EZEKELA 10:6 - Jinghpaw Common Language Bible 2009

⁶ Dai Madu gaw lachyit nba lawai nga ai wa hpe leng dingsen ni a lapran hkrung kanu ni a npu na wan sa la na matu hkang dat wu ai shaloi, dai wa gaw shang nna dingsen langai a makau e tsap nga ai.

Jinghpaw Hanson Version Bible

⁶ Ya shi gaw, “Chyai kri nga ai leng dingsen ni hte Hkerubim lapran na wan sa la su,” nga nna sumpan lawai ai wa hpe tsun yang, dai wa gaw shang nna, leng dingsen makau e tsap nga ai.

EZEKELA 10:6 ပူးပေါင်းရင်းမြစ်များ

SHAKAWN KUNGDAWN 80:1

Israela amyu masha ni a Sagu Rem Wa e, anhte hpe madat ya mi; sagu hpung ni a ningbaw wa e, anhte hpe na ya mi. Singkaw tu ai hkrung kanu ni a ntsa na, na a tingnyang hta dung nga ai wa e,

SHAKAWN KUNGDAWN 99:1

Dai Madu gaw Hkawhkam rai nga ai, amyu masha ni hkrit gari nga ma ai. Shi gaw singkaw tu ai hkrung kanu ni a ntsa na, shi a tingnyang ntsa e dung nga ai, ginding aga gaw ashun awam nga ai.

EZEKELA 10:2

Karai Kasang gaw lachyit nba lawai da ai wa hpe, “Leng dingsen ni a lapran na hkrung kanu ni a npu de sa shang nna grung ai wan n-ga ni hpe na a lata hte magawn la nhtawm dai hpe mare ntsa de gat dat u,” ngu nna tsun wu ai. Ngai gaw shi shang sa wa ai hpe azi yu nga nngai.

EZEKELA 10:5

Dai hkrung kanu ni a singkaw kahprap wu ngoi ai nsen gaw shinggan wang de du hkra pyi na lu nga ai. De a wu kadu ai nsen gaw Chyahtum Chyalai N-gun Rawng ai Karai Kasang a nsen zawn rai nga ai.

EZEKELA 10:7

Hkrung kanu langai wa mi gaw shanhte a lapran, wan nga ai shara de shi a lata ladawn nhtawm wan n-ga nkau mi hta la nna, dai ni hpe lachyit nba lawai ai wa a lata hta bang ya wu ai. Shi mung dai wan n-ga ni hpe hkap la nna pru mat wa wu ai.

Daniela 7:9

Ngai mada yu nga yang, tingnyang ni hpe shara hte shara tawn da nga ai. Htani htana ahkrung nga ai wa chyawm gaw tingnyang langai a ntsa e dung nga ai. Shi a hpun palawng ni gaw hkyen zawn hpraw nna kara gaw jet ai sagu mun hte bung nga ai. Shi a tingnyang gaw wan grung nga ai dingsen ni a ntsa e shadun da nna,