EZEKELA 10:4 - Jinghpaw Common Language Bible 2009

⁴ Dai Madu a htoi tu ai hpung shingkang gaw hkrung kanu ni kaw na rawt lung wa nhtawm, Nawku Htingnu a chyinghka lam de sit sa wa nga ai. Dai shaloi, sumwi gaw Nawku Htingnu hpe ka-up da nga ai; wang gaw htoi tu ai hpung shingkang hte dan hkung nga ai.

Jinghpaw Hanson Version Bible

⁴ Shaloi Yehowa a hpung shingkang gaw, dai Hkerub ntsa na, Nta a chyinghka hkinbawng de sit lung wa ai: dai Nta gaw, sumwi hte hpring nna, dai wang gaw, Yehowa a tu kabrim ai hpung shingkang hte dan hkung nga ai.

EZEKELA 10:4 ပူးပေါင်းရင်းမြစ်များ

PRU MAT 40:34

Dai hpang, sumwi gaw Sum hpe ka-up nna, htoi kabrim ai dai Madu a hpung shingkang mung dai hta hpring nga ai.

PRU MAT 40:35

Ndai amu a majaw, Mawshe gaw dai Sum kata de n shang lu wu ai.

ESAIA 6:1

Hkawhkam Uzia si mat ai shaning hta, ngai gaw Madu hpe mu nngai. Shi gaw tsaw ai shi a tingnyang hta dung nga ai hte shagrau shatsaw hkrum nga ai, shi a palawng galu gaw Nawku Htingnu ting hpring nga ai.

EZEKELA 1:28

dai yawng a ntsa e htoi tu ai nsam gaw n-goi latum a nsam ni rai nga ai. Dai gaw dai Madu a hpung shingkang dan hkung ai nsam hpe shapraw dan ai shi a htoi kabrim ai shara rai nga ai. Dai lam hpe ngai mu ai shaloi, ngai gaw ga ntsa e myi man dagup da nngai. Dai hpang nsen langai hpe ngai na nngai. Dai lam hpe ngai mu ai shaloi, ngai gaw ga ntsa e myi man dagup da nngai. Dai hpang ngai gaw nsen langai na nngai.

EZEKELA 10:18

Dai hpang, dai Madu a htoi tu ai hpung shingkang gaw Nawku Htingnu chyinghka lam kaw nna pru mat wa nhtawm hkrung kanu ni a ntsa e sit sa wa nga ai.

EZEKELA 43:2

dai yang e, Israela a Karai Kasang a htoi tu ai hpung shingkang gaw sinpraw maga de nna pru wa ai hpe ngai mu nngai. Karai Kasang a nsen mung panglai hka wu kadu ai nsen hte bung nna ginding aga gaw kabrim ai nhtoi hte htoi tu nga ai.

EZEKELA 43:5

Dai Madu a wenyi gaw ngai hpe pawn let, kata wang de woi wa yang, yu u, dai Madu a hpung shingkang hte hpring nga ai Nawku Htingnu hpe ngai mu nngai.

EZEKELA 44:4

Dai hpang, dai masha wa gaw Nawku Htingnu ndaw de dingdung chyinghka hku ngai hpe woi sa wa nga ai. Ngai mada yu nga yang, dai Madu a Nawku Htingnu hta htoi tu ai shi a hpung shingkang hte hpring nga ai hpe mu nngai. Ngai hkum nan ga de gum dagup nngai,

EZEKELA 9:3

Dai hpang, Israela a Karai Kasang a htoi tu ai hpung shingkang gaw shanu nga ai singkaw tu ai hkrung kanu ni kaw na rawt lung wa nhtawm Nawku Htingnu a chyinghka lam de sit sa wa ai. Dai Madu gaw lachyit nba lawai ai wa hpe shaga let,

HAGI 2:9

Nawku Htingnu nnan gaw dingsa hta grau hkik hkam na ra ai. Ngai gaw nye a amyu masha ni hpe ngamu ngamai ai hte ngwi pyaw sim sa lam jaw na we ai.” Chyahtum Chyalai N-gun rawng ai dai Madu tsun nu ai.

BU HKAWM 16:19

Dai hpang Kora gaw shawa hpung ting hpe jahpawng da nhtawm Sum chyinghka lam e Mawshe yan Arun hte man chyaw tsap nga ma ai. Shaloi htoi tu ai dai Madu a hpung shingkang gaw dai shawa hpung de akajawng sha dan hkung wa nhtawm,

SHINGRAN 15:8

Dai nawku htingnu gaw Karai Kasang a hpung shingkang hte shi a atsam majaw wan hkut hpring ing nna, dai lamu kasa sanit la sa ai ana zinli garai n htum htum gaw, dai nawku htingnu kata de kadai mung n shang lu ai.