ESHTA 9:1 - Jinghpaw Common Language Bible 2009

¹ Hkawhkam wa ndau shabra dat ai nhtoi ngu ai Adara shata shi masum ya shani hta, Yuda masha ni a gumlau hpyen ni gaw shanhte a daru magam n-gun hte ka-up dang la na myit mada nga ma ai. Rai ti mung shing rai lu na malai, Yuda masha ni mahtang shanhte hpe padang dip la lu nga ma ai.

Jinghpaw Hanson Version Bible

¹ Ya hkawhkam wa hkang dat ai hte maren, dawdan ai aten ni wa nna, Yuda masha ni hpe hpyen ai ni gaw, shanhte hpe dang kau nna myit mada nga ai shani, Adara ngu ai shata shi lahkawng a shi masum ya shani du jang, ginwan gale mat nna, Yuda masha ni gaw shanhte hpe n dawng n yawt ai ni a ntsa e up nga lu ma ai:

ESHTA 9:1 ပူးပေါင်းရင်းမြစ်များ

2 SAMUELA 22:41

Nang gaw nye a gumlau hpyen ni hpe ngai kaw nna jahprawng kau ya nhtawm; ngai hpe n ju n dawng ai ni hpe shamyit kau lu nga ndai.

ESHTA 3:13

Adara shata shi masum ya shani e nan Yuda masha yawng ngu na kaji kaba, ma kaji ni hte numsha ni yawng hpe htau sat sharu kau na matsun ga ni rawng ai ndau laika hpe mungdan a mungdaw shagu de laika sa ai ni la mat wa shajang ma ai. Yuda masha ni gaw matsan dum myit n rawng ai sha sat sharu kau ai hkrum nna shanhte a lanep ni la mat wa ai hkrum na ma ai.

ESHTA 3:7

Hkawhkam Ahasuru hkaw dung ai shi lahkawng ning a shawng na shata ngu na Nisan shata hta shi a maw mawn ai amu galaw shapraw dat na jaw hkrak ai nhtoi shata, tam shapraw na matu (“Purim mying ai,”) hpaida da na hkang dat wu ai. Shing rai shata shi lahkawng ngu ai Adara shata shi masum ya shani hpe daw dan shagrin da nga ai.

ESHTA 8:12

Mungdaw langai ngai kaw na laknak hpai ai kaga amyu masha ni mahtang ma kaji ni, numsha ni hte Yuda lasha ni hpe htim gasat ai rai yang, Yuda masha ni bai hkap gasat lu nna htim gasat ai ni hpe atsai awai sat shagrawm kau nhtawm shanhte a sut rai ni hpe madu la lu na rai nga ai.

ESHTA 8:6

Nye a amyu masha ni a ntsa e du na ndai ru yak tsin-yam tsindam hpe mung, nye a jinghku kahpu kanau ni sat kau hkrum na hpe mung, ngai kaning rai hkam jan lu na rai nga a ta?,” ngu nna tsun wu ai.

ESHTA 9:17

Dai gaw Adara shata shi masum ya shani hta byin ai lam rai nga ai. Shing rai hpang shani ngu na shi mali ya shani hta shanhte hpa mung n sat ai sha, kabu gara ai lusha poi sha ai shani shatai da nga ma ai.

SHAKAWN KUNGDAWN 18:40

Nang gaw nye a gumlau hpyen ni hpe ngai kaw nna jahprawng kau shangun ya ndai; ngai gaw ngai hpe n dawng ai ni hpe shamyit kau nngai.

SHAKAWN KUNGDAWN 30:11

Nang gaw nye a yawn hkyen ai hpe kabu gara ka gumlawt ai hte galai ya nit dai; nye a myit yawn ai lam hpe nang la kau ya nna, kabu gara ai hte ngai hpe shinggrup da ya nit dai.

KASA 12:11

Ya Petru gaw shi hta hpa baw byin wa sai lam myit dum arai la lu jang, “Madu gaw shi a Lamu kasa hpe shangun dat nna Herod a lata na mung Yuda masha ni ngai hpe katut sha shangun na myit mada nga ma ai kaw na mung, ngai hpe shaw mawai la sai teng nga ai gaw ya ngai chye se ai,” nga nna tsun ai.

TARA JAHPRANG 32:36

Shanhte n-gun htum mat ai hpe shi mu ai shaloi, dai Madu gaw shi a amyu masha ni hpe hkye mawai la na ra ai. Shanhte hpe karum la na masha n nga ai hpe shi mu ai shaloi, shi gaw shi hpe daw jau ai ni hpe matsan dum ai myit madun dan na ra ai.

SHINGRAN 11:18

Na a pawt sindawng ai aten ladaw mung, si ai ni hpe tara dara na aten ladaw mung, ya aten hta du ra ai majaw, masha amyu ni n yun bu nga masai. Na a shangun ma myihtoi ni hpe mung, na a amyu masha ni hpe mung, nang hpe hkrit hkungga ai kaji kaba ni hpe mung, shabrai shagrau sha-a na aten hte lamu ga hpe jahten shabyak kau ai ni hpe jahten shabyak kau na nhtoi du ra ai law!,” nga nna tsun nga ma ai.