EZEKELA 1:22 - Jinghpaw Common Language Bible 2009

²² Dai dusat ni a baw ntsa e pat zawn kabrim gala nga ai lamu madin lama mi nga nga ai.

Jinghpaw Hanson Version Bible

²² Dai dusat ni a baw ntsa e, hkrit na nsan ai, pat zawn re ai lamu madin din nga ai.

EZEKELA 1:22 ပူးပေါင်းရင်းမြစ်များ

YOBA 37:22

Dingdung maga de aja zawn htoi gala nga ai hpe mu lu nga ai, Karai Kasang a hpung shingkang gaw anhte hta hkrit hpa hte hpring nga ai.

PRU MAT 24:10

shanhte gaw Israela a Karai Kasang hpe mu ma ai. Shi a lagaw npu e sawm tsit ai lamu nsam zawn pru ai sahpira lung seng hte nep da nga ai.

EZEKELA 1:25

Rai ti mung, shanhte a baw ntsa lamu madin a ntsa kaw na wu kadu ai nsen gaw naw ngoi nga ai.

EZEKELA 1:26

Dai lamu madin a ntsa e nila lung seng hte galaw da ai tingnyang zawn re ai lama mi mung naw nga nga ai; dai tingnyang a ntsa e masha zawn san ai wa langai mi dung nga ai.

EZEKELA 10:1

Ngai gaw hkrung kanu ni a baw ntsa na din ai lamu madin hte nila lung seng hte gaw da ai hkawhkam tingnyang zawn san ai shara lama mi hpe mada yu nngai.

EZEKELA 10:20

Dai ni gaw Hkebara hka kau na Israela a Karai Kasang a npu e ngai mu yu sai hkrung kanu ni hte maren sha rai nga ai hpe matsing lu nngai.

SHINGRAN 21:11

Dai mare gaw Karai Kasang a hpung shingkang hte htoi tu nga ai. Dai mare a htoi tu ala ai gaw, pat zawn san tsawm nna, manu dan ai nagahtoi lungseng hte bung nga ai.

SHINGRAN 4:3

Shi a myi man ahpraw nsam gaw, hpu ging ai lung seng ni rai nga ai nagahtoi hte patamya zawn htoi ala nga ai rai nna, dai tingnyang grup yin e gaw, mya lungseng nsan ai n-goila-tum jung nga ai.

SHINGRAN 4:6

Bai dai tingnyang a man e pat seng zawn san hkra san tsawm ai pat nawng langai mi ing nga ai. Dai hta n ga, tingnyang a grup yin gade n de, shingdu aman grup ting myi tu ai dusat amyu mali nga ma ai.