EZEKELA 1:9 - Jinghpaw Common Language Bible 2009

⁹ Dusat amyu mali a singkaw lahkawng hkawng hpe hpyan shapraw da ma ai; dai dusat mali ni gaw shanhte a singkaw matu ni shada da hkra nhtawm, man mali bung ai hkrang shapraw ma ai. Shanhte shamu hkawm wa ai shaloi, shanhte a hkum ni hpe n kayin ra ai sha, man ang ang de hkawm wa ma ai.

Jinghpaw Hanson Version Bible

⁹ singkaw ni shada matut ma ai; hkawm wa yang shanhte kayin ra ai, n rai; langai hte langai myi man ang ang hkawm wa ma ai.

EZEKELA 1:9 ပူးပေါင်းရင်းမြစ်များ

EZEKELA 1:17

shaloi, dai leng dingsen ni gaw kaning re ai man mali de mung hkawm lu nga ai.

EZEKELA 10:11

Dai hkrung kanu ni shamu hkawm wa yang, shanhte gaw myi man n kayin la ra ai sha, tinang sa mayu ai man maga de sa lu nga ma ai. Shanhte yawng gaw n kayin la ra ai sha, shanhte sa mayu ai shara de arau hkawm sa lu nga ma ai.

EZEKELA 10:22

Shanhte a myi man ni gaw Hkebara hka kau e ngai mu yu sai myi man ni zawn raw sha bung nga ai. Dai dusat shagu gaw shanhte a man ang ai de hkawm sa nga ma ai.

LUKA 9:51

Ya Yesu hpe lamu de shalun la na nhtoi du wa magang yang, Yerusalem mare de sa wa na matu myit daw dan da wu ai.

LUKA 9:62

Yesu gaw, “Na htai jum nna hpang de kayin yu ai wa kadai mung, Karai Kasang a Mungdan hte n ging dan nga ai,” ngu nna shi hpe tsun wu ai.

1 KORINHTU 1:10

Hpu nau ni e, anhte a Madu Yesu Hkristu a mying nsang ahkaw ahkang hte nanhte yawng hpe ngai hpyi nem dat nngai. Nanhte hta myit garan nna daw hka bra wa ai lam n nga na matu nanhte tsun shaga ai mung sumtu hta myit hkrum nga mu. Nanhte gaw myit mang ai lam langai sha, yaw shada ai lam langai sha hte tsep kawp myit hkrum kahkyin gumdin nga mu.