ESHTA 9:14 - Jinghpaw Common Language Bible 2009

¹⁴ Dai lam galaw na matu hkawhkam wa hkang dat ai hte Susa mare hta ndau laika shapraw nhtawm Haman a shadang sha shi a moi mang ni hpe shawa man e madun da nga ma ai.

Jinghpaw Hanson Version Bible

¹⁴ Dai lam galaw na nga hkawhkam wa hkang dat ai hte, Shushan mare hta dawdan laika shapraw nhtawm, shanhte gaw Haman a shadang sha marai shi hpe noi da mu ai.

ESHTA 9:14 ပူးပေါင်းရင်းမြစ်များ

EZRA 7:13

“Nye a hkawseng mungdan ting na Israela amyu masha ni yawng, hkinjawng ni hte Lewi masha ni nang hte rau Yerusalem mare de wa na grai sharawng ma yang, ahkang jaw ya na matu ngai hkang da nngai.

ESHTA 7:10

Dai re ai majaw Mordehkai a matu Haman galaw da ai masha sat shara hta noi sat kau hkrum nga wu ai. Shaloi hkawhkam wa a masin kahtet ai gaw kawp mat wu ai.

ESHTA 7:9

Dai hpang shanhte hta na Harbona mying ai wa gaw, “Madu hkawhkam a asak hpe hkye la yu sai Mordehkai hpe noi sat kau lu hkra nga, shi a nta e masha sat shara langai galaw da nga ai rai nna dai gaw pe 75 tsaw nga ai,” ngu nna tsun dan wu ai. Shing rai hkawhkam wa gaw, “Dai hta e Haman hpe noi sat kau mu!,” ngu nna hkang dat wu ai.

ESHTA 9:13

Eshta gaw, “Nye a madu hkawhkam wa e, nang awng sharawng ai rai n yang gaw, dai ni e shanhte hpe galaw na ahkang jaw ai hte maren hpawt ni e mung ndai Susa mare hta Yuda masha ni hpe bai galaw shangun u. Dai gaw Haman a shadang sha shi a moi mang ni hpe masha sat ai shara kaw noi da na lam hkang dat u,” ngu nna htan wu ai.

ESHTA 9:15

Susa mare hta nga ai Yuda masha ni gaw Adara shata shi mali ya shani e, bai zuphpawng nna dai mare kata na lasha masum tsa jan hpe sat kau mu ai. Rai ti mung shanhte gaw lanep arai hpa mung n hta la nga ma ai.

GA SHAGAWP 12:7

Tara n lang ai masha ni sum kadawng mat nna shanhte a aru arat ni a matu hpa n ngam da ya lu nga ma ai; ding hpring ai masha ni a dinghku ni chyawm gaw agrin nga na mara ai.

HPAJI NINGLI 6:3

Anhte gaw shaning law law nga lu nna kashu kasha latsa shaprat let kade ning mi hkrung nga lu ti mung, anhte a kabu gara ai kamhtaw n lu la ai hte atsawm sha makoi mayang n hkam la lu ga ai rai yang, nbya bya mat ai pyi grau kaja nga ai ngu ngai tsun mayu nngai.

BU HKAWM 24:20

Dai hpang Balam gaw shi a shingran hta Amalek masha ni hpe mu nna, ndai myihtoi ga tsun shapraw wu ai: “Amalek gaw yawng hta daru magam n-gun ja htum ai amyu rai nga ai; Rai ti mung jahtum e, dai amyu gaw htani htana hten run mat na mara ai.”

GALATI 3:13

“Hpun hta e jen da hkrum ai wa kadai rai ti mung Karai Kasang a dagam dala hkrum ai wa rai nga ai,” nga nna Chyum laika hta tsun da nga ai hte maren, Hkristu gaw anhte a matu mara dagam dala hkrum ai wa tai wa ai a jaw e jep ai Tara a dagam dala hkrum ai kaw na anhte hpe hkrang shaw la mi ai.