ESHTA 9:4 - Jinghpaw Common Language Bible 2009

⁴ Mordehkai gaw hkawhkam htingnu hta daru magam n-gun rawng wa ai hte grau grau nna jat kaba wa nga ai gaw hkawseng mungdan ting hta kajai gumhkawng nga sai.

Jinghpaw Hanson Version Bible

⁴ Kaning rai nme law Mordehkai gaw hkawhkam htingnu hta kaba wa nna, shi a kajai gumhkawng ai gaw, mungdaw ni hta pri rai wa sai; dai la wa Mordehkai gaw lani hte lani grau nna kaba wa sai.

ESHTA 9:4 ပူးပေါင်းရင်းမြစ်များ

2 SAMUELA 3:1

Shawlu a dinghku hpe karum shadaw ai ni hte Dawi hpe karum ai ni a lapran e na na wa majan gasat nga ma ai. Dawi mahtang grau grau nna n-gun ja wa nhtawm shi hpe ninghkap ai ni mahtang grau grau nna yawm mat wa nga ma ai.

1 HKAWHKAM LABAU 11:9

Chyahtum Chyalai n-gun rawng ai dai Madu gaw Dawi hte rau rai nga ai majaw shi gaw grau grau nna n-gun ja wa nga ai.

1 HKAWHKAM LABAU 14:17

Dawi a kajai gumhkawng ai lam gaw mung shagu hta dan hkung wa nna, dai Madu mung amyu baw shagu ni shi hpe hkrit mu ga nga, shabyin dat wu ai.

ESHTA 10:2

Shi galaw nu ai mauhpa galu kaba ai amu yawng mayawng hpe mung, Mordehkai hpe shi kaning rai arawng aya shatsaw tawn ai maumwi lam ni hpe mung, Persi, Medi hkawhkam ni a labau gawn laika hta tara shang ka matsing da nga ai.

SHAKAWN KUNGDAWN 1:3

Shanhte gaw hka kau e tu nna, shi a aten hta asi si nhtawm alap mung n hkraw mat ai hpun ni hte bung nga ai. Shanhte galaw ai lam shagu awng dang nga ai.

SHAKAWN KUNGDAWN 18:43

Nang gaw ngai hpe gumlau masha ni a lata kaw nna hkrang shaw la nit dai, amyu baw ni a ntsa e, up hkang ai wa, nang ngai hpe shatai nit dai; Ya chyawm gaw, ngai n chye ai amyu masha ni nye a mungdan masha ni tai wa nga masai.

SHAKAWN KUNGDAWN 92:13

Dai ni gaw Madu a nta hta hkai da nna, anhte a Karai Kasang a Htingnu hta lali tsawm nga ai hpun ni hte bung nga ma ai.

PRU MAT 11:3

Dai Madu gaw Israela amyu masha ni hpe myi man pa shangun nga ai. Du salang ni hte mung masha ni yawng mung, Mawshe hpe grai galu kaba ai masha langai mi hku kaja wa myit nawn da nga ma ai.

GA SHAGAWP 4:18

Ding hpring ai ni a hkrun lam gaw jan pru wa ai zawn rai nga ai; dai gaw shani nhtoi hkung wa ai aten du hkra, grau grau nna, htoi leng wa nga ai.

ESAIA 9:7

Shi a hkawseng daru magam n-gun gaw matut nna galu kaba wa na ra ai; shi a mungdan tut nawng ngwi pyaw sim sa na ra ai. Shi gaw Hkawhkam Dawi a hkringhtawng dagraw ai wa zawn up hkang nna, shi a daru magam n-gun gaw ding man ai hte teng man rap ra ai hta rudi nga ai rai nna, ya kaw nna jahtum ai aten du hkra agrin nga na ra ai. Chyahtum Chyalai N-gun rawng ai dai Madu gaw ndai amu yawng galaw na matu daw dan da nga sai.

ZEHPANI 3:19

Aten gaw du wa nga sai! Ngai gaw nanhte hpe dip gamyet sha ai ni hpe ari jaw na nngai; daw hten ai masha ni yawng hpe ngai mawai la na nngai, bawng dung hkrum nga ai ni yawng hpe dum nta de woi wa na nngai. Ngai gaw shanhte a kaya kahpa hpe shagrau sha-a ai hku bai jaw ya na nngai, mungkan ga yawng gaw shanhte hpe shakawn na mara ai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

YAWSHU 6:27

Dai rai nna Madu gaw Yawshu hte rau nga nga ai rai nna shi a mying gumhkawng ai gaw mung ting hta chyam bra nga ai.

1 SAMUELA 2:30

Na a dinghku hte na a lakung lama ni hkinjawng ni zawn prat tup ngai hpe daw jau lu mu ga ngu, dai MaduIsraela a Karai Kasang ngai nan lai sai prat ni hta ga sadi tawn da ni ai. Rai ti mung ya chyawm gaw dai ga sadi galoi mung grin sana n rai nga sai hpe ngai tsun nga nngai! Shing rai na malai, ngai hpe shagrau sha-a ai ni hpe ngai shagrau sha-a na nngai; ngai hpe n kaw n law re ai ni hpe ngai mung n gawn n sawn di kau na we ai.