EZEKELA 10:2 - Jinghpaw Common Language Bible 2009

² Karai Kasang gaw lachyit nba lawai da ai wa hpe, “Leng dingsen ni a lapran na hkrung kanu ni a npu de sa shang nna grung ai wan n-ga ni hpe na a lata hte magawn la nhtawm dai hpe mare ntsa de gat dat u,” ngu nna tsun wu ai. Ngai gaw shi shang sa wa ai hpe azi yu nga nngai.

Jinghpaw Hanson Version Bible

² Shaloi shi gaw sumpan lawai ai wa hpe, “Chyai kri nga ai leng dingsen lapran e, dai Hkerub npu de, sa shang u; Hkerubim lapran e nga ai wan n-ga ni hpe, na a lata lahkawng hte magawn la nhtawm, mare ntsa de gat dat u,” nga nna tsun ai hte maren, shi gaw nye a man e shang wa ai.

EZEKELA 10:2 ပူးပေါင်းရင်းမြစ်များ

2 HKAWHKAM 25:9

Shi gaw Yerusalem mare na Nawku Htingnu, hkawhkam htingnu ni hte Yerusalem mare hta nga ai ahkyak ai masha ni a dum nta ni yawng hpe nat kau wu ai.

SHAKAWN KUNGDAWN 140:10

Shanhte a ntsa e, hkyeng kahtet nga ai n hprang wan n ga hkrat bun nga u ga; shanhte nhkun de di hkrat bang nna galoi mung bai n lu pru wa lu mu ga.

SHAKAWN KUNGDAWN 18:10

Shi gaw singkaw tu ai hkrung kanu a ntsa e jawn nna tin tin pyen sa nga ai; nbung a singkaw ntsa hta e, shi pyen hkawm nga ai.

PRU MAT 25:18

Ja hte tawk ai singkaw tu ai hkrung kanu lahkawng mung galaw nna,

ESAIA 30:30

Dai Madu gaw shi a daru magam nsen hpe masha shagu hpe na la shangun nna, shi a masin kahtet ai n-gun hpe hkam sha shangun na ra ai. Dai shara hta wan hkru ai, marang kaba htu ai, sin marang hkrat ai, hte marang hka hpungtun ni hte hpring na ra ai.

EZEKELA 1:13

Dai dusat ni a lapran e agrung nga ai wan shanan zawn re ai arai lama mi tut e shamu hkawm nga ai. Dai wan shanan gaw grung wa nna myihprap wan gala ya nga ai.

EZEKELA 10:16

shamu hkawm wa ai shaloi, leng dingsen ni mung shanhte hte rau hkawm nang nga ma ai. Shanhte a singkaw ni hpe pyen na matu hpyan dat ai aten shagu, leng dingsen ni mung shanhte hte rau hkan nang nga ma ai.

EZEKELA 9:11

Dai hpang, lachyit nba lawai ai wa gaw, “Ngai gaw na a hkang da ai ga ni hpe galaw se ai,” nga nna dai Madu hpang de nhtang wa let tang madun wu ai.

Daniela 7:9

Ngai mada yu nga yang, tingnyang ni hpe shara hte shara tawn da nga ai. Htani htana ahkrung nga ai wa chyawm gaw tingnyang langai a ntsa e dung nga ai. Shi a hpun palawng ni gaw hkyen zawn hpraw nna kara gaw jet ai sagu mun hte bung nga ai. Shi a tingnyang gaw wan grung nga ai dingsen ni a ntsa e shadun da nna,

SHINGRAN 8:5

Dai hpang lamu kasa gaw, dai n-gawt hpe la nna, tawn hkungri kaw na wan bang jahpring la ngut jang, mungkan ga ntsa de dai hpe kabai jahkrat dat wu ai: shaloi mu ngoi ai, wu kadu ai nsen, myi hprap gala ai hte nnang nawn byin pru wa ai.