ESHTA 9:29 - Jinghpaw Common Language Bible 2009

²⁹ Dai hpang Abihala a shayi sha hkawhkam jan Eshta gaw Mordehkai hte rau Purim hte seng ai ndai 2 lang ngu na laika shagrin na matu Eshta a ahkaw ahkang kaba hte ka dat mu ai.

Jinghpaw Hanson Version Bible

²⁹ Shaloi Abihala shayi sha hkawhkam jan Eshta hte Yuda masha Mordehkai gaw, Purim poi a lam, ndai lahkawng ngu na laika hpe shagrin da na matu, ahkang aya kaba hte ka dat mu ai.

ESHTA 9:29 ပူးပေါင်းရင်းမြစ်များ

ESHTA 2:15

Kasha zawn yin la sai hte Mordehkai a kanau daw ai Abihala a shayi sha Eshta gaw hkawhkam wa kaw pru sa wa na aten du ai shaloi, Eshta hpe mu mamu ni shi hpe shakawn shagrau nga ma ai. Shing rai shi a aten du jang shi bu hpun na matu numsha ni a nta woi hpareng ai Hegai unuk shi hpe hpaji jaw ai hku sha, shi bu hpun sumraw nga ai.

ESHTA 3:15

Hkawhkam wa hkang dat ai hte maren dai aming hpe Susa mare daju hta ndau shana ai hpang, shiga sa ai ni mungdaw shagu de dai shiga gun sa mat wa ma ai. Susa mare kashuk kashak kaming kamawng byin hkrum nga yang, hkawhkam wa hte Haman yan chyawm gaw dung let sabyi lu nga ma ai.

ESHTA 8:10

Mordehkai gaw Hkawhkam Ahasuru a mying gang nna laika ni hpe ka nhtawm hkawhkam dazik hte dawk la nna hkawhkam gumra lawng na kagat laram ai gumra ni hta jawn ai ni a lata hta laika shagun dat wu ai.

ESHTA 9:20

Mordehkai gaw ndai lam ni hpe ka nhtawm Persi hkawseng mungdan ting na ni ai tsan ai shara shagu hkan nga ai Yuda masha ni yawng hpang de laika ni shagun dat nhtawm,

ESHTA 9:21

shaning shagu Adara shata shi mali ya hte shi manga ya shani hta masat poi galaw na lam shanhte hpe tsun dan wu ai.

ESHTA 9:28

Dai gaw daw dan da sai lam rai nga sai hte maren, mungdaw shagu, mare shagu hta du wa na ban prat shagu na pra sa wa na Yuda dinghku shagu hte gaw ndai lam hpe adum nga nna prat mi hte prat mi Purim nhtoi ni hpe hkan galaw na rai nga ai.