ESHTA 9:19 - Jinghpaw Common Language Bible 2009

¹⁹ Dai re ai majaw kahtawng kaji hkan nga ai Yuda masha ni gaw Adara shata shi mali ya shani hpe kabu gara ai bansa shani shatai nhtawm lusha poi galaw nna langai hte langai kumhpa ni karan jaw hkat nga ma ai.

Jinghpaw Hanson Version Bible

¹⁹ Dai re ai majaw kahtawng ni hte bunghku n kum ai mare ni hta nga ai Yuda masha ni gaw, Adara shata shi mali ya e, kabu gara let poi sha ai shani hte sharawng awng ai nhtoi shatai nna, shada da kumhpa karan jaw hkat ma ai.

ESHTA 9:19 ပူးပေါင်းရင်းမြစ်များ

ESHTA 8:17

Hkawhkam wa a ndau shabra laika hti shana dan ai mungdaw shagu hte mare shagu hta bansa ai shani lusha poi galaw let kabu gara awng sharawng nga ma ai. Kaga mung masha law law hte mung shanhte hpe hkrit nga ma ai majaw Yuda masha tai wa nga masai.

ESHTA 9:20

Mordehkai gaw ndai lam ni hpe ka nhtawm Persi hkawseng mungdan ting na ni ai tsan ai shara shagu hkan nga ai Yuda masha ni yawng hpang de laika ni shagun dat nhtawm,

ESHTA 9:22

Dai gaw Yuda masha ni shanhte nan shanhte a gumlau hpyen ni hpe yeng seng kau ai shani rai nga ai majaw myit htum yawn hkyen ai kaw nna kabu gara myit pyaw ai de kayin wa ai shata rai nga ai; shanhte gaw dai shani ni hta lusha poi ni hpe mung, shada hku hkau ka manawt lusha ai lam hpe mung galaw let langai hte langai lusha kumhpa karan nna matsan mayan ni hpe gam jaw gam ya na lam hkan galaw na tsun da hkrum nga ma ai.

ZEHKARIA 2:4

Shawng na wa gaw kaga wa hpe, “Shadawn sumri lang ai shabrang wa hpang de kagat let ning ngu tsun su; Yerusalem hta grai law ai masha ni hte yam nga hpung ni nga nga ma ai majaw bunghku kum na matu nau kaba ai mare tai na ra ai.

LUKA 11:41

Rai ti mung, nanhte a gawm hte ban ni hta rawng ai arai ni hpe matsan mayan ni e jaw kau mu, shing rai galaw yang, nanhte a matu nga manga san pra wa na malit dai.

TARA JAHPRANG 15:7

“Dai Madu nanhte a Karai Kasang jaw ya nga ai mungdan na mare langai ngai hta Israela hpu nau wa matsan mayan hkrum nna ra kadawn nga ai rai yang, shawang myit kata rai shi hpe n karum la hkum rai myit.

TARA JAHPRANG 16:11

Tinang a kashu kasha, shangun ma ni hte nanhte a mare hta nga ai Lewi masha ni, maigan masha ni, jahkrai nmai ni hte gaida gaina ni yawng dai Madu a man e rau sha kabu gara nga mu. Ndai amu hpe nawku daw jau ai shara langai hta sha galaw mu.

TARA JAHPRANG 16:14

Nanhte a kashu kasha ni, shangun ma ni, nanhte a mare hkan nga ai Lewi ni, maigan masha ni, jahkrai nmai ni hte gaida gaina ni hte kabu gara lu na rai myit dai.

TARA JAHPRANG 3:5

Dai mare ni yawng gaw tsaw ai bunghku ni, chyinghka ni, htinggrang ni hte shangang da nna bunghku n kum ai kahtawng law law mung nga nga ai.

SHINGRAN 11:10

Ga ntsa e nga ai masha ni gaw, dai myihtoi lahkawng si ai majaw, kabu gara rai nna shada da kumhpaw kumhpa ni galai jaw chyai rai, poi galaw na mara ai; hpa majaw nga yang, dai myihtoi yan gaw ga ntsa e nga ai masha amyu ni hpe nni nkri grai jahkrum yu masai rai nga ai.

1 SAMUELA 25:8

Shanhte hpe naw san yu u, shanhte nang hpe tsun dan na mara ai. Anhte gaw lusha poi shani e sa saga ai rai nna Dawi mung anhte hpe atsawm sha hkap hkalum la na matu nang hpe san yu nga ai. Dai re ai majaw, chyeju hte na a shangun ma anhte hpe mung, na a jinghku wa Dawi hpe mung, nang dang di lu ai daram mi chyeju hte jaw dat na lam hkang dat mi ai.”