ESHTA 9:18 - Jinghpaw Common Language Bible 2009

¹⁸ Susa mare na Yuda masha ni chyawm gaw shi masum ya hte shi mali ya hta zuphpawng nga nna, dai shata shi manga ya e bansa nga ai hte dai shani hta lusha poi hpe kabu gara galaw ma ai.

Jinghpaw Hanson Version Bible

¹⁸ Shushan mare e nga ai Yuda masha ni chyawm gaw, shi masum ya hte shi mali ya hta zuphpawng nga nna, dai shata shi manga ya e ban sa nga ai hte dai shani hpe poi sha ai hte kabu gara ai shani shatai mu ai.

ESHTA 9:18 ပူးပေါင်းရင်းမြစ်များ

ESHTA 8:11

Ndai laika ni gaw mare shagu hta nga ai Yuda masha ni gaw tinang hkum hpe makawp maga ai hku hpyen bai nhtang gasat na matu shaga jahpawng da ra nga ai ngu sanglang da nga ai.

ESHTA 9:1

Hkawhkam wa ndau shabra dat ai nhtoi ngu ai Adara shata shi masum ya shani hta, Yuda masha ni a gumlau hpyen ni gaw shanhte a daru magam n-gun hte ka-up dang la na myit mada nga ma ai. Rai ti mung shing rai lu na malai, Yuda masha ni mahtang shanhte hpe padang dip la lu nga ma ai.

ESHTA 9:11

Dai shani e Susa mare hta sat kau hkrum ai masha law law a jahpan hpe hkawhkam wa hpang de sa madun ma ai.

ESHTA 9:13

Eshta gaw, “Nye a madu hkawhkam wa e, nang awng sharawng ai rai n yang gaw, dai ni e shanhte hpe galaw na ahkang jaw ai hte maren hpawt ni e mung ndai Susa mare hta Yuda masha ni hpe bai galaw shangun u. Dai gaw Haman a shadang sha shi a moi mang ni hpe masha sat ai shara kaw noi da na lam hkang dat u,” ngu nna htan wu ai.

ESHTA 9:15

Susa mare hta nga ai Yuda masha ni gaw Adara shata shi mali ya shani e, bai zuphpawng nna dai mare kata na lasha masum tsa jan hpe sat kau mu ai. Rai ti mung shanhte gaw lanep arai hpa mung n hta la nga ma ai.

ESHTA 9:2

Hkawseng mungdan kata na Yuda ni nga ai mare shagu hta, shanhte hpe machyi hkra shangun nga ai kadai hpe mung hkap gasat lu na matu Yuda masha ni nan hpawng shinggyin nga ma ai. Shara shagu hkan na mung masha ni shanhte hpe hkrit nga ma ai rai nna kadai mung shanhte hpe n rawt gumlau gwi nga ma ai.

ESHTA 9:21

shaning shagu Adara shata shi mali ya hte shi manga ya shani hta masat poi galaw na lam shanhte hpe tsun dan wu ai.