EZEKELA 1:26 - Jinghpaw Common Language Bible 2009

²⁶ Dai lamu madin a ntsa e nila lung seng hte galaw da ai tingnyang zawn re ai lama mi mung naw nga nga ai; dai tingnyang a ntsa e masha zawn san ai wa langai mi dung nga ai.

Jinghpaw Hanson Version Bible

²⁶ Bai shanhte a baw lahta tsang, lamu madin ntsa e, nila lungseng nsan ai tingnyang hkrang dawng pru nga ai: dai tingnyang hkrang ntsa e mung, masha hkrang nsan ai wa langai mi dawng pru nga ai.

EZEKELA 1:26 ပူးပေါင်းရင်းမြစ်များ

1 HKAWHKAM 22:19

Mihkaia gaw ning ngu nna matut tsun wu ai: “Dai Madu hpa tsun ai ga hpe ya madat u! Dai Madu gaw sumsing lamu na shi a tingnyang hta dung nga nna, shi a lamu kasa ni yawng mung shi a makau e tsap nga ma ai hpe ngai mu nngai.

SHAKAWN KUNGDAWN 45:6

Karai Kasang nang hpe jaw ya nit dai mungdan gaw htani htana prat dingsa agrin nga na ra ai. Nang gaw na a amyu masha ni hpe teng man ai tara hte up hkang na ra ai rai nna,

PRU MAT 24:10

shanhte gaw Israela a Karai Kasang hpe mu ma ai. Shi a lagaw npu e sawm tsit ai lamu nsam zawn pru ai sahpira lung seng hte nep da nga ai.

ESAIA 54:11

Dai Madu gaw, “Nang gaw nni nkri hte matsan mayan hkrum ai mare, nang hpe shalan shabran na kadai n nga ai Yerusalem e, Ngai gaw na a npawt nhpang ni hpe hpu reng ai nlung ni hte bai gaw gap da na nngai.

ESAIA 6:1

Hkawhkam Uzia si mat ai shaning hta, ngai gaw Madu hpe mu nngai. Shi gaw tsaw ai shi a tingnyang hta dung nga ai hte shagrau shatsaw hkrum nga ai, shi a palawng galu gaw Nawku Htingnu ting hpring nga ai.

EZEKELA 1:22

Dai dusat ni a baw ntsa e pat zawn kabrim gala nga ai lamu madin lama mi nga nga ai.

EZEKELA 1:5

Dai nbung laru a ka-ang hta shinggyim masha hkrang hte bung ai dusat amyu mali nga nga ai hpe ngai mu nngai,

EZEKELA 10:1

Ngai gaw hkrung kanu ni a baw ntsa na din ai lamu madin hte nila lung seng hte gaw da ai hkawhkam tingnyang zawn san ai shara lama mi hpe mada yu nngai.

EZEKELA 43:6

Dai yang e, masha langai mi nye a makau e tsap nga ai hte dai Madu ngai hpe Nawku Htingnu kata kaw na ning nga ga tsun ai hpe ngai na nngai:

EZEKELA 43:7

“Si chye ai masha wa e, ndai gaw nye a tingnyang rai li ai. Ndai yang e, Israela amyu masha ni hte rau ngai shanu nga nna shanhte hpe htani htana up hkang nga na nngai. Israela amyu masha ni hte shanhte a hkawhkam ni gaw karai shaje ni hpe nawku ai hku nna mung, shanhte a hkawhkam ni a si mang ni a makau hkan e mung, nye a chyoi pra ai mying ningsang hpe awu asin bai di lu na mara ai n rai.

EZEKELA 8:2

Ngai sharawt mada yu ai shaloi, wan nsan ai shinggyim hkum hkrang a shingran hpe ngai mu nngai. Nshang kaw na lawu daw de wan nsan ai zawn rai nga nna, nshang a lahta daw de arut shatsawm tawn ai magri mang zawn tu kabrim nga ai.

Daniela 10:18

Shi gaw ngai hpe lang mi bai jum dat yang, n-gun ja wa ai zawn ngai hkam sha nngai.

Daniela 7:14

Shi gaw ahkang aya, shagrau sha-a ai hte hkawhkam a daru magam jaw shagrau hkrum ai wa rai nna, amyu baw ni yawng a masha ni yawng mung, amyu bawsang ni hte ga amyu myu shaga ai ni yawng mung shi hpe daw jau na mara ai. Shi a ahkang aya gaw htani htana agrin nga nna, shi a mungdan htum mat na ra ai n rai.

ZEHKARIA 6:13

Shi gaw dai hpe gaw gap ai wa tai nna hkawhkam arawng aya shagrau hkam la nhtawm shi a amyu masha ni hpe up na ra ai. Hkinjawng langai mung shi a tingnyang makau e nga na ra ai; shan gaw amu bungli hpe rau hkrum ra ai hte jawm galaw ai majaw ngwi pyaw sim sa ai hte ngwi ngawn nga na mara ai,” ngu nna tsun wu ai.

MAHTE 25:13

Dai rai nna Yesu gaw, “Dai nhtoi hpe mung, dai ahkying hpe mung, nanhte n chye myit dai majaw amaja nga mu,” ngu nna tsun hpungdim wu ai.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

HEBRE 1:8

Bai Kasha wa a lam tsun ai shaloi chyawm gaw, Karai Kasang gaw, “Karai Wa e, na mungdan htani htana anga nga na ra ai! Nang gaw na amyu masha ni hpe tara rap ra ai hku up hkang ndai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.

HEBRE 8:1

Ya anhte tsun dan nga ai lam ni a ahkyak ai ga madung gaw: anhte gaw Sumsing Lamu na Daru Magam hte hpring ai tingnyang a hkra maga de dung nga ai Hkinjawng Agyi Kaba lu ga ai.

YAWSHU 5:13

Yawshu gaw Yerihko mare makau e nga nga yang, shi a man e nhtu lang nna tsap nga ai masha langai mi hpe akajawng sha mu dat wu ai. Bai Yawshu gaw shi hpang de sa wa nhtawm, “Nang gaw anhte a hpyenla langai ngai rai nga n ni? Shing n rai gumlau hpyen rai nga n ni?,” ngu nna san wu ai.

1 PETRU 3:22

Yesu Hkristu gaw sumsing lamu de lung mat wa nhtawm, Karai Kasang a hkra maga de anga nga ai rai nna lamu kasa ni yawng hte sumsing lamu na ahkang aya lu ai ni hte, hpung dagu rawng ai ni yawng hpe up hkang nga ai.

SHINGRAN 1:13

dai ni a ka-ang e masha zawn san ai wa langai mi shi a lagaw lahkre du hkra re ai bu hpun palawng bu hpun nna shi a sinda hta ja shingkyit kyit nga ai hpe ngai mu nngai.

SHINGRAN 14:14

Bai, ngai yu dat yang, sumwi ahpraw langai mi hpe ngai mu nngai. Dai sumwi ntsa e masha hte bung ai wa langai mi dung nga ai; shi a baw hta ja janmau gup nna, shi a lata hta dai ai nhkyau langai mi lang da wu ai.

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.

SHINGRAN 3:21

Ngai awng padang lu nna nye Wa a tingnyang makau e shi hte rau dung nga lu ai zawn, awng padang lu ai wa gaw nye a tingnyang makau e ngai hte rau dung nga lu na ahkang ngai jaw na we ai.

SHINGRAN 5:13

Dai hta n ga, lamu lahta tsang hta na mung, ginding aga ntsa hta na mung, mungkan ga a lawu tsang hta na mung, panglai hta na mung, ninggawn tawa ting na hkrung mahkrung yawng hte gaw, “Tingnyang hta dung nga ai wa hte Sagu Kasha gaw, arawng sadang hpung shingkang hte daru magam, anga nga u ga law!,” nga nna shanhte mahkawn mangoi nga ma ai hpe ngai na nngai.