ESHTA 9:13 - Jinghpaw Common Language Bible 2009

¹³ Eshta gaw, “Nye a madu hkawhkam wa e, nang awng sharawng ai rai n yang gaw, dai ni e shanhte hpe galaw na ahkang jaw ai hte maren hpawt ni e mung ndai Susa mare hta Yuda masha ni hpe bai galaw shangun u. Dai gaw Haman a shadang sha shi a moi mang ni hpe masha sat ai shara kaw noi da na lam hkang dat u,” ngu nna htan wu ai.

Jinghpaw Hanson Version Bible

¹³ Dai rai nna Eshta gaw, “Hkawhkam wa hkraw n yang gaw, Shushan mare e nga ai Yuda masha ni gaw, dai ni galaw lu ai hte maren, hpawt ni e mung galaw lu nna, Haman a shadang sha marai shi hpe, wudang hta noi da na ahkang naw jaw e,” ngu nna hpyi wu ai.

ESHTA 9:13 ပူးပေါင်းရင်းမြစ်များ

2 SAMUELA 21:6

Dai re ai majaw shi a shadang sha sanit hpe ap ya mi; dai Madu lata san da sai Hkawhkam Shawlu a mare ngu na Gibea e dai Madu a man hta shanhte hpe noi da na ga ai,” ngu nna htan ma ai. Hkawhkam wa mung, “Ngai shanhte hpe ap ya na de ai,” ngu nna htan wu ai.

2 SAMUELA 21:9

Dawi gaw shanhte hpe Gibeon masha ni a lata de ap ya wu ai rai nna shanhte mung bum ntsa dai Madu a man e noi da ma ai; shanhte marai sanit hte yawng rau sha si mat ma ai. Shanhte hpe sat ai shani gaw muk-yaw mam dan hpang ai shani ngu na ginhtawng ta a hpang daw na aten hta ang nga ai.

ESHTA 8:11

Ndai laika ni gaw mare shagu hta nga ai Yuda masha ni gaw tinang hkum hpe makawp maga ai hku hpyen bai nhtang gasat na matu shaga jahpawng da ra nga ai ngu sanglang da nga ai.

ESHTA 9:14

Dai lam galaw na matu hkawhkam wa hkang dat ai hte Susa mare hta ndau laika shapraw nhtawm Haman a shadang sha shi a moi mang ni hpe shawa man e madun da nga ma ai.

ESHTA 9:15

Susa mare hta nga ai Yuda masha ni gaw Adara shata shi mali ya shani e, bai zuphpawng nna dai mare kata na lasha masum tsa jan hpe sat kau mu ai. Rai ti mung shanhte gaw lanep arai hpa mung n hta la nga ma ai.

GALATI 3:13

“Hpun hta e jen da hkrum ai wa kadai rai ti mung Karai Kasang a dagam dala hkrum ai wa rai nga ai,” nga nna Chyum laika hta tsun da nga ai hte maren, Hkristu gaw anhte a matu mara dagam dala hkrum ai wa tai wa ai a jaw e jep ai Tara a dagam dala hkrum ai kaw na anhte hpe hkrang shaw la mi ai.

TARA JAHPRANG 21:23

Karai Kasang kaw na dagam dala, dai mungdan hta hkrum hkra chye nga ai majaw, hpun hta shana tup noi da lu na n rai; dai shani jang lup makoi kau lu na rai myit dai. Dai Madu nanhte a Karai Kasang nanhte hpe jaw ai mungdan hta awu asin n hkrum nga myit ga gaw, si mang lup kau lu na rai myit dai.