ESHTA 9:3 - Jinghpaw Common Language Bible 2009

³ Shanhte yawng gaw Mordehkai hpe hkrit nga ma ai majaw mungdaw hte seng ai du salang ni, munggyi ni, up hkang ai ni hte hkawhkam wa a dat kasa ni yawng Yuda masha ni hpe karum nga ma ai.

Jinghpaw Hanson Version Bible

³ Mungdaw ni a du salang ni, hpyen du ni, munggyi ni hte hkawhkam a amu gun hpai ai ni nlang hte gaw, Mordehkai hpe hkrit ma ai majaw, Yuda masha ni hpe karum nga ma ai.

ESHTA 9:3 ပူးပေါင်းရင်းမြစ်များ

EZRA 2:2

Shanhte a ningbaw ni gaw Zerubabela, Yawshu, Nehemia, Seraia, Relaia, Mordehkai, Bilshan, Mispa, Bigawai, Rehum hte Bana hte rai ma ai. Ndai gaw bawng dung ai kaw nna nhtang wa ai Israela lakung lama shagu a jahpan rai nga ai:

EZRA 8:36

Shanhte gaw hkawseng wa shanhte hpe jaw dat ai aming laika hpe mung la nhtawm, munggyi ni hte Uhprat a Sinna maga na mungdaw a du salang ni hpe ap ya ma ai rai nna, dai amyu masha ni hte Nawku Htingnu e nawku ai amu ni hpe shanhte karum ya ma ai.

ESHTA 3:12

Dai re ai majaw shawng shata a shi masum ya shani e, Haman gaw hkawhkam wa a amu madu ni hpe shaga la nna ndau shabra laika langai ka let ga amyu shagu hku gale la ai hte ka nna up hkang du ni, munggyi ni hte du salang ni yawng hpang de shabra dat mu ai; dai hpe Hkawhkam Ahasuru a mying hte ka shapraw nna shi a lachyawp hte dazik dawk da nga ai.

ESHTA 8:17

Hkawhkam wa a ndau shabra laika hti shana dan ai mungdaw shagu hte mare shagu hta bansa ai shani lusha poi galaw let kabu gara awng sharawng nga ma ai. Kaga mung masha law law hte mung shanhte hpe hkrit nga ma ai majaw Yuda masha tai wa nga masai.

ESHTA 8:5

“Nye a madu hkawhkam awng sharawng ai hte ngai hpe myit manoi nna na a matu jaw hkrak ai zawn myit nawn la n yang gaw hkawseng mungdan hta nga ai Yuda masha ni yawng hpe sat shagrawm kau na matu Agag amyu matu na Hamedahta a kasha Haman a hkang da ai ga hkan galaw na matu matsun dat ai lam hpe hkan shabai na matu ndau laika hpe chyeju hte ka shapraw ya e.

ESHTA 8:9

Ndai lam gaw shata masum ngu na Siwan shata hkun masum ya shani e byin nga sai. Mordehkai gaw hkawhkam wa a amu madu ni hpe shaga la nhtawm laika ni ka la ai hte India mungdan kaw nna Hkusha mung du hkra rai nga ai mungdaw latsa e hkun sanit hta de nga ai Yuda masha ni, munggyi ni, up hkang ai ni hte du salang ni yawng hpang de, mungdaw langai hte langai tinang a ga hte laika ka ai hku Yuda masha ni hpang de mung, shanhte shaga ai ga hte laika ka ai hku hkan nna shabra dat ma ai.

Daniela 3:2

Dai hpang hkawhkam wa gaw shi a du salang ni yawng ngu na hkawhkam kasha ni, mung du ni, munggyi ni, tara agyi ni, mungdan rap daw tara agyi salang ni hte kaga mungdaw du salang ni yawng sa du shinggyin nga na matu hkang dat wu ai. Shanhte gaw Hkawhkam Nebuhkadneza shadun da ai hkrang sumla ap nawng hpawng de sa hpawng lawm nga ma ai.