EZEKELA 10:5 - Jinghpaw Common Language Bible 2009

⁵ Dai hkrung kanu ni a singkaw kahprap wu ngoi ai nsen gaw shinggan wang de du hkra pyi na lu nga ai. De a wu kadu ai nsen gaw Chyahtum Chyalai N-gun Rawng ai Karai Kasang a nsen zawn rai nga ai.

Jinghpaw Hanson Version Bible

⁵ N-gun Chyalai rawng ai Karai Wa, ga tsun ai nsen zawn, dai Hkerubim a singkaw wu ngoi ai gaw, shinggan wang du hkra na lu nga ai.

EZEKELA 10:5 ပူးပေါင်းရင်းမြစ်များ

1 HKAWHKAM 7:9

Ndai nta ni hte hkik hkam ai wang ni yawng hpe npawt nhpang kaw nna bwimung du hkra tawk shatsawm da ai nlung ni hte galaw da nga ai. Dai nlung ni hpe lahkawng maga zingret hte shadawn ret da ai nlung, nhkun hta shadawn nna tawk shatsawm da ai nlung ni hpe atsawm sha hkyen shatsawm da nga ai.

2 HKAWHKAM LABAU 4:9

Shanhte gaw hkinjawng ni a matu kata wang langai hte shinggan wang hpe mung galaw ma ai. Wang chyinghka ni hte wang lapran na chyinghka ni hpe magri mang hte sup da nga ma ai.

YOBA 40:9

Nang gaw ngai zawn n-gun atsam rawng nga n ni? Na a nsen gaw mu ngoi ai nye a nsen zawn ja nga a ni?

SHAKAWN KUNGDAWN 77:17

Sumwi ni marang htu jahkrat ya nna, lamu kaw na mu ngoi agung nga ai hte mungkan shara shagu de myi hprap gala nga ai.

PRU MAT 19:16

Ya, masum ya ngu na jahpawt hta mu ngoi ai, myi hprap gala ai hte htat ai sumwi ni gaw bum ntsa e dan pru wa nga ai rai nna, dai kaw nsen ja ja hte ngoi garu ai pahtau nsen mung ngoi nga ai. Dap ni hta nga ai amyu masha ni yawng mung hkrit gari nga ma ai.

PRU MAT 19:19

Dai pahtau nsen gaw grau grau ngoi kaba wa ai rai nna, Mawshe tsun ai ga hpe Karai Kasang gaw mu ngoi ai hte shi hpe htan ya nga wu ai.

ESAIA 6:8

Dai hpang Madu gaw, “Ngai kadai hpe shangun dat na i? Kadai wa anhte a shiga htawn ai wa tai na kun?,” ngu nna tsun ai ga hpe ngai na nngai. Ngai mahtang, “Ngai sa na nngai! Ngai hpe shangun dat e!,” ngu nna htan we ai.

EZEKELA 1:24

Shanhte pyen hkawm wa ai shaloi, dai singkaw a ngoi wu ai nsen gaw panglai hka wu kadu ai nsen zawn mung, hpyen luksuk kaba jahtau garu ai nsen zawn mung, Chyahtum Chyalai N-gun Rawng Ai Karai Kasang a nsen zawn nga nna wu kadu ai nsen hpe ngai na nngai; shanhte gaw pyen ai kaw na hkring ai shaloi, shanhte a singkaw ni hpe gumba bang da nga ma ai.

EZEKELA 10:6

Dai Madu gaw lachyit nba lawai nga ai wa hpe leng dingsen ni a lapran hkrung kanu ni a npu na wan sa la na matu hkang dat wu ai shaloi, dai wa gaw shang nna dingsen langai a makau e tsap nga ai.

EZEKELA 40:17

Dai masha wa gaw ngai hpe chyinghka lam hku nna shinggan wang kata de woi jashawn la nga ai. Dai yang e, shinggan shakum hte man hkrum rai gap da ai gawk sumshi nga nga ai;

EZEKELA 46:21

Dai hpang, shi gaw ngai hpe shinggan wang de woi shapraw mat wa nna dai wang a jut mali ngai hpe madun nhtawm, dai jut ni hta wang kaji langai mi nga nga ai. Dai wang kaji gaw galu maga de pe 68 rai nna nda de pe 48 dam nga ai.