EZEKELA 1:5 - Jinghpaw Common Language Bible 2009

⁵ Dai nbung laru a ka-ang hta shinggyim masha hkrang hte bung ai dusat amyu mali nga nga ai hpe ngai mu nngai,

Jinghpaw Hanson Version Bible

⁵ Dai kata de na, dusat nsan ai mali dawng pru nga ai: dai ni a gawng shing-yan gaw, shinggyim masha a gawng shing-yan hte bung nga ai.

EZEKELA 1:5 ပူးပေါင်းရင်းမြစ်များ

EZEKELA 1:26

Dai lamu madin a ntsa e nila lung seng hte galaw da ai tingnyang zawn re ai lama mi mung naw nga nga ai; dai tingnyang a ntsa e masha zawn san ai wa langai mi dung nga ai.

EZEKELA 10:15

(Shanhte gaw Hkebara hka nu e ngai mu yu sai hkrung kanu ni hte maren rai ma ai.) Dai hkrung kanu ni nbung hta rawt lung wa nna

EZEKELA 10:17

Dai hkrung kanu ni hkring ai shaloi, leng dingsen ni mung hkring nga ma ai; shanhte pyen lung wa ai shaloi leng dingsen ni mung shanhte hte rau hkan lung nga ma ai, hpa majaw nga yang, hkrung kanu ni gaw shanhte hpe up hkang da nga ai.

EZEKELA 10:20

Dai ni gaw Hkebara hka kau na Israela a Karai Kasang a npu e ngai mu yu sai hkrung kanu ni hte maren sha rai nga ai hpe matsing lu nngai.

SHINGRAN 6:6

Dai dusat amyu mali a ka-ang kaw nna ngoi pru ai ngu nna sawn la lu ai nsen langai mi hpe ngai na nngai. Dai nsen gaw, “Hkaulan n-gu bye mi hpe lani mi bungli galaw shabrai hku jaw ra ai; muk-yaw n-gu bye masum hpe lani mi a bungli galaw shabrai hku jaw ra ai; rai ti mung dai tsanlun hpun ni hte sabyi sun ni hpe chyawm gaw hkum jahten kau myit!,” nga nna tsun ai.