EZEKELA 1:16 - Jinghpaw Common Language Bible 2009

¹⁶ Dai leng dingsen mali hte gaw maren bung nga ai; langai hte langai gaw manu dan nlung zawn htoi tu nga ai, dingsen kata e dingsen chyai ai zawn bang da nga ai,

Jinghpaw Hanson Version Bible

¹⁶ Dai leng dingsen ni ahpraw nsam hte maka ka ai gaw, mek-yoi lungseng hte bung nga ai; dai mali gaw maren rai nga ai: de a hkrang hte shachyaw ai gaw, dingsen kata e dingsen chyai ai zawn rai nga ai.

EZEKELA 1:16 ပူးပေါင်းရင်းမြစ်များ

1 HKAWHKAM 7:33

Dai leng dingsen ni gaw gumra leng dingsen ni hte bung nga ai; de a htinggrang ni, matu hkawp ai ni, htingkan ni hte htingchyai ni yawng gaw magri mang hkrai rai nga ai.

YOBA 9:10

Shi galaw ai amu kaba hpe anhte n dang chye lu ga ai; shi galaw ai mauhpa amu htum ngu n nga nga ai.

SHAKAWN KUNGDAWN 36:6

Na a ding man ai lam gaw bum ni zawn tsaw nga nna, na a teng man ai lam mung hka panglai zawn sung nga ai. Masha hte dusat yam nga ni gaw na a lata hta rai nga ai.

SHAKAWN KUNGDAWN 40:5

Anhte a Madu Karai Kasang e, anhte a matu nang galaw da ya sai amu ni gaw law la nga ai; nang hte bung ai wa kadai mung n nga nga ai! Anhte a matu mauhpa yaw shada lam law law hpe nang galaw da ya nit dai. Dai ni gaw nau law la ai majaw, dai ni yawng a lam hpe ngai dang hti lu ai n rai!

PRU MAT 39:13

hte mali ngu na lam hta myek-yoi, unuk hte nagahtoi ni rai nga ai. Ndai ni hpe ja hkalawk ni hta hkrep da nga ma ai.

Shawlumon A Mahkawn Ga 5:14

Shi a lata ni gaw hkrang tsawm nga ai, shi gaw ja lung seng ni hte hkrep da ai lachyawp ni chyawp da nga ai. Shi a hkum hkrang gaw pri tsawm ai magwi kawng hte bung nga ai; dai hta nila ni hte sup da nga ai.

Daniela 10:6

Shi a hkum gaw lung seng zawn htoi leng nga ai. Shi a myi man mung myihprap wan zawn htoi gala nga nna shi a myi ni wan zawn grung nga ai. Shi a lahpum hte lagaw ni gaw kabrim ai magri zawn htoi leng ai hte shi a nsen mung shawa wunawng wuwa a shabam ai nsen hte bung nga ai.

Daniela 7:9

Ngai mada yu nga yang, tingnyang ni hpe shara hte shara tawn da nga ai. Htani htana ahkrung nga ai wa chyawm gaw tingnyang langai a ntsa e dung nga ai. Shi a hpun palawng ni gaw hkyen zawn hpraw nna kara gaw jet ai sagu mun hte bung nga ai. Shi a tingnyang gaw wan grung nga ai dingsen ni a ntsa e shadun da nna,

ROMA 11:33

Karai Kasang a chyeju gaw gade wa n taw n tsang law htam nga a hka! Karai Kasang a hpaji byeng-ya hte chye chyang ai lam gaw gade wa sung nga a hka! Shi a daw dan hparan ai lam ni hpe kadai wa sanglang htai dan lu a ta? Shi a lam ni hpe kadai wa chye na lu na a ta?

EHPESU 3:10

Shing rai galaw ai lam gaw lamu kasa hte seng ai up hkang ai ni hte sumsing mungdan kata na n- gun atsam ni gaw Madu a hpaji byeng-ya amyu myu hpe ya aten hta nawku hpung marang e sharin chye la shangun na matu rai nga ai.