ESHTA 9:20 - Jinghpaw Common Language Bible 2009

²⁰ Mordehkai gaw ndai lam ni hpe ka nhtawm Persi hkawseng mungdan ting na ni ai tsan ai shara shagu hkan nga ai Yuda masha ni yawng hpang de laika ni shagun dat nhtawm,

Jinghpaw Hanson Version Bible

²⁰ Yuda masha ni gaw hpyen ni a lata na lawt wa lu ai majaw, yawn hkyen ai kaw nna kabu gara ai de, sharung shayawt ai kaw nna mai kaja ai de, gale ai nhtoi ngu ai,

ESHTA 9:20 ပူးပေါင်းရင်းမြစ်များ

1 HKAWHKAM LABAU 16:12

Karai Kasang a shangun ma Yaku a amyu matu ni hte Karai Kasang e lata la sai Israela amyu matu ni e, Karai Kasang galaw dan sai lamik kumla ni hte shi jaw da sai tara dara lam ni hpe adum nga mu.

ESHTA 1:1

Hkawhkam Ahasuru gaw Persi mung a mare daju Susa hta nga ai shi a hkawhkam tingnyang ntsa e hkaw dung let India mung kaw nna Ehtiopi mung du hkra, mungdaw 127 hpe up hkang nga ai.

ESHTA 1:22

Madu wa shagu gaw tinang a dum nta a madu tai nna hpang jahtum ahkang aya hte tsun nga na matu mungdaw langai hte langai tsun ai ga hte dai mungdaw hta ka ai lai masa laika mungga hpe hkawhkam mungdaw shagu de shabra dat wu ai.

ESHTA 3:12

Dai re ai majaw shawng shata a shi masum ya shani e, Haman gaw hkawhkam wa a amu madu ni hpe shaga la nna ndau shabra laika langai ka let ga amyu shagu hku gale la ai hte ka nna up hkang du ni, munggyi ni hte du salang ni yawng hpang de shabra dat mu ai; dai hpe Hkawhkam Ahasuru a mying hte ka shapraw nna shi a lachyawp hte dazik dawk da nga ai.

ESHTA 8:9

Ndai lam gaw shata masum ngu na Siwan shata hkun masum ya shani e byin nga sai. Mordehkai gaw hkawhkam wa a amu madu ni hpe shaga la nhtawm laika ni ka la ai hte India mungdan kaw nna Hkusha mung du hkra rai nga ai mungdaw latsa e hkun sanit hta de nga ai Yuda masha ni, munggyi ni, up hkang ai ni hte du salang ni yawng hpang de, mungdaw langai hte langai tinang a ga hte laika ka ai hku Yuda masha ni hpang de mung, shanhte shaga ai ga hte laika ka ai hku hkan nna shabra dat ma ai.

ESHTA 9:19

Dai re ai majaw kahtawng kaji hkan nga ai Yuda masha ni gaw Adara shata shi mali ya shani hpe kabu gara ai bansa shani shatai nhtawm lusha poi galaw nna langai hte langai kumhpa ni karan jaw hkat nga ma ai.

ESHTA 9:21

shaning shagu Adara shata shi mali ya hte shi manga ya shani hta masat poi galaw na lam shanhte hpe tsun dan wu ai.

ESHTA 9:26

Mordehkai a laika a majaw mung, shanhte hta byin hkrum hkra ai lam yawng a majaw mung dai bansa ai nhtoi ni hpe Purim ngu nna shamying da nga ma ai.

ESHTA 9:27

Yuda masha ni gaw dai hpe shanhte a matu tara langai shatai nhtawm shanhte a amyu matu ni hte Yuda masha langai tai wa ai ni kadai mung Mordehkai tsun matsun ai hte maren shaning shagu ndai nhtoi lahkawng ya na htap htuk ai aten hta tut nawng agalaw nga na lam rai nga ai.

ESHTA 9:29

Dai hpang Abihala a shayi sha hkawhkam jan Eshta gaw Mordehkai hte rau Purim hte seng ai ndai 2 lang ngu na laika shagrin na matu Eshta a ahkaw ahkang kaba hte ka dat mu ai.

PRU MAT 17:14

Shaloi dai Madu gaw Mawshe hpe, “Ndai awng padang lam hpe ka da u; shaloi dai hpe adum nga na mara ai. Amalek masha ni hpe ngai tsep kawp shamyit kau na lam, Yawshu hpe tsun dan u,” ngu nna tsun wu ai.

YEREMIA 29:1

Ngai gaw Hkawhkam Nebuhkadneza Yerusalem kaw nna Babelon mung de woi wa ai bawng dung masha ni rai nga ai hkinjawng ni, myihtoi ni, amyu masha ni hpe up hkang ai salang ni hte kaga masha ni yawng hpang de laika ka dat nngai.