EZEKELA 1:8 - Jinghpaw Common Language Bible 2009

⁸ Dai sha n-ga, shanhte a myi man man mali hte singkaw mali hta jan nna masha lata mali hpra tu nga ma ai, singkaw shagu a npu hta lata langai hpra tu nga ai.

Jinghpaw Hanson Version Bible

⁸ Hkum man mali a singkaw npu e, masha lata tu nga ai; dai dusat mali a myi man hte singkaw ni gaw ning rai nga ai:

EZEKELA 1:8 ပူးပေါင်းရင်းမြစ်များ

ESAIA 6:6

Dai hpang hkrung kanu langai mi gaw lakap hte tawn hkungri ntsa na grung nga ai wan n-ga hpe matep lang let ngai hpang de pyen sa wa ai.

EZEKELA 1:17

shaloi, dai leng dingsen ni gaw kaning re ai man mali de mung hkawm lu nga ai.

EZEKELA 10:11

Dai hkrung kanu ni shamu hkawm wa yang, shanhte gaw myi man n kayin la ra ai sha, tinang sa mayu ai man maga de sa lu nga ma ai. Shanhte yawng gaw n kayin la ra ai sha, shanhte sa mayu ai shara de arau hkawm sa lu nga ma ai.

EZEKELA 10:18

Dai hpang, dai Madu a htoi tu ai hpung shingkang gaw Nawku Htingnu chyinghka lam kaw nna pru mat wa nhtawm hkrung kanu ni a ntsa e sit sa wa nga ai.

EZEKELA 10:2

Karai Kasang gaw lachyit nba lawai da ai wa hpe, “Leng dingsen ni a lapran na hkrung kanu ni a npu de sa shang nna grung ai wan n-ga ni hpe na a lata hte magawn la nhtawm dai hpe mare ntsa de gat dat u,” ngu nna tsun wu ai. Ngai gaw shi shang sa wa ai hpe azi yu nga nngai.

EZEKELA 10:21

Shanhte langai hte langai gaw myi man mali li, singkaw mali li hte singkaw shagu a npu hta masha a lata zawn re ai mung tu nga ai.

EZEKELA 8:3

Shi gaw lata hkrang zawn re ai hpe ladawn dat ai hte nye a kara hpe magra jum da wu ai. Shaloi ndai shingran hta, Karai Kasang a wenyi gaw ngai hpe ntsa de pawn shalun la nhtawm Yerusalem de woi sa nga ai. Shi gaw ngai hpe Nawku Htingnu a dingdung chyinghka a kata shang wa lam de woi sa nga ai; dai shara gaw Karai Kasang hpe nchyi nmu byin shangun ai nsu nnawn hpara sumla langai mi hpe shadun da ai shara mung rai nga ai.