ESHTA 9:5 - Jinghpaw Common Language Bible 2009

⁵ Dai rai nna Yuda masha ni gaw shanhte a gumlau hpyen ni hpe shanhte galaw mayu ai hku galaw lu nga ma ai. Shanhte gaw nhtu ni lang let htim gasat nhtawm shanhte hpe sat sharu kau mu ai.

Jinghpaw Hanson Version Bible

⁵ Yuda masha ni gaw shanhte e hpyen ai ni hpe nhtu hte sat shagrawm shamyit kau nna, shanhte e n dawng n yawt ai ni hpe di mayu ai hte maren di mu ai.

ESHTA 9:5 ပူးပေါင်းရင်းမြစ်များ

NEHEMIA 9:24

Shanhte gaw Hkanan mung hpe madu la nna; dai yang e nga nga ai masha ni hpe dang kau nga ndai. Nang gaw na a amyu masha ni hpe masha amyu hte Hkanan masha amyu hpe shanhte ra sharawng ai hku galaw lu na daru magam na a amyu masha ni hpe jaw ya nga ndai.

ESHTA 3:13

Adara shata shi masum ya shani e nan Yuda masha yawng ngu na kaji kaba, ma kaji ni hte numsha ni yawng hpe htau sat sharu kau na matsun ga ni rawng ai ndau laika hpe mungdan a mungdaw shagu de laika sa ai ni la mat wa shajang ma ai. Yuda masha ni gaw matsan dum myit n rawng ai sha sat sharu kau ai hkrum nna shanhte a lanep ni la mat wa ai hkrum na ma ai.

ESHTA 8:11

Ndai laika ni gaw mare shagu hta nga ai Yuda masha ni gaw tinang hkum hpe makawp maga ai hku hpyen bai nhtang gasat na matu shaga jahpawng da ra nga ai ngu sanglang da nga ai.

ESHTA 9:6

Susa mare daju e nan dai Yuda masha ni lasha manga tsa hte hpe sat kau ma ai.

SHAKAWN KUNGDAWN 92:12

Ding hpring ai masha ni gaw namhtan hpun ni zawn bawng ring wa nna; Lebanon a arit hpun ni zawn shanhte tu kaba wa na mara ai.

YEREMIA 18:21

Rai ti mung, ya chyawm gaw Madu e, shanhte a kashu kasha ni hkuwa hkrum nna si mat manu ga; shanhte mung hpyen majan hta sat kau ai hkrum manu ga; numsha ni hpe ma n lu shangun ai hte gaida shabyin ya u; dinghku la ni mung ana zinli hta si htum mat nna shabrang ni majan pa hta sat kau ai hkrum manu ga.

2 HTESALONI 1:6

Karai Kasang gaw tara ding ai lam galaw na ra ai rai nna, nanhte hpe nni nkri hkrum shangun ai ni a ntsa e nni nkri bai htang jaw na ra ai.