ESHTA 9:31 - Jinghpaw Common Language Bible 2009

³¹ yawn hkyen ai aten hte lusha gam ai aten hpe hkan sa na matu htung tara hpe shanhte galaw lai wa sai hte maren, shanhte a amyu matu ni hpe htap htuk ai aten hta Purim poi hkan galaw na shanhte hpe matsun madun da nga ai. Dai lam hpe Mordehkai hte hkawhkam jan Eshta yan hkang da nga ai.

Jinghpaw Hanson Version Bible

³¹ Ahasuru a mungdan hta lawm ai mungdaw latsa e hkun sanit hta nga ai, Yuda masha ni nlang hte hpang de, ngwipyaw ai hte tengman ga rawng ai laika ni shagun dat wu ai.

ESHTA 9:31 ပူးပေါင်းရင်းမြစ်များ

2 HKAWHKAM LABAU 35:25

Myihtoi Yeremia gaw Hkawhkam Yoshia a matu sharung shayawt ga hpe shagawp da nga ai; shi a matu sharung shayawt yang lang ai dai mahkawn gaw mahkawn mangoi chye ai numsha, lasha ni a matu Israela mung hta htung lai langai tai wa sai. Dai mahkawn mangoi hpe shinggyin da ai sharung shayawt laika hta mu lu nga ai.

ESHTA 4:16

“Sa nna Susa mare hta nga ai Yuda masha ni yawng hpe jahpawng tawn u; lusha gam let nye a matu akyu hpyi ya mi. Masum ya tup shani shana hpa mung hkum lu hkum sha nga myit. Nye a shangun ma numsha ni hte ngai mung dai hte maren galaw na ga ai. Dai hpang tara tawt lai ti mung hkawhkam wa hpang de ngai shang na nngai. Ndai amu galaw ai a majaw ngai si lu na rai yang mung si na nngai.”

ESHTA 4:3

Hkawhkam wa a ndau shabra ai Tara Laika du sai mungdaw shagu hta Yuda masha ni ja ja sharung shayawt nga ma ai. Shanhte gaw lusha gam, hkrap ngu hkrap ngoi ai hte yawn hkyen hkrum ma ai; shanhte law malawng hte gaw lachyit sumpan bu hpun nna dap shingmun hta kaleng taw ma ai.