EZEKELA 10:14 - Jinghpaw Common Language Bible 2009

¹⁴ Dai hkrung kanu shagu hta myi man mali li tu nga ai. Shawng na gaw usu myi man, lahkawng ngu na gaw masha myi man, masum ngu na gaw hkanghkyi myi man hte mali ngu na gaw galang myi man ni rai nga ai.

Jinghpaw Hanson Version Bible

¹⁴ Langai hte langai, myi man mali li tu nga ai; man mi gaw, Hkerub myi man; man mi gaw, masha myi man; man mi gaw hkanghkyi myi man; man mi gaw langda myi man, rai nga ai.

EZEKELA 10:14 ပူးပေါင်းရင်းမြစ်များ

1 HKAWHKAM 7:29

hkanghkyi, usu hte singkaw tu ai hkrung kanu sumla ni hpe ka da nga ai. Hkawp da ai hpunpyen kaji ni a lawu lahta mahkra hta hkanghkyi hte usu sumla ni hpe mung ka da nga ai; manai ai shanghkawng sumla ni hpe tawk shakap da nga ai.

1 HKAWHKAM 7:36

Dai lagaw ni hte hpunpyen pa ni hta singkaw tu ai hkrung kanu ni, hkanghkyi ni hte namhtan hpun sumla ni hpe shang ai daram mawn sumli da nga ai; dai hta manai ai shanghkawng sumla ni hte grup hkra ka da nga ai.

EZEKELA 10:13

Ndai leng dingsen ni gaw, “Chyai nga ai leng dingsen ni,” nga nna tsun ai nsen hpe ngai na nngai.

EZEKELA 10:21

Shanhte langai hte langai gaw myi man mali li, singkaw mali li hte singkaw shagu a npu hta masha a lata zawn re ai mung tu nga ai.

EZEKELA 41:19

Namhtan hpun a maga mi de masha myi man, maga mi de hkanghkyi myi man yawng nga ai. Dai gaw nta shakum yawng grup hkra hte

SHINGRAN 4:7

Langai ngu na dusat amyu gaw, hkanghkyi hte bung nga ai; lahkawng ngu na dusat amyu gaw, dumsu usu hte bung nga ai; masum ngu na dusat amyu gaw, shinggyim masha a myiman hte bung nga ai; mali ngu na dusat amyu gaw, pyen nga ai langda hte bung nga ai.