ESHTA 9:15 - Jinghpaw Common Language Bible 2009

¹⁵ Susa mare hta nga ai Yuda masha ni gaw Adara shata shi mali ya shani e, bai zuphpawng nna dai mare kata na lasha masum tsa jan hpe sat kau mu ai. Rai ti mung shanhte gaw lanep arai hpa mung n hta la nga ma ai.

Jinghpaw Hanson Version Bible

¹⁵ Dai hta kaga, Shushan mare hta e nga ai Yuda masha ni gaw, Adara ngu ai shata a shi mali hta e mung zuphpawng nna, Shushan mare masha marai masum tsa hpe sat kau mu ai; rai timung, shanhte lanep n la ma ai.

ESHTA 9:15 ပူးပေါင်းရင်းမြစ်များ

ESHTA 8:11

Ndai laika ni gaw mare shagu hta nga ai Yuda masha ni gaw tinang hkum hpe makawp maga ai hku hpyen bai nhtang gasat na matu shaga jahpawng da ra nga ai ngu sanglang da nga ai.

ESHTA 9:12

Shaloi shi gaw hkawhkam jan Eshta hpe, “Susa mare hta sha Yuda masha ni masha manga tsa hte hpawn Haman a shadang sha shi hte hpe sat kau nga ma ai. Dai rai yang kaga mungdaw ni hkan shanhte hpa mi naw galaw kau nga manu ai kun? Ya nang hpa ra n ta? Nang hkam la lu na ndai. Kaga nang naw ra ai lam ngai hpe tsun dan rit, dai hpe nang hkam la lu na rai ndai,” ngu nna tsun wu ai.

ESHTA 9:13

Eshta gaw, “Nye a madu hkawhkam wa e, nang awng sharawng ai rai n yang gaw, dai ni e shanhte hpe galaw na ahkang jaw ai hte maren hpawt ni e mung ndai Susa mare hta Yuda masha ni hpe bai galaw shangun u. Dai gaw Haman a shadang sha shi a moi mang ni hpe masha sat ai shara kaw noi da na lam hkang dat u,” ngu nna htan wu ai.

ESHTA 9:14

Dai lam galaw na matu hkawhkam wa hkang dat ai hte Susa mare hta ndau laika shapraw nhtawm Haman a shadang sha shi a moi mang ni hpe shawa man e madun da nga ma ai.

ESHTA 9:16

Mungdaw ni hkan nga ai Yuda masha ni mung shanhte hkum hpe makawp maga let hpawng de nga ma ai. Shanhte n dawng n yawt ai masha mun sanit hkying manga hte hpe sat kau nhtawm shanhte a gumlau hpyen ni hpe sat kau nna shanhte a gumlau hpyen ni hpe yeng seng kau ma ai. Rai ti mung shanhte gaw lanep hpa mung n hta la nga ma ai.

ESHTA 9:2

Hkawseng mungdan kata na Yuda ni nga ai mare shagu hta, shanhte hpe machyi hkra shangun nga ai kadai hpe mung hkap gasat lu na matu Yuda masha ni nan hpawng shinggyin nga ma ai. Shara shagu hkan na mung masha ni shanhte hpe hkrit nga ma ai rai nna kadai mung shanhte hpe n rawt gumlau gwi nga ma ai.

1 HTESALONI 5:22

n hkru n kaja ai lam shagu hpe koi yen kau mu.

HEBRE 13:5

Nanhte a asak hkrung lam hpe gumhpraw marin ai hta n lawm mat shangun ai sha lu ai made hte myit dik nga mu, hpa majaw nga yang, Karai Kasang gaw, “Ngai nang hpe galoi mung n kau da na nngai, ngai nang hpe galoi mung n kabai kau na de ai,” nga nna tsun ai.