EZEKELA 10:22 - Jinghpaw Common Language Bible 2009

²² Shanhte a myi man ni gaw Hkebara hka kau e ngai mu yu sai myi man ni zawn raw sha bung nga ai. Dai dusat shagu gaw shanhte a man ang ai de hkawm sa nga ma ai.

Jinghpaw Hanson Version Bible

²² Shanhte a myi man gaw, Hkebara hka kau e ngai mu yu ai myi man hkrang hte bung nga ai; ahpraw nsam mung langai sha rai nga ai; langai hte langai ang ang hkawm wa nga ma ai.

EZEKELA 10:22 ပူးပေါင်းရင်းမြစ်များ

EZEKELA 1:1

Ya sumshi ning ngu na shata mali a manga ya shani e, Babelon mung na Hkebara hka nu makau hta bawng dung ai Yuda masha ni hte Buzi a kasha ngai hkinjawng Ezekela ni nga nga yang, sumsing lamu hpaw malang wa nna Karai Kasang a shingran hpe ngai mu nngai.

EZEKELA 1:10

Dai hkrung nga ai dusat shagu hta kaga ga re ai myi man amyu mali rawng nga ai. Dai ni gaw man maga de masha a myi man, hkra maga de hkanghkyi myi man, pai maga de usu myi man hte shingdu maga de galang myi man ni rai ma ai.

EZEKELA 1:12

Dai dusat shagu gaw man mali de myi man yawng ma ai, shaloi dai hpung gaw shanhte hkawm mayu ai shara de hkum n kayin la ra ai sha hkawm sa lu ma ai.

EZEKELA 1:9

Dusat amyu mali a singkaw lahkawng hkawng hpe hpyan shapraw da ma ai; dai dusat mali ni gaw shanhte a singkaw matu ni shada da hkra nhtawm, man mali bung ai hkrang shapraw ma ai. Shanhte shamu hkawm wa ai shaloi, shanhte a hkum ni hpe n kayin ra ai sha, man ang ang de hkawm wa ma ai.

EZEKELA 10:11

Dai hkrung kanu ni shamu hkawm wa yang, shanhte gaw myi man n kayin la ra ai sha, tinang sa mayu ai man maga de sa lu nga ma ai. Shanhte yawng gaw n kayin la ra ai sha, shanhte sa mayu ai shara de arau hkawm sa lu nga ma ai.

EZEKELA 10:21

Shanhte langai hte langai gaw myi man mali li, singkaw mali li hte singkaw shagu a npu hta masha a lata zawn re ai mung tu nga ai.

EZEKELA 11:1

Karai Kasang a wenyi gaw ngai hpe pawn la nna, Nawku Htingnu a sinpraw chyinghka de ngai hpe woi wa nga ai. Shaloi dai chyinghka lam a makau e marai hkun manga nga nga ai hpe ngai mu nngai; shanhte hta amyu baw a ningbaw rai nga ai Azura a kasha Yazania hte Benaia a kasha Pelatia yan mung lawm nga ma ai hpe ngai mu nngai.

EZEKELA 43:3

Ndai shingran gaw Yerusalem hpe jahten kau na matu Karai Kasang yu sa ai shaloi ngai mu ai shingran hte Hkebara hka kau e ngai mu yu sai zawn rai nga ai. Dai rai nna ngai gaw ga de gum dagup mat nngai.

HOSEA 14:9

Ndai ka da sai laika hpe hpaji rawng nna chye na hkawn hkrang ai ni kadai mung dai hpe chye nna myit masin hta bang da lu mu ga. Dai Madu a lam ni gaw jaw nga ai rai nna, ding hpring ai masha ni dai hta hkan hkawm ma ai; rai ti mung yubak mara lu ai ni chyawm gaw dai ni hpe hpa n nawn nga ma ai majaw ahtu kataw nga ma ai.