:24

Marai langai ngai gumrawng mayu ai rai yang, shanhte ngai hpe chye nna, chye na hkawn hkrang ai ni chyu sha gumrawng na mai ang nga ai, hpa majaw nga yang, nye a tsaw ra myit gaw tut nawng agrin nga ai hte ngai galaw ai amu mung teng man ai hte ding man nga ai. Dai amu ni gaw ngai hpe awng sharawng shangun nga ai. Dai Madu ngai nan tsun ni ai,” ngu nna tsun ai.

EZEKELA 13:14

Ngai gaw shanhte namhtun hte chya da ai bunghku hpe agrawp daw kau ai hte adawt sharun kau nna de a npawt nhpang nlung ni hpe chyu sha ngam da na myit tawn nngai. Dai bunghku gaw ru hkrat wa nna nanhte yawng hpe gamyet sat na myit dai. Ngai nan dai Madu rai nga nngai hpe masha shagu chye lu na mara ai.

EZEKELA 13:21

Ngai gaw nanhte a baw magap ai du bat sumpan ni hpe gang je kau ya na nngai, nye a amyu masha ni gaw nanhte e hkyuk da ai hpung dagu kata kaw nna kalang lata lawt lu na mara ai. Dai shaloi, ngai nan dai Madu rai nga nngai hpe nanhte chye lu na rai myit dai.

EZEKELA 13:23

Dai rai nna, ya chyawm gaw nanhte a n teng n man ai shingran ni hte lam woi shadam ai myihtoi htoi ai ga ni gaw lai mat wa sai. Ngai gaw nye a amyu masha ni hpe nanhte madu la mayu ai hpung dagu kata kaw nna hkye mawai da ni ai. Dai re ai majaw ngai nan dai Madu rai nga nngai hpe nanhte chye lu na marin dai.”

EZEKELA 13:9

N teng n man ai myit shingran mu ai myihtoi ni hte lam woi shadam ai myihtoi ga tsun ai myihtoi nanhte hpe ngai ari jaw na nngai. Nye a amyu masha ni daw dan ai lam galaw na matu shinggyin wa ai shaloi, nanhte a amying ni dai Israela amyu jahpan hta lawm lu na ra ai n rai. Nanhte gaw Israela mungdan de galoi mung nhtang wa lu na myit dai n rai. Ngai gaw Tsaw Htum ai Dai Madu rai nga nngai hpe nanhte chye lu na rai myit dai.

EZEKELA 6:7

Amyu masha ni gaw shara shagu hkan sat kau hkrum na mara ai, ngai nan dai Madu rai nga nngai hpe naw ngam nga ai ni yin la na mara ai.

YAWSHU 13:5

Gebali masha ni a lamu ga; sinpraw maga de nga ai Lebanon lamu ga yawng, Hermon Bum a dingda maga nga ai Balagad kaw na Hamat uhkan du hkra naw nga nga ai.