ESHTA 9:25 - Jinghpaw Common Language Bible 2009

²⁵ Rai ti mung Eshta gaw hkawhkam wa kaw shang nna hkawhkam wa ndau laika ka shapraw dat ai majaw Yuda masha ni a matu shi lajang maw mawn kau nu ai gam maka a nni nkri hpe Haman hkam sha nu ai; shi hte shi a shadang sha ni masha sat shara hta noi da ai hkrum nga masai.

Jinghpaw Hanson Version Bible

²⁵ hkawhkam wa dai lam chye jang, Yuda masha ni hpe, shi n hkru ai hpaji daw ai lam, shi a baw ntsa e nhtang dat nna, shi hte shi a shadang sha ni gaw, wudang hta noi da ai hkrum na ma ai, nga nna laika hte hkang dat wu ai.

ESHTA 9:25 ပူးပေါင်းရင်းမြစ်များ

1 HKAWHKAM 8:32

O Madu e, sumsing lamu hta e madat la nna, na a shangun ma ni hpe jeyang mi. Mara kap ai wa hpe shi hkam la ging ai hte maren ari jaw u; mara n kap ai wa hpe chyawm gaw shi lu la ging ai hte maren mara dat ya u law.

ESHTA 3:6

Mordehkai gaw Yuda masha langai mi rai nga ai hpe shi chye jang, Mordehkai hpe chyu sha ari jaw ai hta jan nna galaw na matu shi daw dan da wu ai. Persi mungdan ting hta nga ai Yuda amyu masha shagu hte hpe sat sharu kau na shi maw nga ai.

ESHTA 7:10

Dai re ai majaw Mordehkai a matu Haman galaw da ai masha sat shara hta noi sat kau hkrum nga wu ai. Shaloi hkawhkam wa a masin kahtet ai gaw kawp mat wu ai.

ESHTA 7:4

Nye a amyu masha ni hte ngai gaw sat shamyit kau hkrum na matu, dut kau ai hkrum nga saga ai. Mayam tai na matu dut kau hkrum ai hta hpa mung grau n sawng ai rai yang, ngai atsin sha nga nna dai hte seng ai lam nang hpe n sharu shatsang na nngai; rai ti mung anhte gaw shamyit kau hkrum na matu ri ri sha rai nga saga ai-atsai awai sat shagrawm kau hkrum na saga ai!,” ngu nna htan wu ai.

ESHTA 7:5

Dai hpang Hkawhkam Ahasuru gaw hkawhkam jan Eshta hpe, “Ndai zawn re ai amu galaw gwi ai gaw kadai wa rai ta? Dai wa kanang e nga nga a ta?,” ngu nna san wu ai.

SHAKAWN KUNGDAWN 140:8

Madu e, tara n lang ai wa a ra ai lam hpe hkum jaw ya et; shanhte a n hkru ai maw mawn lam ni hpe mung, hkum hkan ya nga et.

SHAKAWN KUNGDAWN 140:9

Nye a gumlau hpyen ni hpe awng padang hkum lu shangun nga et; ngai hpe jahkrit shama ai lam yawng mayawng mung shanhte a ntsa e, bai hkrat wa mu ga.

SHAKAWN KUNGDAWN 141:10

Ngai mahtang asan apra sha lai mat wa nna, tara n lang ai ni chyawm gaw tinang a mahkam hta di hkrat mat mu ga.

SHAKAWN KUNGDAWN 7:16

Shing rai shanhte gaw shanhte galaw ai n hkru ai amu hta ari hkrum sha nna, shanhte a kashun kashe re ai amu hta machyi hkrum nga ma ai.

SHAKAWN KUNGDAWN 7:17

Shi a teng man rap ra ai tara a majaw, Madu hpe ngai chyeju dum nga nngai; Ngai gaw Tsaw Htum ai dai Madu hpe mahkawn shakawn na nngai.

SHAKAWN KUNGDAWN 94:23

Shi shanhte hpe tara n lang ai amu a jaw e, ari jaw na ra ai, shanhte a yubak ni a majaw shanhte hpe jahten kau na ra ai; Madu anhte a Karai Kasang gaw shanhte hpe jahten shamyit kau na mu ai law.

GA SHAGAWP 26:27

Kaga masha ni a matu, mahkam hkam da ai ni gaw shanhte hkum nan dai hta ahkang la na mara ai; sharut gyi hkra galaw hpang dat ai wa gaw shi nan dai hta agrawp lawm na ra ai.

GA SHAGAWP 5:22

Tara n lang ai masha wa a yubak ni gaw mahkam rai nga nna, shi gaw shi a yubak sumgawn hta rim la ai hkrum nga ai.

ESAIA 22:25

Dai zawn byin wa ai shaloi, ngang ngang jung da ai sumprat gaw malawk pru mat wa nna hkrat mat na ra ai. De a ntsa e noi da ai arung arai gaw magup sumhpa a jahtum mung rai na ra ai,” nga nna tsun ai. Dai Madu nan tsun nu ai.

OBEDIA 1:15

“Dai Madu ngai gaw masha amyu baw ni hpe tara jeyang na nhtoi ni wa nga sai. Edom e, nang galaw nit dai hte maren, nang bai hkam sha ra na rin dai. Nang jaw ya nit dai hte maren, nang bai hkam la lu na ra ai.

MAHTE 21:44

(Dai nlung hta hkrat ai wa gaw achyen achya rai mat hkra daw hten na ra ai; gade a ntsa e mung dai nlung hkrat bun yang gaw dai wa gaw ayun ayaw mani mat na ra ai, ngu wu ai.)

1 SAMUELA 25:39

Nabala si mat sai shiga hpe Dawi na ai shaloi, shi gaw, “Dai Madu hpe shakawn mu! Shi gaw ngai hpe n kaw n law di ai Nabala hpe matai dawp nu ai hte shut hpyit amu galaw shapraw na shi a shangun ma ngai hpe mung hkum kau nu ai. Dai Madu gaw shi galaw ai n hkru ai amu a majaw Nabala hpe ari jaw kau nu ai,” ngu nna tsun wu ai. Dai hpang, Dawi gaw Abigala hpe hkungran la na matu kasa langai shangun dat wu ai.