EZEKELA 1:4 - Jinghpaw Common Language Bible 2009

⁴ Ngai sharawt mada yu ai shaloi, dingdung maga de na bung sa wa ai nbung laru hpe mu nngai. Htat ai sumwi kata kaw na gala ai myihprap wan gaw gala nga nna sumsing lamu grup grup hkan htoi gala ai hte myihprap wan gala ai shara mi hta magri mang zawn htoi tu kabrim ai arai lama mi mung nga nga ai.

Jinghpaw Hanson Version Bible

⁴ Ya ngai mada yu yang, yu u, ja ai nbung, sumwi kaba hte grup yin htoi gala ai wan dingsen, dingdung maga de na dawng pru nga ai: de a ka-ang na wan kata de na kung byawng abya htoi tu nga ai.

EZEKELA 1:4 ပူးပေါင်းရင်းမြစ်များ

1 HKAWHKAM 19:11

Dai Madu gaw shi hpe, “Pru sa nhtawm bum pungding ntsa nye a man e tsap nga u,” ngu nna tsun wu ai. Dai Madu lai wa nna kawng ni hpe ga ayai kau ai hte, lunghkrung ni hpe agrawp kau shangun ai nbung bungga hpe dat dat wu ti mung, dai Madu gaw nbung hta lawm nga ai n rai. Dai nbung sim mat ai hpang nnang nawn nawn wa ti mung dai Madu gaw nnang nawn nawn ai hta lawm nga ai n rai.

2 HKAWHKAM 2:11

Shan lahkawng tsun chyai let naw hkawm nga ma yang, wan gumra ni garawt ai wan leng gaw shan a lapran e akajawng sha pru wa nhtawm Elia gaw bungsha hte sumsing lamu de lung mat wa wu ai.

YOBA 38:1

Dai hpang dai Madu gaw Yoba hpe nbung laru kaw nna ga shaga wu ai.

SHAKAWN KUNGDAWN 50:3

Anhte a Karai Kasang sa wa nga ai rai tim, atsin sha du sa nga ai n rai; shi a man e wan shinglet ni hkru nga nna shi a makau mayang hkan e, laru kaba ru nga ai.

PRU MAT 9:24

Dai Madu gaw htat la ai sin marang hte rau mungkan ting de gashoi shangun lu ai myihprap wan hpe shangun dat wu ai rai nna dai gaw Egutu mung a labau hta galoi mung garai n hkrat yu ai hte nachying ja la ai laru rai nga ai.

ESAIA 19:1

Ndai gaw Egutu mung hte seng ai mungga rai nga ai. Dai Madu gaw sumwi ntsa e jawn nna Egutu mung de tin tin sa wa nga ai. Egutu hpara sumla ni shi a man e gari ashun nna Egutu masha ni nden marai sum mat ma ai.

ESAIA 21:1

Ndai gaw Babelon mung hte seng ai mungga rai nga ai. Zaibru jang hpe lai di nna bung wa ai bung hpoi zawn, tsin-yam tsindam gaw hkrit na zawn re ai mung kaw nna sa wa na ra ai.

YEREMIA 23:19

Shi a pawt sindawng ai gaw nbung laru rai nga nna dai sindawng kahtet ai bungsha gaw n hkru ai wa a baw ntsa e ahpawt na ra ai,

YEREMIA 25:32

Chyahtum Chyalai N-gun Rawng ai dai Madu gaw amyu mi a hpang amyu mi a ntsa e tsin-yam tsindam du nga ai mung, ginding aga a jahtum maga de nna laru kaba mung majaw lung wa na ra ai nga nna mung tsun ai.

YEREMIA 25:9

‘Ngai gaw dingdung maga de na amyu masha ni yawng hte hpe nye a shangun ma Babelon Hkawhkam Nebuhkadneza a matu shangun dat ya na nngai. Ngai gaw Yuda mung hte de a mung masha ni mahkra hte grup yin e nga ai amyu baw ni mahkra hpe mung, gasat kau na matu shanhte hpe woi sa wa na nngai. Shing rai ngai gaw ndai amyu masha ni hte makau grup yin na amyu baw ni hpe lung gasat kau ai hte dai shara ni gaw prat dingsa katsi katsang shara, hkrit hpa hte yu kajawng mat na zawn re ai shara shatai kau na nngai. Dai Madu ngai nan tsun ni ai.

YEREMIA 4:6

Ziun de hkrang ai lam madun dat mu! Shim lum lam a matu kagat mu! Hkum kanung nga myit! Dai Madu gaw tsin-yam tsindam hte hten byak lam kaba hpe dingdung maga kaw nna woi sa wa nga ai.

YEREMIA 6:1

Benyamin amyu masha ni e, Shim lum lam a matu kagat mu! Yerusalem kaw na lawt hkra hprawng mu! Tekoa mare hta pahtau dum mu, Bet Hahkerem e kumla madun ai wan madun ai shara galaw mu. Tsin-yam tsindam hte jahten shabyak ai gaw dingdung maga de nna du sa wa hkyen nga ai.

EZEKELA 1:27

Dai wan shinglet a ka-ang e, magri mang zawn htoi kabrim ai hkrang nga nga ai rai nna, dai gaw htoi kabrim ai nhtoi hte yawng a ntsa e htoi tu nga ai;

EZEKELA 13:11

Shanhte a bunghku gaw daw agrawp mat na ra ai nga nna myihtoi ni hpe tsun mu. Ngai gaw marang htu jahkrat dat na nngai. Sin kaba ni mung de a ntsa e hkrat bun na ra ai, shing rai n-gun ja ai laru gaw dai hpe agrawp kau na mara ai.

EZEKELA 13:13

Ya chyawm gaw Tsaw Htum ai dai Madu ning nga nna tsun ai: “Nye a sindawng kahtet ai hta ndai bunghku hpe jahten sharun kau na matu ja la ai nbung laru, marang hte sin kaba ni hpe shangun dat na nngai.

EZEKELA 43:3

Ndai shingran gaw Yerusalem hpe jahten kau na matu Karai Kasang yu sa ai shaloi ngai mu ai shingran hte Hkebara hka kau e ngai mu yu sai zawn rai nga ai. Dai rai nna ngai gaw ga de gum dagup mat nngai.

EZEKELA 8:2

Ngai sharawt mada yu ai shaloi, wan nsan ai shinggyim hkum hkrang a shingran hpe ngai mu nngai. Nshang kaw na lawu daw de wan nsan ai zawn rai nga nna, nshang a lahta daw de arut shatsawm tawn ai magri mang zawn tu kabrim nga ai.

ZEHKARIA 6:6

Gumra chyang ni dun ai leng gaw dingdung maga Babelon mung de sa wa ma ai; gumra hpraw ni sinna maga de, ateng apang re ai gumra ni gaw mungdan a dingda maga de sa wa shajang ma ai.

HEBRE 12:29

Hpa majaw nga yang, anhte a Karai Kasang gaw hkru jahten kau chye ai wan nan rai nga ai.

SHINGRAN 1:15

Shi a lagaw yan mung wan hta jen kau sai magri kabrim tsawm ai zawn san nga ai; shi a nsen gaw wu kadu ai hka rum zawn wu ngoi nga ai.