EZEKELA 1:15 - Jinghpaw Common Language Bible 2009

¹⁵ Ngai gaw dai dusat mali hpe mada yu nga yang, shanhte langai hte langai hta maga mi de langai ngai rawng nna ga de hkra nga ai leng dingsen mali hpe ngai mu nngai.

Jinghpaw Hanson Version Bible

¹⁵ Ya dai dusat ni hpe ngai mada yu yang, yu u, langai hte langai a myi man mali ang ang, ga ntsa e mara ai leng dingsen ngai mu nngai.

EZEKELA 1:15 ပူးပေါင်းရင်းမြစ်များ

1 HKAWHKAM 7:30

Leng shagu hta magri mang leng dingsen mali hte magri mang htinggrang ni rawng nga ai. Jut mali hta angdung langai hpe madi da ai magri mang lagaw rawng nga ai; dai madi da ai magri mang lagaw mali hpe manai ai shanghkawng sumla ni hte mawn da nga ai.

EZEKELA 1:6

rai ti mung, shanhte langai hte langai hta myi man mali li, singkaw mali li tu nga ai.

EZEKELA 10:2

Karai Kasang gaw lachyit nba lawai da ai wa hpe, “Leng dingsen ni a lapran na hkrung kanu ni a npu de sa shang nna grung ai wan n-ga ni hpe na a lata hte magawn la nhtawm dai hpe mare ntsa de gat dat u,” ngu nna tsun wu ai. Ngai gaw shi shang sa wa ai hpe azi yu nga nngai.

EZEKELA 10:9

Ngai gaw hkrung kanu shagu a makau e yawng maren bung ai leng dingsen mali nga nna dai leng dingsen langai gaw hkrung kanu shagu a makau e nga nga ai hpe mu nngai. Dai leng dingsen ni gaw manu dan ai nlung ni zawn htoi tu ai hte, dingsen kata shagu hta kaga dingsen langai chyai nga ai.

EZEKELA 3:13

Ngai gaw nbung kata e dusat ni a singkaw ni rau sha kayat ahpat ai nsen hte, leng dingsen ni a ngoi garu ai nsen ni gaw nnang nawn kaba hkrum ai nsen zawn wu kadu nga ai hpe na nngai.

Daniela 7:9

Ngai mada yu nga yang, tingnyang ni hpe shara hte shara tawn da nga ai. Htani htana ahkrung nga ai wa chyawm gaw tingnyang langai a ntsa e dung nga ai. Shi a hpun palawng ni gaw hkyen zawn hpraw nna kara gaw jet ai sagu mun hte bung nga ai. Shi a tingnyang gaw wan grung nga ai dingsen ni a ntsa e shadun da nna,

SHINGRAN 4:7

Langai ngu na dusat amyu gaw, hkanghkyi hte bung nga ai; lahkawng ngu na dusat amyu gaw, dumsu usu hte bung nga ai; masum ngu na dusat amyu gaw, shinggyim masha a myiman hte bung nga ai; mali ngu na dusat amyu gaw, pyen nga ai langda hte bung nga ai.