ESHTA 9:2 - Jinghpaw Common Language Bible 2009

² Hkawseng mungdan kata na Yuda ni nga ai mare shagu hta, shanhte hpe machyi hkra shangun nga ai kadai hpe mung hkap gasat lu na matu Yuda masha ni nan hpawng shinggyin nga ma ai. Shara shagu hkan na mung masha ni shanhte hpe hkrit nga ma ai rai nna kadai mung shanhte hpe n rawt gumlau gwi nga ma ai.

Jinghpaw Hanson Version Bible

² Yuda masha ni gaw, hkawhkam Ahasuru a mungdaw ni mahkra hta shanhte e zingri zingrat ai ni hpe hkap daw na matu, sa zup sa hpawng nga ma ai: mung masha ni kadai mung shanhte hpe hkrit mat ma ai majaw, n sa gasat gwi mat ma ai.

ESHTA 9:2 ပူးပေါင်းရင်းမြစ်များ

NINGPAWT NINGHPANG 35:5

Yaku hte shi a shadang sha ni pru wa hkyen nga yang, hkrit hpa kaba gaw grup yin na mare masha ni a ntsa e, du pru wa ai majaw, dai masha ni shanhte hpe n hkan shachyut ma ai.

ESHTA 8:11

Ndai laika ni gaw mare shagu hta nga ai Yuda masha ni gaw tinang hkum hpe makawp maga ai hku hpyen bai nhtang gasat na matu shaga jahpawng da ra nga ai ngu sanglang da nga ai.

ESHTA 8:17

Hkawhkam wa a ndau shabra laika hti shana dan ai mungdaw shagu hte mare shagu hta bansa ai shani lusha poi galaw let kabu gara awng sharawng nga ma ai. Kaga mung masha law law hte mung shanhte hpe hkrit nga ma ai majaw Yuda masha tai wa nga masai.

SHAKAWN KUNGDAWN 71:13

Ngai hpe gasat ai ni sum mat nna, jahten kau ai hkrum nga mu ga; Ngai hpe machyi shangun na matu, shakut nga ai ni kaya kahpa hkrum ai hte myi man sum mat mu ga.

SHAKAWN KUNGDAWN 71:24

Ngai hpe machyi shangun na matu shakut ai ni gaw sum mat ai hkrum nna kaya kahpa hkrum nga ma ai majaw, na a ding man ai lam hpe ngai shani tup tsun dan na nngai.

PRU MAT 23:27

“Nanhte hte nhtan shai ai amyu masha ni, ngai hpe hkrit na mara ai; nanhte gasat ninghkap nga ai masha ni a ka-ang e, kashuk kashak lam ngai shapraw dat nna na a gumlau hpyen ni yawng kayin mat wa ai hte nang kaw na hprawng mat wa shangun na nngai.

ESAIA 8:9

Amyu baw ni e, hkrit ai myit hte rau hpawng shinggyin nga mu! Mungkan ga a sumtsan shara na masha ni e, madat mara nga mu. Gasat na matu hkyen da mu, rai ti mung hkrit tsang nga myit! Rai sa, jin jin rai nga ti mung, hkrit tsang nga mu!

TARA JAHPRANG 2:30

“Rai ti mung, Hkawhkam Sihon gaw anhte hpe shi a mung hku ga lai wa na ahkang n jaw mi ai. Dai Madu nanhte a Karai Kasang gaw shi a myit shaja ya nhtawm gumlau shangun mi ai majaw shi hpe anhte dang kau ai hte shi a lamu ga la kau ya nna ya du hkra anhte naw madu da nga ga ai.

YAWSHU 11:20

Israela amyu masha ni hpe hkap gasat gwi hkra dai Madu shanhte hpe daw dan shangun wu ai. Shaloi shanhte mahtang atsai awai jahten sharun kau na matu daw dan ai hkrum nna matsan dum myit n rawng ai sha shanhte yawng sat kau ai hkrum na rai ma ai. Ndai gaw dai Madu Mawshe hpe hkang da ai hte maren rai nga ai.

YAWSHU 2:9

shan hpe, “Dai Madu nanhte hpe ndai mungdan jaw kau sai mung, mung masha shagu nanhte hpe hkrit kajawng nga saga ai mung, ngai chye nngai.