EZEKELA 11:1 - Jinghpaw Common Language Bible 2009

¹ Karai Kasang a wenyi gaw ngai hpe pawn la nna, Nawku Htingnu a sinpraw chyinghka de ngai hpe woi wa nga ai. Shaloi dai chyinghka lam a makau e marai hkun manga nga nga ai hpe ngai mu nngai; shanhte hta amyu baw a ningbaw rai nga ai Azura a kasha Yazania hte Benaia a kasha Pelatia yan mung lawm nga ma ai hpe ngai mu nngai.

Jinghpaw Hanson Version Bible

¹ Dai hpang wenyi gaw ngai hpe pawn let, sinpraw maga de man yawng ai, Yehowa nta sinpraw chyinghka lam de ngai hpe woi wa nngai: shaloi, yu u, dai chyinghka lam e marai hkun manga rai nga nna, shanhte hta Azura kasha Yazania hte Benaia kasha Pelatia lawm nga ma ai: shan gaw mung du rai nga ma ai.

EZEKELA 11:1 ပူးပေါင်းရင်းမြစ်များ

1 HKAWHKAM 18:12

Ngai pru mat wa ai shaloi jang, dai Madu a wenyi gaw n chye ai shara nkau mi de nang hpe woi mat wa na ra ai n rai ni? Dai hpang nang ndai yang e nga nga ai ngu nna Ahab hpe ngai tsun jang, shi nang hpe n mu tam ai shaloi ngai hpe sat kau na ra ai. Ngai chyawm gaw ma aten kaw nna dai Madu hpe kam sham nawku ai wa rai nga nngai hpe dum u law.

2 HKAWHKAM 2:16

“Nang e n-gun ja ai masha yawng anhte hta manga shi rai nga ga ai. Na a madu hpe sa tam saga. Dai Madu a wenyi gaw shi hpe shapoi mat wa nna bum ntsa hkan e mung, kadit shara nkau mi hkan e mung shi hpe tawn kau da mai nga ai,” ngu nna tsun ma ai. Elisha gaw, “N rai law, nanhte sa lu na myit dai n rai,” ngu nna htan wu ai.

2 HKAWHKAM 25:23

Yuda du salang ni hte asum garai n jaw ai hpyenla ni gaw dai shiga hpe na ai shaloi, shanhte gaw Mizpa mare e nga ai Gedalia hpang de sa zup ma ai. Dai du salang ni gaw Nehtania a kasha Ishmaela, Karea a kasha Yohanan, Netohpa mare na Tanhumet a kasha Seraia hte Mahka mare na Yezania hte rai ma ai.

ESAIA 1:10

Yerusalem e, na a mung du ni hte na a amyu masha ni gaw Sodom hte Gomora masha ni zawn rai ma ai. Dai Madu nang hpe tsun nga ai ga madat u. Anhte a Karai Kasang nang hpe sharin ya nga ai lam hpe madat mara nga u.

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

EZEKELA 10:19

Ngai shanhte hpe azi yu nga yang, shanhte gaw shanhte a singkaw ni hpyan nhtawm ginding aga kaw nna pyen lung mat wa ai hte shanhte hte rau leng dingsen ni hkan nang nga ai. Shanhte gaw Nawku Htingnu a sinpraw maga na chyinghka e hkring nga ai hte dai htoi kabrim ai hpung shingkang gaw shanhte a ntsa e dan hkung nga ai.

EZEKELA 10:22

Shanhte a myi man ni gaw Hkebara hka kau e ngai mu yu sai myi man ni zawn raw sha bung nga ai. Dai dusat shagu gaw shanhte a man ang ai de hkawm sa nga ma ai.

EZEKELA 11:13

Ngai myihtoi htoi nga yang pyi, Pelatia gaw du krung shakya kau ai hte si mat sai. Ngai gaw nye a myi man hpe ga de gum dagup let, “Tsaw Htum ai Madu e, nang gaw Israela mung hta naw ngam nga ai masha shagu hte hpe sat kau na ngu wu ni?,” ngu nna jahtau tsun nngai.

EZEKELA 11:24

Karai Kasang a wenyi gaw shi a shingran hta ngai hpe pawn la nna Babelon mung na bawng dung ai ni hpang de ngai hpe bai woi nhtang wa ni ai. Dai hpang shingran hkoi mat wa nna,

EZEKELA 22:27

Asuya mung du ni mung ashan ni gyam sat nna ashep ashin di gang amya sha ai chyahkyawn ni hte bung nga ma ai. Shanhte gaw sut su wa na matu masha sat ai amu hte shut hpyit nga ma ai.

EZEKELA 3:12

Dai hpang, Karai Kasang a wenyi gaw ngai hpe pawn mat wa nna, nye a shingdu e, “Sumsing lamu lahta tang hta dai Madu a hpung shingkang hpe shakawn mu!,” nga nna ja ja wu kade ai hte tsun ai nsen hpe ngai na nngai.

EZEKELA 3:14

Dai Madu a daru magam n-gun gaw nye a ntsa e n-gun kaba hte du yu wa nna, shi a wenyi gaw ngai hpe shapoi mat wa wu ai, shing rai ngai gaw ja ja myit ru ai hte masin kahtet nga nngai.

EZEKELA 37:1

Dai Madu a hpung shingkang gaw ngai hta nga ai rai nna, shi a wenyi gaw ngai hpe woi lakawn mat wa nna, nrut nra ni hte hpring ai kadit shara hta tawn da wu ai.

EZEKELA 40:6

Dai hpang, sinpraw maga de myi man yawng ai chyinghka de shi sa du nga ai. Shi gaw ntsa de lahkam lung wa nhtawm ntsa htap na shang wa chyinghka lam hpe shadawn nga ai; dai gaw pe 10 sung nga ai.

EZEKELA 41:1

Dai hpang, masha wa gaw Chyoi Pra ai Shara ngu ai ka-ang na gawk nu de ngai hpe woi sa wu ai. Shi gaw dai de hkrang ai makau lam hpe shadawn wu yang, dai gaw pe 10 sung nga ai,

EZEKELA 8:16

Dai rai nna, shi gaw ngai hpe Nawku Htingnu wang kata de matut nna woi sa wa wu ai. Dai chyoi pra ai Nawku Htingnu a chyinghka lam makau na npan hte tawn hkungri lapran e masha hkun manga daram nga nga ma ai. Shanhte gaw chyoi pra ai Nawku Htingnu hpe shingdu dat kau nhtawm, sinpraw maga de gum dagup let, rawt lung wa nga ai ajan hpe nawku nga ma ai.

EZEKELA 8:3

Shi gaw lata hkrang zawn re ai hpe ladawn dat ai hte nye a kara hpe magra jum da wu ai. Shaloi ndai shingran hta, Karai Kasang a wenyi gaw ngai hpe ntsa de pawn shalun la nhtawm Yerusalem de woi sa nga ai. Shi gaw ngai hpe Nawku Htingnu a dingdung chyinghka a kata shang wa lam de woi sa nga ai; dai shara gaw Karai Kasang hpe nchyi nmu byin shangun ai nsu nnawn hpara sumla langai mi hpe shadun da ai shara mung rai nga ai.

HOSEA 5:10

Dai Madu gaw, “Yuda ningbaw ni gaw Israela hpe shang gasat nna shi kaw na lamu ga lagu ye la nga ma ai majaw ngai masin pawt nga nngai. Dai rai nna ngai gaw shanhte a ntsa e hka mawru zawn ari jahkrat bun na nngai.

KASA 8:39

Shan hka na lung wa ma yang dai Madu a Wenyi Hpilip hpe woi mat wa wu ai. Du wa mung Hpilip hpe bai n mu nu ai rai tim shi sa wa ai lam de kabu gara let wa mat nu ai.

SHINGRAN 1:10

Dai Madu a nhtoi hta e Wenyi hta ngai nawng mat wa ai rai nna, ngai gaw pahtau nsen hte bung ai nsen kaba langai mi nye a shingdu maga de nna shaga ai hpe na lu nngai.